Бик (20. IV – 20. V)

Недела, 06 Април 2025

Љубовта ќе биде насекаде околу вас денес. Без разлика дали ќе имате фамилијарен ручек со вашето семејство или ќе потонете во прегратката на партнерот, навистина ќе се чувствувате сакано. Покажете дека уживате во вниманието кое го добивате.

Можеби ќе треба да направите некои компромиси во име на љубовта. Не може да биде секогаш сè по ваше, запомнете го тоа.

Април, 2025

Љубов

Бикови, подгответе се да излезете од сенка и да блеснете. Ќе се ослободите од ретроградната магла и со Сонцето во вашиот знак, со ведрина ќе ја започнете роденденската сезона.

Април е месец за љубов што пламти во сенки, за нежност што се изговара со очи, за страсти што не бараат дозвола. Дали ќе ѝ се препуштите? Љубовта ќе биде исклучително заводлива, а вие ќе бидете нејзиниот главен протагонист.

Сè започнува со нежното, но сепак моќно влијание на Меркур, кој на 7 април преминува во директно движење во риби, вашата 11-та куќа на пријателствата и изненадните средби. Некоја порака, случајна средба или поглед преку толпата може да означи почеток на тајна романса, нешто што започнува како пријателска размена, но со секој збор се продлабочува и станува опасно привлечно.

Полната месечина на 13 април во вага ја буди вашата 6-та куќа на секојдневните ритуали, претворајќи ги обичните моменти во сцени од љубовна приказна. Вашата заводливост ќе се таи во ситниците, во начинот на кој се смеете, во нежноста со која ги изговарате зборовите. И некој, можеби сосема нов познаник, ќе ве гледа со восхит што не може да се сокрие.

Венера, вашата планета-владетел, исто така на 13 април преминува во директно движење во риби, отворајќи ја вратата за нови, магнетски привлечни љубови. Тајни обожаватели ќе ве следат со поглед, а некој што не ви ги открил чувствата конечно ќе собере храброст да ви се доближи. Доколку сте слободни, ова е време кога одеднаш ќе имате повеќе од една можност за љубов – избори кои ќе ве доведат до искушение. Дали ќе одберете нежна романса, или ќе се препуштите на огнената атрактивност што го остава телото без здив?

На 16 април Меркур влегува во овен и буди тајни копнежи и потиснати желби. Се активира вашата 12-та куќа, носејќи ви љубов што можеби не сакате да ја споделите со светот. Ова може да биде афера што гори во таинствени ноќи, погледи што траат подолго од дозволеното, бакнежи што носат повеќе прашања отколку одговори. Ако сте во врска, ќе се разбуди потребата за нова искра, за нешто што ќе ви ја врати возбуда што долго ја посакувате.

Марс на 18 април влегува во лав, разгорувајќи ја вашата 4-та куќа на интимноста и семејниот живот. Ова е време за љубов што се гради зад затворени врати, за моментите кога тишината меѓу двајца зборува повеќе од зборовите. Некои од вас ќе ја зајакнат својата врска преку страствени средби дома, додека други ќе се одлучат за тајни средби што никој нема да ги дознае. Страста нема да може да се игнорира.

На 19 април Сонцето ќе влезе во вашиот знак и ќе ви даде светлина што ќе ве прави неодоливи. Вашиот шарм е непобитен, а секој што ве погледне ќе почувствува како нешто во него се буди. Ако сте во потрага по љубов, ова е момент кога ќе бидете во центарот на вниманието – каде и да одите, луѓето ќе бидат маѓепсани од вас. Ќе почувствувате како во воздухот лебди нешто слатко, нешто недоречено, можеби токму судбоносен момент што ќе ви го промени животот.

Младата месечина во бик на 27 април е вашето време за нов почеток. Ова е ден кога ќе се набљудува и појавата супермесечина и љубовта ќе се роди одново – за некои во форма на нова, возбудлива врска, за други како повторно „откривање“ на позитивностите во партнерот до нив. Бакнежите ќе бидат пострасни, погледите подолги, а срцето ќе ве води кон тоа што навистина ви треба.

На 30 април Венера влегува во овен и повторно ја активира вашата 12-та куќа на тајните. Ќе има нешто возбудливо во тоа да скриете љубов од светот, нешто што ќе ве тера да живеете двоен живот – еден за светот, и друг, посладок, само за вас двајца. Некои ќе се заљубат во личност што не ја очекувале, додека други ќе искусат забранета љубов што ќе ги остави без сон.

