Лав (23. VII – 22. VIII)

Четврток, 21 Ноември 2024

Температурите надвор можеби опаѓаат, но во вашето срце е лето. Денес Сонцето ќе ги насочи своите зраци кон вашиот сектор на флертот и гламурот, зголемувајќи ја страста во вашата врска. Физичката интимност ќе ви биде на максимум.

Зголеменото либидо ќе натера многу соло лавови да ја зачестат потрагата по вистинскиот. Наскоро ќе го пронајдат.

Ноември, 2024

Љубов

Време е за топла, интимна романса! Драги лавови, ноември за вас ќе биде можеби „најжешкиот“ месец од 2024 година.

Желбата за интимни зближувања ќе ви се зголеми под влијание на Марс, кој на 4 ноември ќе започне патување низ вашиот знак. Многу лавови ќе експериментираат во спалната и ќе ги истражуваат своите сексуални фантазии.

Доколку не сте во врска, големи се шансите Марс да ви донесе љубовна авантура исполнета со страст. Не е исклучена можноста да споите усни со личност која не ја познавате доволно добро, но ве привлекува со физичкиот изглед.

Романтичната Венера до 11 ноември ќе патува во вашиот сектор на страста, романсата и флертувањето, правејќи ве вистинска волшебничка за освојување срца. Нема да мора да мрднете ни со прст за да го привлечете оној кој ви се допаѓа, потребно е само да го насочите погледот во негов правец. Комплиментите за надворешниот изглед ќе ви станат секојдневие.

И зборовите ќе ви станат моќно оружје за заведување по 2 ноември, кога комуникативниот Меркур ќе премине во вашата страсна 5-та куќа. Интелектот е секси, ќе се убедите во тоа. Некои лавови ќе бидат силно привлечени од елоквентно лице кое иницира длабоки и донекаде жестоки дискусии.

На 19 ноември Плутон ќе премине во водолија, вашиот сектор на сериозните врски. Ќе ви стане јасно зошто никнуваа мали проблеми во односите со партнерот. А откако еднаш ќе ја дознаете причината, веднаш ќе го најдете и решението. Лавовите кои не се во врска ќе започнат да размислуваат за посериозно обврзување, а кратките авантури ќе ги ставаат на дното на љубовните желби.

На 21 ноември Сонцето ќе започне патување во вашата 5-та куќа на веселиот дух, гламурозниот изглед и флертувањето. Како што ќе наближува празничната сезона, така вашата страст кон животот ќе расте. Неспорно е дека ќе уживате МНОГУ.

Пари и работа

Ноември ќе ве награди со динамични, но финансиски исплатливи моменти.

Марс ќе патува низ вашиот знак од 4 ноември. Очекувајте напредок, желба за искачување по скалилата на хиерархијата и фокусираност на парични награди. Можете да постигнете многу, не се потценувајте себеси.

Ноември носи уште добри вести за вас. На 15 ноември строгиот Сатурн ќе го прекине ретроградното движење во вашиот сектор на богатството. Сатурн е ментор и во изминатиов период ви одржа неколку лекции за порационално трошење на парите, а сега ќе ве одведе поблиску до солидна парична сума. Ќе ви се врати оптимизмот во однос на вашата финансиска иднина.

На 15 ноември ќе настапи полна месечина во вашиот сектор на кариерата и долгорочното планирање. Облечете го вашиот најмоќен деловен костум и покажете им на сите од што е создаден еден лав. Време е за смели потези, кои ќе ви донесат трајни придобивки. Некои лавови ќе се израдуваат заради премесување на престижна работна позиција, но таа реално нема да биде изненадување ако се земе предвид нивната напорна работа во изминатите шест месеци.

На 19 ноември Плутон ќе премине во вашиот сектор на партнерствата. Ако сте имале проблем со одреден бизнис соработник, ќе успеете да ги надминете несогласувањата. Можно е да пронајдете инвеститор за реализирање на некоја ваша идеја.

Не се плашете да предлагате идеи на работа во последните 10 дена од месецот, бидејќи на 21 ноември Сонцето влегува во вашата креативна 5-та куќа. Ќе бидете слушнати, а вашите замисли ќе бидат реализирани.

