Ноември несомнено ќе ни донесе промени, а две планети ќе го прекинат ретроградното движење, што е одлична вест. Но, пред тоа да е случи, сите мораме да бидеме трпеливи и да ја гледаме светлината на крајот од тунелот.
Уште на првиот ден од месецот, Венера, планетата на љубовта и убавината, ќе се пресели во стрелец, правејќи нè авантуристи во љубовта. Ќе експериментираме и ризикуваме, а спонтаноста ќе ни годи.
Во првите 20 дена од месецов, комуникативниот Меркур ќе се движи ретроградно во шкорпија. Ќе бидеме склони да се навраќаме на стари проблеми, да споменуваме партнери од минатото или да се обидуваме да ја обновиме комуникацијата со бивши. Ако некој ви се допаѓа, не се потпирајте на информации кои другите ви ги кажуваат за него. Верувајте им само на сопствените очи.
Прва планета која ќе го прекине ретроградното движење ќе биде Меркур, кој на 20 ноември ќе започне да се движи директно, враќајќи ги на вистинска патека нашите комуникативни вештини. На 27 ноември, во директно движење ќе премине и таинствениот Нептун во риби и ќе ни помогне да ги затвориме болните поглавја и да си го излекуваме срцето.
Најубав ден за сите знаци ќе биде 24 ноември, кога во стрелец ќе се случи космичка средба на двете најромантични планети, Венера и Јупитер. Средбата на овие две планети тука се случува само еднаш на 12 години, носејќи во нашиот живот заедничко патување со партнерот или романса со личност од друга култура или држава. Не, љубовта нема да познава граници!
Во текот на ноември, ШКОРПИИТЕ и СТРЕЛЦИТЕ ќе бидат најмногу наградени од небесните тела.
| Датум | Случување |
| 1 ноември | ♀ Венера влегува во стрелец |
| 12 ноември | ☽ Настапува полна месечина во бик |
| 19 ноември | ♂ Марс влегува во шкорпија |
| 20 ноември | ☿ Меркур преминува во директно движење во шкорпија |
| 22 ноември | ☉ Сонцето влегува во стрелец |
| 26 ноември | ♀ Венера влегува во јарец |
| 26 ноември | ☽ Настапува млада месечина во стрелец |
| 27 ноември | ♆ Нептун преминува во директно движење во риби |
Табела: најважните датуми за месец ноември и движењето на небесните тела
Кликнете на вашиот хороскопски знак и дознајте како планетите ќе влијаат на вас овој месец:
