Стрелец (22. XI – 21. XII)

Сабота, 21 Декември 2024

Кренете ја главата високо. Денес Сонцето ќе премине во вашиот сектор на самодовербата, охрабрувајќи ве да верувате во себе повеќе отсекогаш. Многу цели кои во изминатиот период ви делуваа недостижно сега ќе ви бидат на дофат.

Разгалете си ги сетилата со убави нешта. Ставете го задоволството на прво место, бидејќи животот е прекраток.

Декември, 2024

Љубов

Додека ја испраќате 2024 година, самоуверено ќе се движите низ деновите и ќе ги множите моментите во кои радоста ќе биде повеќе од очигледна на вашето лице. Ова е вашиот период од годината, па живејте го со полни гради.

Во првите три недели од месецот, Сонцето ќе патува во вашиот знак, исполнувајќи ве со ентузијазам, ведрина и харизма. Ако некој може да го освои светот само со својата појава, тоа ќе бидете дефинитивно вие. Не ја прифаќајте првата покана за љубовен состанок, бидејќи такви ќе имате во изобилие. Бидете пребирливи, флертувајте и забавувајте се.

Во врска сте? Партнерот ќе стекне нова почит кон вас месецов и ќе забележите дека дава сè од себе за да ве изненади и усреќи.

До 7 декември, романтичната Венера ќе патува во вашата 2-ра куќа на самодовербата и сензуалноста, охрабрувајќи ве да ја истакнувате вашата убавина. Паровите ќе ја продлабочат врската, насочувајќи ги нивните разговори кон иднината. Некои партнери ќе одлучат да основаат заеднички бизнис, а други ќе се вработат во иста компанија за да поминуваат повеќе време заедно. Избегнувајте ги кавгите за пари.

На 15 декември комуникативниот Меркур ќе го прекине ретроградното движење во вашиот знак. Флертувајте со зборови без разлика дали сте во врска или имате партнер. Разгорете му ја страста на партнерот без разлика дали сте заедно 5 дена или 5 децении.

Полната месечина месецов ќе настапи на 15 декември во вашата 7-ма куќа на обврзувањето и сериозните партнерства и ќе официјализира многу врски со свршувачка или брак. Непосредно пред празниците, вие ќе им споделувате романтични новости на најблиските. Ако сте соло, не останувајте дома на тој датум. Ќе запознаете специјална личност со потенцијал за сериозна врска.

На 21 декември Сонцето ќе влезе во вашиот сектор на стабилноста, охрабрувајќи ве да целите кон силна врска во која нема да има простор за компетитивност. Ќе сакате до себе да имате партнер на кого би можеле да се потпрете во секој момент. Ако сте сингл, ќе бидете многу пребирливи, бидејќи нема да ви се ризикува со лица кои живеат од денес за утре.

Ќе ја завршите 2024 година со Месечината во вашата 2-ра куќа на сензуалноста и луксузот. Планирајте гламурозна новогодишна ноќ за паметење. Нема да штедите за да се чувствувате специјално.

Пари и работа

На крајот на 2024 година, ќе се однесувате како вистински лидер и визионер. Лесно ќе можете да воочите каде има проблеми на работното место и веднаш ќе нудите решенија, па освен аплаузи и пофалби, ќе добиете и финансиски награди.

Вешто ќе ги маскирате своите слаби страни и многумина отворено ќе ви кажат дека ви се восхитуваат за деловните постигнувања и одлуки.

Во првата половина од месецов, ретроградниот Меркур ќе ви поставува пречки и ќе носи недоразбирања. Избегнувајте да седнувате на преговарачка маса или да потпишувате сериозни договори. Ако морате да го направите тоа, читајте сè до најмала буква и подготвувајте двојно повеќе од вообичаено.

На 15 декември Меркур, планетата на комуникацијата и интелектот, ќе го прекине ретроградното движење во вашиот знак. Ќе се изразувате беспрекорно, а логичкиот начин на размислување ќе ви помогне да победите во многу дебати. Ова е одличен период за преговори, потпишување на важни договори или интервјуа за работа.

