Стрелец (22. XI – 21. XII)

Среда, 22 Јануари 2025

Вашето семејство е посплотено отсекогаш, а причината за тоа ќе бидете вие. Во изминатиот период вложивте напор и енергија за да ги решите сите семејни прашања и сега ќе уживате во резултатот. Семејната идила ќе ве исполнува.

Некои стрелци ќе направат важен чекор кон создавање брачна заедница. Ако сте соло, ќе запознаете некој со сериозни намери за долга врска.

Јануари, 2025

Љубов

Во јануари вашата страст и оптимизмот ќе ви бидат најголемите сојузници.

На 3 јануари Венера влегува во риби, вашата 4-та куќа на домот и семејството. Ова движење носи романтична и нежна енергија во вашиот љубовен живот. Стрелците кои се во врска ќе почувствуваат потреба од повеќе време со партнерот и ќе создадат топла и сигурна атмосфера дома. Слободните стрелци може да откријат нова љубов преку семејни настани или средби со блиски пријатели.

На 6 јануари ретроградниот Марс влегува во рак, активирајќи ја вашата 8-ма куќа на интимноста. Ова е време за длабоки разговори и решавање на минати проблеми во врската. За слободните стрелци, големи се шансите за длабока врска со некој кој носи мистерија и ги привлекува со отвореноста за емоциите.

Полната месечина на 13 јануари дополнително ја осветлува вашата 8-ма куќа, носејќи моменти на искреност и емоционално прочистување. Ако сте во врска, ова е време за разговори за иднината и зајакнување на односите. За слободните стрелци, оваа месечина ќе биде инспирација за отворање нови љубовни можности.

На 19 јануари Сонцето влегува во водолија и ја активира вашата 3-та куќа на комуникацијата. Хармонија ќе зацарува во вашите односи со саканиот Не сте во врска? Ќе ве привлекува елоквентноста и ќе „паѓате“ на зборови. Само гледајте тие зборови да преминуваат во дела.

На 29 јануари младата месечина во водолија отвора врата за нови љубовни почетоци. Ќе почувствувате нова енергија и ентузијазам за освежување на вашите односи. За слободните, ова е време за романтични авантури и средби со луѓе кои носат возбуда и нова перспектива.

Пари и кариера

На почетокот на 2025-та година, поточно на 6 јануари, ретроградниот Марс влегува во вашата 8-ма куќа на заедничките ресурси, каде ќе остане до 24 февруари. Ова е време за ревизија на вашите финансиски стратегии и планирање на долгорочни инвестиции. Ќе се фокусирате на стабилноста и на тоа како да ги искористите ресурсите за поголема финансиска сигурност.

На 8 јануари Меркур влегува во јарец, вашата 2-ра куќа на приходите. Ова движење носи фокус на вашите финансии, поттикнувајќи ве да направите паметни одлуки. Ќе бидете инспирирани да планирате и да поставите јасни цели за зголемување на вашите приходи.

Сонцето во водолија од 19 јануари ќе ја осветлува вашата 3-та куќа на комуникацијата, носејќи можности за деловни преговори и договори. Вашата способност за комуникација ќе биде клучна за успехот, а можностите за нови соработки ќе бидат бројни.

На 30 јануари Уран преминува во директно движење во близнаци, активирајќи ја вашата 7-ма куќа на партнерствата. Ова движење носи можности за нови деловни партнерства или зајакнување на постоечките. Ќе почувствувате обновена енергија и мотивација да го проширите вашиот деловен опсег.

Кон крајот на месецот, младата месечина во водолија ќе биде совршен момент за поставување нови финансиски и професионални цели. Вашата интуиција и креативноста ќе ве водат кон нови можности што носат долгорочни придобивки.

Здравје

Јануари за стрелците е месец на обновување, инспирација и нови можности. Со оптимизам и решителност ќе го извлечете најдоброто од секој аспект на животот. Вашата енергија и ентузијазамот ќе ве водат кон успеси и среќа.

Ретроградниот Марс во рак на 6 јануари ќе ве поттикне да се насочите кон детоксикација и подобрување на начинот на живот.

Полната месечина во рак на 13 јануари ќе ве поттикне да се ослободите од емоционалните товари што влијаат на вашето здравје. Внимавајте повеќе на здравјето на главата и рамената.

2025 година

Љубов

2025 година носи љубовни искушенија, возбудливи авантури и експлозивни страсни моменти за стрелците. Едноставно е – вашето срце ќе биде отворено за нови искуства. Ова е година кога љубовта ќе ве поведе на патување исполнето со страст, романтични игри и неочекувани пресврти. Ќе почувствувате дека љубовниот живот добива нова димензија, исполнета со емоции кои го скокоткаат срцето и авантуристички дух.

На почетокот на годината, поконкретно на 3 јануари, Венера во риби ќе ја активира вашата 4-та куќа на домот и семејството до 4 февруари. Љубовта ќе биде поврзана со интимни моменти и создавање на хармонија зад затворени врати. Можно е токму за време на празничната сезона да се израдувате на предлог за брак, вест за бременост или разговори за преселување или потомство. Сингл сте? Венера ќе ве поврзе со некој кој е посветен на фамилијата и ги гледа блиските како роса на дланка.