Здравје

Енергија до максимум. Марс на 4 ноември ќе започне да се движи низ вашиот знак, подарувајќи ви сила и чувство дека можете да поместите и планини. Не се изненадувајте ако одеднаш започнете да клоните кон поинтензивни тренинзи. Вам ќе ви биде потребна физичка активност која ќе ве препотува и ќе ве истоштува максимално.

Заблагодарете му се на Марс и за подобрата концентрација која ќе ве радува месецов. Сепак, не заборавајте дека Марс носи и дополнителен стрес, па бидете подготвени да му се спротивставите со различни техники за релаксација. Некои лавови може да страдаат од зачестени главоболки.

На 15 ноември Сатурн ќе го прекине ретроградното движење во вашиот сектор на интензивните емоции и ќе тргне голем камен од вашето срце. Очекувајте да ве обземе душевен мир.

Стресен ден за вас доаѓа на 24 ноември, бидејќи се големи шансите за сезонска настинка или повреда. Вложете максимални напори за да го зацврстите вашето тело и имунитетот, за да ве штитат кога ви е најпотребно.

2024 година

Љубов

2024 година ќе ве мотивира да трагате по подлабоко емотивно поврзување, а во меѓувреме ќе ви подари бројни моменти исполнети со екстатична возбуда и љубовни игри.

Младата месечина на 9 февруари е во водолија, вашиот сектор на сериозните врски и обврзувањето. Можно е токму кон крајот на првиот месец од годината да започнете долга врска со личност која има сериозни намери.

Јупитер, планетата на среќата и оптимизмот, до 26 мај ќе престојува во вашата 10-та куќа на долгорочното планирање и мажите. Нема да сакате ни да помислите на влегување во врска ако таа не ви ветува дека ќе трае долго. Авантурите за една ноќ ќе отсуствуваат во овој период. Голема е веројатноста да го запознаете господин Вистински на работното место или за време на деловно патување. Некои лавови ќе бидат освоени од повозрасна личност, затоа што Јупитер патува низ секторот на мудрите и реализирани лица.

Плутон, планетата на трансформацијата, до 2 мај ќе патува во вашата 7-ма куќа на љубовта и зближувањето. Ќе бидете поблиски отсекогаш со партнерот, иако луѓето нема да можат да го забележат тоа отстрана. Најголемите промени ќе се случуваат внатре во вас и нема да бидат видливи за околните.

На 29 јуни Сатурн ќе премине во ретроградно движење во вашата осма куќа на интимноста. Ќе ги избегнувате ризичните љубовни авантури и воопшто нема да избрзувате при донесувањето одлуки во врска со љубовта. Тоа ќе придонесе да не се каете за ниту една ваша постапка. Строгиот Сатурн е учител, па со негова помош ќе научите скапоцени лекции кои ќе ги искористите за да ги заобиколите љубовните разочарувања.

Најжешкиот период од годината ќе биде уште пожежок со романтичната Венера во вашиот знак од 11 јули до 5 август. Ќе бидете најпосакуваната личност на секоја забава, а ретко кој ќе може да ги тргне очите од вас во текот на летото. Внимание ќе добивате во изобилие.

Комуникацијата со саканиот може да се влоши од 5 до 28 август, кога Меркур ќе се движи ретроградно во вашиот знак. Бидете потрпеливи за да не ги претворате малите кавги во бурни караници.

Најромантичниот период ве очекува од 17 октомври до 11 ноември, кога Венера ќе патува низ вашата 5-та страсна куќа на љубовта. Не сте во врска? Очекувајте да ве погоди љубовната стрела на Купидон. Ќе сретнете партнер кој ќе може да ѕирне длабоко во вашата душа и кој ќе ви ги разлета пеперутките во стомакот. Во врска сте? Есента ќе ви донесе многу романтични мигови кои ќе се врежат во вашите сеќавања.

Младата месечина на 1 декември ќе биде во стрелец, вашиот сектор на страста и флертувањето. Ова е фантастичен ден за почеток на нови љубовни сојузи и отворање на нови поглавја во веќе постоечките врски. Срцето ќе ви порасне многукратно, а телото ќе ви трепери како ретко кога претходно.