Пари и работа

Април започнува со преминувањето на Меркур во директно движење во риби на 7 април, активирајќи ја вашата 11-та куќа на мрежите и долгорочните цели. Проектите кои биле закочени конечно повторно ќе добијат „зелено светло“. Ќе почувствувате ментална јасност, а тоа ќе ви помогне да се изразувате пред клиенти, колеги или инвеститори со убедливост и острина.

Полната месечина во вага на 13 април ја осветлува вашата 6-та куќа, носејќи разрешување на долг или решение поврзано со работна ситуација. Можна е промена на работно место, организациски реструктурирања или дури нова понуда. Некои од вас ќе добијат признание за својот труд, додека други ќе сфатат каде да стават точка.

Со Венера во директно движење од 13 април, вашите соработки добиваат подобар тек. Ова е одлично време да побарате покачување или да започнете деловна соработка со пријател или партнер кој ве инспирира. Пари може да пристигнат преку креативен проект или нешто што изгледало како хоби, но сега се претвора во стабилен приход.

На 16 април Меркур влегува во овен и ја осветлува вашата 12-та куќа, носејќи дискретни преговори, тајни договори или планови за нешто што допрва треба да се обелодени. Бидете мудри и не откривајте сè предвреме. Ова е време за подготовка и стратегија, а не за импулсивни потези.

На 18 април Марс се преместува во лав, активирајќи ја вашата 4-та куќа. Можно е да инвестирате во недвижнини или да потрошите пари за семејни потреби. Исто така, некои од биковите ќе се решат да работат од дома или да започнат сопствен бизнис.

Сонцето влегува во вашиот знак на 19 април и ви дава нова доза самодоверба и авторитет. Ќе почувствувате зголемена амбиција и мотивација да ги преземете работите во свои раце. Ќе ги поставите границите, ќе преговарате со стабилност и ќе ги освоите луѓето со својот шарм.

Младата месечина во бик на 27 април ве повикува да започнете нови проекти што ќе имаат долгорочна добивка. Бидете иновативни, но и практични. Ова е идеален момент за отворање на сопствен бренд, стартување нова фаза на кариера или поставување нови финансиски цели.

Венера на 30 април влегува во овен и ја активира вашата 12-та куќа, што може да значи тајни или неочекувани финансиски приливи, но и трошоци поврзани со задкулисни активности. Бидете внимателни со позајмици или финансирања без јасна визија. Најдобрите прилики ќе дојдат од оние што не се премногу експонирани.

Здравје

Почетокот на април е време за одмор и повлекување, драги бикови. Сонцето во вашата 12-та куќа до 19 април ве поттикнува да обрнете внимание на вашето ментално и духовно здравје. Ова е одличен период за медитација, јога, поминување време во самотија и полнење на батериите. Слушајте ги потребите на вашата душа.

Клучен момент за вашето здравје е полната месечина во вага на 13 април, која ја осветлува вашата 6-та куќа на здравјето и дневните рутини. Ова е повик да ги преиспитате вашите навики. Дали доволно спиете? Дали се храните здраво? Дали редовно вежбате? Оваа полна месечина ве поттикнува да направите неопходни промени за да постигнете подобар животен баланс.

Меркур влегува во овен на 16 април, ставајќи го фокусот на менталното здравје. Обрнете внимание на вашите соништа и на пораките од потсвеста. Бидете свесни за тенденцијата кон претерано размислување или несоница.

Вашата физичка виталност добива голем поттик откако Сонцето ќе влезе во вашиот знак на 19 април. Ќе се чувствувате посилни, поенергични и помотивирани да се грижите за вашето тело. Ова е одлично време да започнете нова фитнес програма или да се фокусирате на градење сила и издржливост. Искористете ја оваа енергија за да блеснете.

На крајот на месецот, посветете внимание на вашите стапала и нервниот систем.

2025 година

Љубов

Страст, интимност и важни одлуки ќе ви го одбележат љубовниот живот во 2025 година. Првата половина од годината ќе ве поттикне на интроспекција и расчистување со минатото, додека втората, ќе донесе нова енергија и можности за зацврстување на врските. Ќе се соочите со предизвици кои ќе бараат компромис, но и моменти на неочекувана радост и љубовни авантури. Без разлика дали сте во врска или слободни, ѕвездите ќе ве водат кон емоционална стабилност и љубов која носи длабоко приврзување и радост.