На 4 февруари Венера преминува во овен, вашата 5-та куќа на романтиката и страста. Љубовниот живот ќе добие огнена енергија и ќе биде исполнет со возбуда и неочекувани авантури. Стрелците кои се во врска ќе ја оживеат искрата со страсни допири и романтични изненадувања, додека слободните стрелци ќе се најдат во ситуации исполнети со флерт и заемна привлечност.

Младата месечина во Водолија на 29 јануари ќе настапи во вашата 3-та куќа на комуникацијата. Љубовта ќе се изразува преку зборови – искрени пораки, љубовни писма и долги разговори. Ова е идеално време за запознавање нови луѓе преку заеднички интереси или патувања.

Ретроградната Венера во овен од 2 до 27 март ќе ви донесе шанса да се вратите на стари љубовни приказни. Ова е време за размислување за тоа што навистина ви е важно во љубовта. Веројатно ќе се појави поранешен партнер да ве искушува или ќе почувствувате желба за финално затворање на нерешени љубовни прашања.

Соларната еклипса во овен на 29 март ќе донесе пресврт во вашиот љубовен живот. За паровите, ова е ден за важни одлуки како свршувачка, заедничко живеење или планирање на деца. За слободните стрелци, ова е период кога може да се појави љубов која ќе ги изненади со интензитетот.

На 18 април Марс ќе премине во лав, вашата 9-та куќа на патувањата. Ова движење ќе донесе романтични авантури на егзотични локации. Ако сте во врска, патувањата ќе го разбудат вашиот љубовен дух, додека слободните стрелци ќе имаат шанса да запознаат личност која ги инспирира во сите сфери на животот.

Полната месечина во шкорпија на 12 мај ќе ја осветли вашата 12-та куќа на интроспекцијата. Ова е период на длабоки емоции и размислување за љубовта. Ќе се чувствувате подготвени да го оставите минатото зад себе и да направите простор за нови, повозбудливи врски.

На 4 јули Венера ќе влезе во близнаци, носејќи леснотија и забава во љубовта. Ќе чувствувате потреба да експериментирате и да внесете новини во врската. За слободните стрелци, ова е време на бројни можности за љубовни средби преку патувања или друштвени настани.

Соларната еклипса во девица на 21 септември ќе ја осветлува вашата 10-та куќа на кариерата. Постои голема шанса да запознаете личност преку вашите професионални активности или неочекувано да откриете романса со колега. Паровите ќе најдат баланс помеѓу личните и професионалните аспекти, создавајќи хармонија во односите.

Венера во стрелец на 30 ноември ќе ја активира вашата 1-ва куќа на личноста, носејќи харизма и магнетизам. Ќе бидете центар на вниманието, а љубовниот живот ќе блесне со нова енергија. За паровите, ова е време за повторно откривање на љубовта, додека слободните стрелци ќе имаат шанса за нови врски со огномет од страст. Венера во вашата 1-ва куќа ќе продолжи да носи магнетска привлечност и радост.

Ќе ја завршите 2025 година подготвени за нови љубовни поглавја.

Пари и кариера

Во 2025 година ќе ви се отвораат врати за унапредувања, нови позиции и профитабилни вложувања. Ѕвездите носат финансиска стабилност и можности за брзи пари, но и шанса за долгорочен успех преку паметно планирање и иницијатива.

На почетокот на годината, ретроградниот Марс во рак ќе ја активира вашата 8-ма куќа на заедничките ресурси и инвестициите. Во периодот од 6 јануари до 24 февруари ќе размислувате за ревизија на вашите финансиски стратегии и долгогодишни вложувања. Ако имате партнерски проекти или заеднички финансии со други лица, ќе биде важно да направите корекции кои носат стабилност. Постои можност за враќање на стар долг или профит од претходни вложувања.

Со Јупитер кој преминува во директно движење во близнаци на 4 февруари, вашата 7-ма куќа на партнерствата добива нова енергија. Ова е период за профитабилни деловни партнерства и договори. Ќе почувствувате дека работата со други луѓе носи поголем успех од индивидуалните напори. Оние што бараат нови работни позиции ќе добијат одлични понуди, особено во области кои вклучуваат комуникација, маркетинг или меѓународни соработки.

Соларната еклипса во овен на 29 март ќе ја активира вашата 5-та куќа на креативноста и иновациите. Ова движење ќе донесе нови и профитабилни проекти кои можат да го трансформираат вашиот професионален живот. Ако сте размислувале за започнување сопствен бизнис или за преземање на лидерска улога, ова е идеално време за тоа. Вашата креативност и амбиција ќе бидат наградени со зголемен приход.

На 30 април Венера влегува во овен, дополнително нагласувајќи ја вашата 5-та куќа. Ова движење носи можности за брза заработка преку иновативни проекти. Ако работите во уметноста, технологијата или маркетингот, вашиот труд ќе биде препознаен и награден. Може да очекувате бонуси или финансиски награди за успешно завршени проекти.

