Бик (20. IV – 20. V)
Сабота, 21 Декември 2024
Извадете ја зимската опрема од визбата, време е за нова авантура. Денес Сонцето започнува патување во вашата 9-та куќа на патувањата и слободниот дух, охрабрувајќи ве да пробате активности кои досега ги сметавте за екстремни или да посетите нови локации.
Имате совршен „изговор“ за да одлетате на место каде што ќе бидете сами, остварувајќи ги вашите желби. Бидете будалести и уживајте максимално во животот.
Декември, 2024
Љубов
Нема да има крај на возбудата додека ја испраќате 2024 година. Во првите десет дена од месецов, ќе бидете заштитнички настроени кон приватноста, ќе ги подзанемарувате друштвените средби, а ќе им давате предност на романтичните состаноци. Ќе уживате во секој миг поминат во прегратката на партнерот. Не сте во врска? Ќе дозволувате да ви се доближат само додворувачи кои умеат да допрат до вашето срце.
Младата месечина на 1 декември настапува во вашата 8-ма куќа на интензивните чувства и интимноста. Ќе знаете што точно сакате на љубовен план и како да го добиете.
Венера, планетата на љубовта и убавината, на 7 декември ќе влезе во вашиот сектор на кариерата и мажите. Можно е да почувствувате силна привлечност кон повозрасна личност или лице кое сте го запознале преку работа. Колку и да се примамливи, празничните забави од работа никогаш не се добро место за љубовни експерименти. Имајте го тоа на ум за да не зажалите.
Под влијание на Венера, крајот на годината е одличен период за разговори за склучување на брак или проширување на семејството.
Комуникативниот Меркур цел месец ќе патува во вашата 8-ма куќа на сродните души и поврзувањето. Во првата половина на месецов, Меркур ќе биде ретрограден, па ќе имате многу пречки на патот кон глатка комуникација со саканиот или потенцијалните партнери. Многу сигнали ќе бидат погрешно испратени или примени.
Откако на 15 декември Меркур ќе премине во директно движење, случаен разговор ќе ве зближи со некого, покажувајќи ви дека имате многу повеќе заеднички нешта одошто сте си мислеле. За оние бикови кои се во врска, тоа ќе биде нивниот партнер.
Сонцето до 21 декември ќе патува во вашата интимна 8-ма куќа, па не се изненадувајте ако во првите три недели од месецов копнеете по средби насамо со саканиот. Некои сингл бикови ќе ја зголемат својата мистериозност, а тоа ќе им ја зголеми привлечноста.
На последниот ден од годината Месечината ќе престојува во вашиот сектор на авантурите и патувањата. Можно е да ја дочекате Нова година подалеку од местото на живеење. Во секој случај, ве очекуваат моменти кои долго време ќе останат врежани во вашите сеќавања.
Пари и работа
Декември ќе ве поттикне почесто да ги здружувате своите ресурси со друга личност за да ги постигнете своите цели. Сонцето три недели ќе престојува во стрелец, поттикнувајќи ве да работите помудро, а не понапорно.
Младата месечина на 1 декември настапува во вашата 8-ма куќа на заедничките инвестиции и богатството. Инвестиција направена околу овој датум ќе се покаже како многу профитабилна и ќе ви даде голема финансиска сигурност. Што и да правите, работете со партнер.
Ако ретроградното движење на Нептун досега ве правеше несигурни во себе и ви ја намалуваше оригиналноста, на 8 декември сè ќе се промени. Тогаш Нептун преминува во директно движење. Луѓето вистински ќе ги разбираат и поддржуваат вашите неповторливи идеи.
Преминувањето во директно движење на комуникативниот Меркур во вашата 8-ма куќа на богатството на 15 декември ја зголемува веројатноста за ваше унапредување или бонус на платата. Го заслуживте, а сега наградете се себеси.
Најголемиот успех за вас доаѓа на 15 декември, кога ќе настапи полна месечина во вашата 2-ра куќа на работата и парите. Насладувајте им се на наградите кон кои се стремевте цели шест месеци.
Ако планирате да го проширите својот бизнис, почекајте до 21 декември. Тогаш Сонцето ќе премине во вашата 9-та куќа на експанзијата и претприемништвото. За вас нема да има граници.
Здравје
Најголема желба за целосно да го прочистите вашето тело ќе чувствувате на 1 декември, кога младата месечина ќе ја осветли вашата 8-ма куќа на детоксикацијата. Ревитализирани ќе го дочекате празничниот период.
Стресот најмногу ќе потекнува од вашиот дом, бидејќи на 7 декември Марс ќе започне да се движи ретроградно во вашиот сектор на домот и семејството. Бидете потрпеливи со најблиските.
Небесните тела ќе го акцентираат вашиот сектор на авантурите и патувањата. Колку што е можно почесто, поминувајте време на отворен простор. Прошетките во парк или природа ќе ве преродуваат.
2024 година
Љубов
Време е за возбудливи авантури и љубовни трепети какви досега само сте си замислувале. 2024 ќе ви оствари многу романтични копнежи.