На 21 декември Сонцето започнува едномесечно патување низ вашата 2-ра куќа на работата и парите, давајќи ви зелено светло да издишете со олеснување. Од финансиска гледна точка, нема да имате главоболки, бидејќи ќе пронајдете многу начини за да ги пополните дупките во вашиот буџет. Некои стрелци ќе си дозволат малку разгалување и ќе издвојат поголема сума за патување или претпразнично разубавување на домот.

Финансиски ризик пред крајот на годината ќе ви се исплати.

Младата месечина на 30 декември ќе настапи во вашата куќа на парите и работата, зголемувајќи ги шансите да добиете покачување на платата, понуда за нова работа или понуда за учество во проект кој предвидува голема заработка.

Здравје

Со огромна енергија и ведрина ќе маневрирате низ последниот месец од годината, благодарение на Сонцето и неколку други планети кои ќе престојуваат во вашиот знак. И покрај тоа што ќе бидете особено активни и растрчани на многу страни, нема да се чувствувате истоштени. Имајќи предвид дека ова е вашиот период од годината, не е чудно што ќе имате премногу енергија, дури на моменти ќе се чувствувате неспокојно кога седите предолго во исто место.

На самиот крај на 2024 година, ќе ве прати одлично физичко здравје, но мора да поработите на своите емоции. Во последната седмица можно е да излезат на површина силни чувства кои сте ги потискале или да ве обземе интензивна носталгија.

Внимавајте повеќе на колената за време на интензивна физичка активност. Преголемото натоварување може да предизвика долготрајни проблеми.

2024 година

Љубов

2024 година ќе ви започне страсно и романтично. Под влијание на Венера, планетата на љубовта и убавината, која ќе престојува во вашиот знак до 23 јануари, за време на празничниот период ќе ве обземе силна страст која ќе резултира со жешки средби со саканиот, или пак, ќе се израдувате на прстен на раката. За некои сингл стрелци празниците ќе донесат почеток на нова врска со огромен потенцијал.

Младата месечина на 8 април е во вашиот сектор на страста и флертувањето, а ќе има и целосно затемнување на Сонцето. Очекувајте возбудлива ноќ со саканиот зад затворени врати. Доколку не сте во врска, ќе пронајдете личност на која нема да се двоумите дали да ѝ го подарите срцето.

Најповолниот период за љубов за вас е од 5 до 29 април, кога Венера, планетата на љубовта и убавината, ќе се движи низ вашата петта страсна куќа. Ќе привлекувате многу додворувачи со шарм на кој ретко кој ќе може да одолее. Голема е веројатноста да се зближите со личност која спаѓа во категоријата „забрането овошје“. Стрелците кои се во врска ќе се почувствуваат како да минуваат низ период на преродба, бидејќи Венера значително ќе им ги вжешти односите со партнерот.

Љубовниот живот потоа ќе ви го разубавува Марс, кој од 30 април до 9 јуни ќе патува низ вашиот жежок сектор на страста, флертувањето и романтиката. Марс ќе ве поттикне да експериментирате во односите со саканиот со цел да ја разбиете монотонијата. Многу стрелци ќе се почувствуваат особено блиски со саканиот. Не сте во врска? Марс неосетно ќе ве приближи до личност која за кратко време ќе допре до длабочините на вашата душа.

Планетата-учител Сатурн ќе ја помине цела година во вашата фамилијарна 4-та куќа, учејќи ве да не ги земате најблиските роднини здраво за готово. Многу стрелци ќе ја откријат волшебната страна на родителството.

Стрелците кои се во брак ќе наидат на потешкотии во комуникацијата со саканиот во периодот од 26 јуни до 15 ноември, бидејќи Сатурн ќе се движи ретроградно во секторот на домот и семејството. Сепак, проблематичните односи ќе ве зближат со партнерот и ќе ве научат како да бидете потрпеливи еден кон друг. Сатурн е учител, па неговите лекции ќе ги користите во останатиот дел на годината за да уживате во семејна хармонија.

Проблеми поврзани со љубомора, недоверба и тајни ќе се појават во животите на многу стрелци во периодот по 9 октомври, бидејќи Јупитер ќе се движи ретроградно. Бидете посветени на надминување на проблемите и во никој случај не ги поттурнувајте настрана нерешени.