Пари и работа

Подготвени сте за успеси? Во текот на 2024 година Уран, планетата на неочекуваните настани, ќе патува низ вашиот сектор на кариерата и амбициите, мотивирајќи ве да зграбите поголемо парче од колачот на професионален план. Ќе добивате фантастични вести токму тогаш кога најмалку ќе ги очекувате.

Строгиот Сатурн ќе ја помине цела година во вашата 8-ма куќа на богатството и заедничките инвестиции, поттикнувајќи ве да работите заедно со партнер ако сакате да успеете. Најубавите и најскапоцени лекции ќе ги научите кога создавате пресметани деловни сојузи. Размислувајте долгорочно и најдете начин како најмудро да ги инвестирате парите коишто ги поседувате.

Додека Сатурн се движи директно, односно до 29 јуни, тоа е и период за учење и надградување на вашето знаење. Запишете се на курс кој ќе ви помогне да напредувате во работата или започнете да учите нов странски јазик.

Успехот ќе ви зависи од бројот на луѓе кои ги познавате. Среќниот Јупитер од 26 мај ќе патува во вашата 11-та куќа на поврзувањето и тимската работа, терајќи ве да ја оставите индивидуалната работа и да им се приклучите на групните проекти кои ветуваат и поголема динамика.

Под влијание на Јупитер, планетата на технологијата, ќе се поврзете со лице од друга држава кое ќе одигра голема улога во вашата понатамошна кариера. Можно е да заминете на работа или усовршување во странство.

Младата месечина на 3 септември ќе настапи во девица, вашиот сектор на парите и работата, па голема е веројатноста да добиете пари за кои не сте верувале дека ќе завршат во вашиот џеб. Некои лавови ќе добијат примамлива бизнис понуда каква што чекале долго време.

Очекувајте позитивни промени во кариерата во периодите од 19 април до 20 мај и од 22 август до 22 септември, кога Сонцето ќе се движи низ вашите куќи на кариерата и амбициите и работата и парите.

Од 13 февруари до 23 март амбициозниот Марс ќе патува низ вашиот сектор на партнерствата, мотивирајќи ве да се здружите со доверлив партнер за нова бизнис авантура која ќе ви донесе финансиски успех токму пред крајот на годината.

Во последниот месец од 2024 година, поточно од 7 декември, Марс ќе се движи ретроградно во вашиот знак. Скротете ја импулсивноста за да не направите непромислен деловен потег за кој ќе зажалите. Играјте претпазливо.

Здравје

Крајно време е целосно да го прочистите вашето тело. Строгиот Сатурн цела година ќе престојува во вашата 8-ма куќа на детоксикацијата, поттикнувајќи ве почесто да се насочувате кон режими на исхрана кои ќе ви дадат чувство на леснотија. Дајте им посебно место во кујната на чаевите и на водата.

Претпочитајте ги групните спортови и вежби пред тренинзите во домашна атмосфера. Јупитер, планетата на оптимизмот, по 26 мај ќе патува во вашата 11-та куќа на пријателствата и групните активности, па најмотивирани ќе бидете да вежбате или да се храните здраво доколку имате покрај себе партнер. Ако планирате да започнете со диета, кажете им го тоа на неколку доверливи лица кои ќе ве поддржуваат.

Грижата за здравјето ќе ви стане приоритет наесен. Плутон, планетата на трансформацијата, од 12 октомври до 19 ноември ќе патува директно низ јарец, вашиот сектор на здравјето, фитнесот и организираноста, па дисциплинирано ќе се придржувате кон здрав начин на исхрана и редовно практикување на физичка активност. Значително ќе го намалите стресот во вашето секојдневие, бидејќи нема да си дозволувате да живеете хаотично и неорганизирано.

Можно е да се соочите со недостиг на енергија во периодот од 4 септември до 4 ноември, кога Марс ќе патува низ вашиот сектор на одморот. Почесто релаксирајте се во тивки простории и избегнувајте ги пријателите со терсене карактери.

Од 11 ноември до 7 декември Венера ќе патува низ вашиот сектор на здравјето, поттикнувајќи ве да се разубавувате и негувате. Во тој период некои лавови ќе добијат добри вести поврзани со нивното здравје.