Страсниот Марс од 13 февруари до 23 март ќе престојува во водолија, вашиот сектор на долгорочното планирање и мажите. Ќе функционирате на иста фреквенција со саканиот и тоа неизмерно ќе ве усреќува. Доколку не сте во врска, ќе се насочите кон лица кои покажуваат дека копнеат по стабилна врска.
Јупитер, планетата на среќата, во првите 5 месеци од годината ќе престојува во вашиот знак. Ќе ве привлекуваат лица кои зборуваат со зрелост и сериозност, а стабилната врска ќе биде „новото секси“ за вас. За многу бикови 2024 година ќе го означи почетокот на долг љубовен сојуз. Огромната самодоверба ќе ви го промени стасот и однесувањето. Ако сте во врска, ќе бидете движечката сила во неа и партнерот нема да носи ниту една одлука без да ве ислуша.
Ако одредена љубовна одлука ви се провлекуваше со месеци, делумната лунарна еклипса на 25 март ќе ве натера да ги кажете финалните зборови на таа тема. Време е за промени, а вие ќе бидете подготвени за нив.
Венера, планетата на љубовта и убавината, ќе се движи низ вашиот знак од 29 април до 23 мај. Вашиот шарм ќе биде вонземски. Независно дали сте во врска или не, на ваша адреса ќе пристигнуваат многу позитивни коментари. Навикнете се на вниманието и со грациозност примајте ги комплиментите.
Очекувајте љубовни авантури и страсни доживувања во периодот од 5 до 29 август, кога Венера, планетата на љубовта, ќе патува низ вашиот сектор на страста и флертувањето. Венера ќе ја потенцира вашата привлечност, па многумина нема да кријат дека копнеат за место во вашето срце.
На 3 септември настапува млада месечина во девица, вашата страсна 5-та куќа. Ќе започнете да испишувате ново љубовно поглавје кое ќе ви го промени животот.
Сатурн во текот на 2024 година ќе патува низ вашата 11-та куќа на пријателствата. Строгиот Сатурн ќе ве научи дека не треба да им дозволувате на пријателите да ви се мешаат во љубовта. Можно е да почувствувате искра помеѓу вас и ваш пријател. Најдобро е да ја игнорирате за на крајот да не зажалите.
Нептун цела 2024 година ќе патува во вашиот сектор на технологијата, зголемувајќи ги шансите да започнете флерт-размена со некој онлајн која ќе резултира со страсна врска. Сепак, имајте на ум дека Нептун е планетата на скриените намери и дека од 2 јули до 8 декември ќе се движи ретроградно, па не верувајте во сè што ќе стигне до вас во форма на електронска порака. Во тој период, некои бикови ќе бидат контактирани од нивни бивши љубовник, други пак ќе дознаат тајна која ќе направи пукнатина во односите со нивниот сегашен партнер. Внимавајте што објавувате онлајн за приватниот живот.
Пари и работа
Ве очекува мошне успешна година, во која среќата ќе ве прати на секој чекор. Има ли поубаво?
2024-та започнува со млада месечина на 11 јануари во јарец, вашиот сектор на претприемништвото и експанзијата. Ако имате сопствен бизнис, уште во првите денови ќе направите големи планови за проширување и напредок.
Во првите осум месеци од годината, Уран, планетата на неочекуваните настани и потези, ќе се движи директно низ вашиот знак, носејќи ви голем успех кој значително ќе ви ја подобри финансиската состојба. Храбро ќе ги прескокнувате сите пречки на работното место и нема лесно да дозволувате да ви биде одземено она што ви следува.
Благодарение на Уран, може да очекувате фантастични понуди ненадејно да паѓаат во вашиот скут. Некои бикови ќе го променат работното место, други ќе се преселат поради работата. Уран ќе ве направи похрабри и ќе ви всади понеконвенционален начин на размислување. Оригиналноста ќе ве издвои од другите.
На 8 мај настапува млада месечина во вашиот знак. Смело ќе се насочите кон нов почеток, независно дали тоа е нова област на работење или работа во друга држава. Резултатот од тој ваш чекор ќе стане видлив на 15 ноември, кога ќе настапи полна месечина во вашиот знак.
2024 година ќе се покаже како една од најбогатите години за вас, благодарение на присуството на Јупитер, планетата на среќата, во вашата 2-ра куќа на финансиите и работата по 26 мај. Среќата ќе ги следи храбрите и оние кои знаат да ризикуваат, а вие сте експерт во тоа. Сепак, имајте на ум дека како што ќе растат вашите примања, така ќе растат и вашите обврски.
Бидејќи Јупитер е планета која управува со далечните патувања, можно е да ви се пружи можност да заминете на работа во странство или да ја напуштите вашата татковина. Одржувајте контакт со лицата кои се на голема физичка оддалеченост од вас, не можете да знаете кога ќе ви притребаат.