Марс наесен ќе ви дава магнетизам кој ќе ги привлекува сите погледи. Ако што било во минатото ве натерало да престанете да верувате во љубов, сега ќе сретнете лице кое ќе ви ја врати вербата и ќе ви покаже дека заслужувате да добивате многу внимание. Време е отворено да зборувате за вашите желби и потреби доколку сте во врска. Вашиот сакан ќе биде како маѓепсан од вашата привлечност и со задоволство ќе исполнува сè што ќе посакате од него.

Венера ви подготвува изненадувања и во втората половина од годината. Од 17 октомври до 11 ноември, романтичната планета ќе престојува во вашиот знак, подарувајќи ви романтични мигови кои ќе се врежат во вашите сеќавања. Не сте во врска? Пред почетокот на зимата, ќе најдете партнер кој со задоволство ќе ве топли во својата прегратка во студените ноќи.

Пари и работа

2024 година е идеална за успеси со кои ќе се гордеете.

На почетокот на годината, неколку планети ќе патуваат низ вашиот сектор на парите и работата, па додека другите луѓе размислуваат за пауза на професионален план, вие ќе размислувате како да стигнете до поголеми приходи.

За успесите на почетокот на 2024 година заблагодарете му се најмногу на Марс, кој ќе остане во вашиот сектор на парите и работата до 13 февруари. Црвената планета ќе ви даде мотивација да правите големи чекори на професионален план, ќе ви го разбуди натпреварувачкиот дух и ќе ви даде енергија да се борите за она што е ваше. Лошата страна на Марс е што носи зголемен стрес, бидејќи заедно со подобрувањето на финансиската состојба, доаѓаат и повеќе обврски.

Јупитер, планетата на среќата и оптимизмот, ќе се движи директно низ вашиот сектор на партнерствата од 25 мај до 9 октомври. Ќе се здружите со личност која надоместува за вашите слаби страни и заедно ќе тргнете на мисија која ќе заврши со значаен финансиски успех.

Јупитер ќе ве направи посклони кон ризикување. Не се лажете со понуди кои ви ветуваат брза заработка. Под влијание на Јупитер, многу стрелци ќе паднат на искушението да се „коцкаат“ со пари.

Од 22 август до 22 септември Сонцето ќе патува низ девица, вашиот сектор на кариерата и долгорочните планови. Ќе можете лесно да ги убедувате луѓето да застанат на ваша страна, па нема да ви биде проблем да преговарате или да продавате. Стрелците кои работат директно со клиенти најмногу ќе го почувствуваат позитивното влијание на Сонцето.

Сериозниот Сатурн ќе ја помине цела година во вашата 4-та куќа, зголемувајќи ја вашата потреба од сигурност. Размислете како можете да ги претворите вашите брилијантни идеи во одржлив бизнис. Женска фигура можно е да одигра важна улога во вашата кариера во 2024 година. Со неа ќе извојувате многу победи со кои ќе се гордеете.

Годината ќе ја завршите со прославување на голем успех кој ќе ви докаже дека напорната работа се исплаќа. На 21 декември Сонцето ќе го осветли вашиот сектор на парите и работата и ќе ви го олесни патот до професионалниот успех.

Здравје

Во текот на 2024 година, Уран ќе патува низ вашата 6-та куќа на здравјето и фитнесот. Уран е планетата на неочекуваните промени, па ќе ги изненадите луѓето кои не очекувале дека можете да се откажете од некои лоши навики.

Кој вели дека вежбањето или здравата исхрана се здодевни? Вие ќе бидете жив доказ дека тоа мислење е погрешно. Ќе бидете извонреден шеф во кујната кој постојано смислува вкусни и неодоливи јадења, а со шеги и музика ќе си ги разнообразувате тренинзите.

Најголема веројатност за воведување новитети во вашиот начин на живот има на 8 мај, бидејќи тогаш настапува млада месечина во бик, вашата 6-та куќа на здравјето и фитнесот.

До 26 мај среќниот Јупитер ќе престојува во бик, вашиот сектор на здравјето и фитнесот. Ќе забележите подобрување на здравствената состојба, благодарение на промената во навиките на хранење и зголемувањето на активноста.

Внимавајте на здравјето во периодот по 1 септември, кога Уран ќе се движи ретроградно. Ако случајно се појави одредена болка, не ја игнорирајте и посетете лекар.