2025 година започнува со Венера во риби, активирајќи ја вашата 11-та куќа на пријателствата и заедничките цели. Ова влијание создава романтична магија, особено во кругот на пријателите. Ќе бидете инспирирани од луѓето околу вас, а некои познанства може да прераснат во љубовни авантури. Биковите кои се во врска ќе почувствуваат силна поддршка од партнерот во однос на нивните лични амбиции, а сингл биковите ќе се поврзат со луѓе со кои имаат исти животни вредности и соништа.

Кога Венера ќе влезе во овен на 4 февруари, ќе нурнете подлабоко во вашите емоции. Бидејќи ќе биде осветлена вашата 12-та куќа на скриените чувства, ќе размислувате за неисполнети желби и тајни љубовни приказни. Ова е време на интроспекција и личен раст, но истовремено може да донесе и неочекувани средби кои ќе разбудат „заборавени“ чувства.

Ретроградната Венера во овен од 2 до 27 март ќе ве врати кон минатото. Ќе се навраќате на љубовни врски што не завршиле пријателски или ќе размислувате за луѓе кои оставиле трага во вашето срце. Овој период е совршен за затворање на емоционалните рани и расчистување со она од кое повеќе немате корист. Внимавајте, затоа што ќе бидете склони да идеализирате.

Откако Нептун ќе премине во овен на 30 март, ќе се ослободите од илузиите за некои врски. Ова ќе биде време на лекување на старите љубовни рани и подготовка за љубов која е искрена, трајна и исполнета со разбирање.

Со полната месечина во шкорпија на 13 мај, љубовниот живот ќе ви цвета. Вашата 7-ма куќа на партнерствата ќе биде потенцирана, па ова е време кога важни разговори може да ги зацврстат врските, но и да ги разрешат тензиите. Ќе треба да дефинирате каде стоите во љубовта, а некои бикови ќе одлучат да направат следен чекор во врската – брак, свршувачка, вселување под ист покрив со саканиот, деца... Сингл сте? Ова е ден кога веројатноста да споите усни со ваш обожавател е огромна.

Од 9 јуни Јупитер во рак ќе донесе хармонија и емотивна сигурност во љубовниот живот. Вашата 3-та куќа на комуникацијата ќе биде нагласена, што значи дека ќе уживате во длабоки разговори со партнерот. Ќе откриете нови страни на вашиот однос и ќе почувствувате дека емоционалната поврзаност е посилна од кога било.

Од 17 јуни до 7 август Марс ќе се движи низ девица, вашата куќа на флертувањето и креативноста. Ќе бидете полни со страст и желба да направите романтична ренесанса. За оние што се во врска, ова ќе биде одличен период за романтични гестови и заеднички активности кои ќе им ја зацврстат врската со партнерот. Слободните бикови ќе привлечат нови лица благодарение на нивниот зголемен шарм и самодоверба.

На 21 септември ќе настапи млада месечина во девица, а воедно ќе има и делумно затемнување на Сонцето што ќе внесе нова динамика во вашиот љубовен живот. Оваа еклипса ќе ја активира вашата 5-та куќа на романтиката, изненадувајќи ве со нови авантури и љубовни искуства. Биковите кои се во врска ќе ја оживеат страста, а слободните бикови ќе се впуштат во врски кои ќе бидат исполнети со возбуда и флерт игри без крај.

Полната месечина во вашиот знак на 5 ноември ќе ви донесе чувство на исполнетост и стабилност во љубовниот живот. Ќе го цените она што сте го изградиле со партнерот и ќе почувствувате благодарност. Сингл сте? Ова е време за негување на самопочитта и за јасна визија за тоа каква љубов посакувате. Некои бикови ќе крунисаат долг флерт со страсни бакнежи, други ќе ѝ дозволат да ги води сексуалната хемија, трети ќе наздрават за свршувачка.

На 30 ноември Венера ќе влезе во стрелец, носејќи интензивни чувства и страст во вашиот љубовен живот. Последниот месец од 2025 година е идеален за продлабочување на интимноста и за ослободување од сомнежите. Љубовта ќе стане ваш приоритет. Сингл биковите ќе почувствуваат привлечност кон личност која е обвиена во мистерија.

Пари и кариера

2025 година ќе ви биде година на финансиска стабилност и професионален раст. Планетите ќе ве поттикнат да донесувате мудри одлуки и да ги максимизирате можностите за заработка. Преку промислени потези и стабилна работа, ќе создадете основа за долгорочен успех.

Годината започнува со ретрограден Марс во рак, што ќе ја активира вашата 3-та куќа на комуникацијата и кратките патувања. Ова е период кога треба да ги преиспитате вашите професионални стратегии и да се фокусирате на завршување на старите проекти. Бидете внимателни при комуникацијата со колегите и клиентите, бидејќи недоразбирањата може да доведат до пробивање на рокови.