Со влегувањето на Марс во лав на 18 април, ќе дојде до израз вашата 9-та куќа на експанзијата. Ова е време кога ќе се појават можности за заработка преку меѓународни соработки, патувања или едукација. Ако сте размислувале за дополнителна обука, овој период ќе ви помогне да го проширите вашиот професионален профил и да привлечете повисоко платени позиции.

На 9 јуни Јупитер влегува во рак и ја активира вашата 8-ма куќа на заедничките ресурси. Ова движење носи можности за финансиски добивки од недвижности, наследства или заеднички вложувања. Ако сте размислувале за купување или продажба на имот, ова е време кога ќе најдете профитабилни услови. Вашата финансиска состојба ќе добие значителен стимул.

На 31 јули Венера влегува во рак, носејќи стабилност и хармонија во вашите финансии. Ќе бидете мотивирани да вложите во сигурни проекти кои носат долгорочна добивка. Постои шанса за дополнителна заработка преку партнерски вложувања или деловни соработки.

Соларната еклипса во девица на 21 септември ја активира вашата 10-та куќа на кариерата. Ова е време на големи промени и можности за напредок. Оние што бараат унапредување ќе бидат препознаени за нивните напори и може да добијат нова позиција која носи значителна заработка. Ако сте размислувале за промена на кариерата, ова е одличен момент за тоа.

Полната месечина во бик на 5 ноември ќе ја активира вашата 6-та куќа на рутините. Ова е момент за завршување на важни проекти и добивање на награди за вашиот труд. Ќе станете поорганизирани и подетално ќе го планирате секој деловен потег.

На 30 ноември Венера влегува во вашиот знак. Ќе зрачите со самодоверба и ќе привлекувате нови можности за заработка. Вашата харизма и професионализам ќе бидат препознаени, што ќе доведе до нови деловни партнерства и зголемени приходи.

Марс со влегувањето во јарец на 15 декември ќе ја акцентира вашата 2-ра куќа на парите. Ова движење ќе ве мотивира да се фокусирате на зголемување на вашите приходи. Ќе бидете подготвени да работите напорно за да ги постигнете вашите финансиски цели. Постои можност за добивање бонуси или зголемување на платата.

Кон крајот на годината, ќе се почувствувате задоволни со вашите достигнувања и подготвени за нови предизвици во 2026-та.

Здравје

2025 година носи моменти на зголемена енергија, но и потреба за одмор и превентивна грижа.

Од 6 јануари до 24 февруари ретроградниот Марс во рак ќе ве поттикне да се фокусирате на одмор и грижа за емоциите. Ова е време за прочистување на умот и ослободување од стресот преку медитација или релаксациски активности како пливање или пешачење во природа.

Младата месечина во водолија на 29 јануари ќе внесе свежа енергија во вашиот живот, мотивирајќи ве да започнете нови активности кои комбинираат физичка активност и ментална релаксација, како јога или танц.

Соларната еклипса во овен на 29 март ќе отвори можности за воведување здрави промени. Ова е одлично време за нови фитнес програми или исхрана која ќе ве исполни со енергија. Вашата мотивација ќе биде висока, а резултатите ќе бидат видливи брзо.

Со Марс кој влегува во лав на 18 април, вашата виталност ќе се зголеми. Ова е идеално време за активности на отворено и спортови кои ја стимулираат вашата енергија. Ќе почувствувате како вашето тело и ум се синхронизираат, носејќи ви нови бранови сила и подготвеност за предизвици.

Јупитер, кој на 9 јуни влегува во рак, дополнително ќе ја нагласи важноста на вашето емоционално здравје. Овој транзит ќе ве поттикне да истражувате холистички методи за подобрување на целокупното здравје. Акупунктура, ароматерапија или други алтернативни терапии може да бидат токму она што ви е потребно за воспоставување на комплетна рамнотежа. Во летните месеци, ќе бидете инспирирани за активности што комбинираат забава и физичка кондиција. Патувањата и авантурите ќе ја поттикнат вашата ментална свежина и ќе ви донесат радост.

Соларната еклипса во девица на 21 септември ќе ве охрабри да воведете ред во вашите здравствени навики. Ќе почувствувате потреба за ригорозен распоред, редовни оброци и доволен сон. Ова е идеален период за редовни медицински прегледи и воведување нови здравствени рутини кои ќе ви помогнат да останете стабилни и енергични.

На 30 ноември Венера влегува во вашиот знак, носејќи харизма и виталност. Ова ќе биде време кога ќе се чувствувате најдобро во својата кожа, а вашиот ентузијазам за животот ќе биде заразен.

Марс во јарец од 15 декември ќе ви донесе дисциплинираност и фокусираност, особено кога станува збор за вашето физичко здравје. Ќе бидете подготвени да преземете долгорочни чекори за да го зајакнете телото.

Ќе ја завршите годината со чувство на благодарност за постигнатото.