Околу 6 јуни ќе започнете нов личен проект од кој ќе очекувате голема заработка. На крајот на годината, ќе сфатите дека вашата проценка била точна. Полната месечина, која на 15 декември ќе настапи во вашиот знак, ќе ви донесе голема сума на пари на банкарската сметка.
Здравје
Грижата за себе истуркајте на врвот на приоритетите во 2024 година.
Северниот лунарен јазол во овен и Јужниот лунарен јазол во вага започнаа да влијаат на вашата благосостојба, а тој циклус ќе продолжи до јануари 2025. Во овој период, преземете холистичен пристап кон негата на физичкото и емотивното здравје.
Воспоставете рутини, како регуларни оброци во исто време од денот и константен распоред за спиење, за да одржите баланс во животот. Ако ве измачуваат проблеми со варењето на храната или хормонален дисбаланс, размислете за методи како повремено постење.
Во втората половина на 2024 година, ќе го промените ставот „не е страшно ако запалам неколку цигари“ или „ќе спијам кога ќе имам време“ и со огромна посветеност ќе започнете да ткаете мрежа од здрави навики. Јупитер, планетата на оптимизмот, по 26 мај ќе патува низ вашата 2-ра куќа на секојдневните навики и самодовербата, охрабрувајќи ве да ги направите промените кои долго време ги одложувавте.
Во периодот од 15 до 28 август Меркур ќе се движи ретроградно низ вашиот сектор на семејството, па можно е да треба да се грижите за болен роднина.
Општи карактеристики за бик
Чувствителниот бик е управуван од Венера, планетата на љубовта и убавината. Ако сте родени во овој знак, тогаш вие ја обожавате добрата храна, романтиката и убавите работи. Венера ги изострува вашите пет сетила на повисоко ниво, па најсреќни сте кога сте опкружени со најдоброто - сатенски чаршафи, гурмански вечери, чаша црвено вино. Вие сте многу чувствителни и се насладувате на животот и на физичките задоволства кои излегуваат на вашиот пат.
Како бикот и вие работите многу напорно и сте најупорниот знак во хороскопот. Функционирате со две брзини - или целосно сте релаксирани или „со главата напред“ се стремите кон целта.
Бикот е знак спротивен на шкорпијата. Шкорпијата сака да ги наследува придобивките на другите, а бикот најмногу ги цени личните придобивки. Најнегативна ваша карактеристика е вашата склоност да ги поседувате најлуксузните предмети. Тоа може да ве доведе до крајности, особено кога ќе решите дека некој предмет треба да биде ваш, што ве прави материјалисти во очите на другите.
Како претставник на земните знаци ги обожавате дејностите на отворено. Силни и мускулести – вие сакате да си ја покажувате силата. Во љубовта сте многу романтични, верни, но и многу љубоморни. Секогаш знаете што сакате и ништо не може да ве спречи да ја остварите вашата цел. Се придржувате до вашите погледи и не ги менувате освен ако нема доволно добра причина за тоа.
Знаете да бидете тврдоглави, но позитивна страна е тоа што сте лојална личност на којa може секој да се потпре. Само внимавајте да не заглавите засекогаш во вашата сигурна зона и вашиот живот да започне да стагнира. Ризикувајте и пробајте нешто ново! Понекогаш промената и ризикот можат да го доведат прогресот и добивката кои ги посакувате.
Симбол:
Бик
Симболизира:
Силата на волјата, тврдост, стабилност, издржливост, чувствителност, конкретност, музика.
Елемент:
Земја
Планета:
Венера - планетата на убавината и љубовта.
Ден од седмицата:
Петок
Боја:
Зелена и сина.
Број:
2 и 6.
Скапоцени камења:
Аквамарин, смарагд.
Најдобри професии:
Пејачи, музичари, оратори, администратори, сметководители, градинари, еколози, ветеринари, економисти, банкари.
За да се спријателите со нив:
Не се спротивставувајте на нивните идеи! Често канете ги на некое место да јадете заедно.
Дел од телото:
Врат, грло, вилица.
Добри карактеристики:
Трпеливи, практични, внимателни со парите, одговорни, организирани, романтични, внимателни, посветени, грижливи, секогаш подготвени да дадат морална поддршка, добри кулинари.
Лоши карактеристики:
Премногу попустливи, инаетчии, бавни, мрзеливи, тврдоглави, суетни, премногу претпазливи, евтини, завидливи, љубоморни, материјалисти.
Карактеристики по кои ќе ги познаете:
Длабоки и сентиментални очи; долг и елегантен врат; карактеристична вилица.
Омилени работи:
Фотографирање, планини, добра музика, добра храна, сатенски чаршафи.
Работи кои ги мразат:
Хотели, утра, валкани работи, да бидат избрзувани, бесцелно трошење пари.
Можете да ги најдете:
Споредувајќи ги цените при купување на луксузни работи; пеејќи во бенд или хор; работејќи три работи едновремено; изложувајќи слики во уметничка галерија.
Скриена желба:
Да го поседуваат најдоброто!