На 4 февруари, Јупитер ќе премине во директно движење во близнаци, активирајќи ја вашата 2-ра куќа на парите и личните ресурси. Тогаш започнува клучен период за зголемување на приходите. Ќе имате можност да креирате нови извори на заработка, особено преку проекти што вклучуваат трговија, продажба или комуникациски вештини. Искористете ја енергијата на Јупитер за инвестирање во вашите таленти и способности.

До 24 мај, Сатурн ќе влијае врз вашата 11-та куќа на долгорочните цели и тимската работа. Ќе ја зајакнете вашата професионална мрежа и ќе соработувате со луѓе кои споделуваат слични вредности. Првите пет месеци од годината се идеални за поставување на амбициозни цели.

Делумното затемнување на Сонцето на 29 март ќе ја активира вашата 12-та куќа на скриените проекти и подготовки. Оваа еклипса ќе ве поттикне да го преиспитате начинот на кој се справувате со финансиските предизвици. Ќе имате прилика да започнете нов професионален циклус кој ќе донесе долгорочна стабилност, но прво ќе треба да ги завршите постоечките обврски.

На 9 јуни Јупитер влегува во рак, активирајќи ја вашата 3-та куќа на комуникацијата и локалните проекти. Ќе го проширите вашето влијание преку нови соработки, курсеви или патувања. Ова е време кога вашиот интелектуален напор ќе ви донесе финансиски бенефиции, особено ако вложите во едукација или технологија.

Марс на 17 јуни ќе ја осветли вашата 5-та куќа на креативноста, носејќи инспирација и енергија за започнување на нови проекти. Ова е одлично време за ризични потези што можат да донесат големи награди. Креативноста ќе ви биде најголема предност, па фокусирајте се на проекти што ја истакнуваат вашата индивидуалност.

Соларната еклипса на 21 септември ќе го активира вашиот сектор на креативноста и самостојните проекти. Ова е ден за преземање иницијативи кои ќе донесат голема заработка. Бидете подготвени за неочекувани можности што ќе ви овозможат значително да си ја подобрите состојбата на банкарската сметка.

На 8 ноември Уран со ретроградно движење ќе влезе во вашиот знак и ќе ја активира вашата 1-ва куќа на личниот идентитет, носејќи изненадувања и промени во вашиот пристап кон заработувањето. Ќе воведете иновации во начинот на кој ги управувате вашите финансии. Вашата флексибилност и подготвеност за промени ќе бидат клучни за успех.

Последниот месец од 2025 година ќе помине со Венера во стрелец, односно активирање на вашата 8-ма куќа на заедничките финансии и инвестиции. Ова ќе биде одличен период за инвестирање, особено во долгорочни проекти. Ќе имате можност да ги консолидирате вашите финансии и да создадете стабилност за иднината.

2025-та дефинитивно ќе биде година на можности за зголемување на приходите и градење на долгорочна финансиска сигурност. Вложете ја вашата енергија во проекти кои носат стабилност и раст и бидете подготвени за нови предизвици што ќе ве издигнат на повисоко професионално ниво.

Здравје

На почетокот на годината, под влијание на ретрограден Марс, потребно е повеќе да внимавате на вашата исхрана и дигестијата. Фокусирајте се на балансирана исхрана и редовна физичка активност.

Полната месечина на 14 март која доаѓа со лунарна еклипса ќе ве поттикне да се фокусирате на вашата 6-та куќа на здравјето и рутините. Воведете нови здрави навики и тие ќе останат во вашето секојдневие.

Со Сатурн во риби до 24 мај, ќе почувствувате потреба за постигнување на емоционален баланс и посилна грижа за менталното здравје. Медитацијата ќе биде клучна за намалување на стресот.

Марс во Девица од 17 јуни ќе внесе енергија за подобрување на вашите навики за вежбање. Ќе бидете мотивирани да се посветите на активности кои го зајакнуваат вашето тело и дух.

Со Венера во Рак од 31 јули, ќе бидете склони да се поврзете со природата и да пронаоѓате мир во вашето секојдневие. Ова е време за релаксација и уживање во мали задоволства.

На 5 ноември полната месечина во вашиот знак ќе ви ја подигне свеста за важноста на стабилноста и грижата за вашето физичко и емоционално здравје. Ќе ја завршите 2025 година со обновена сила и мотивација за одржување на здрав начин на живот.