Јарец (22. XII – 19. I)

Четврток, 16 Мај 2024

Имајте свои ставови! Без разлика дали денес ќе се најдете во големо друштво или ќе треба да донесете тешка одлука со партнерот, кажете го вашето мислење. Не дозволувајте никој да ви наметнува ставови, бидете своја личност.

Ако ви претстои љубовен состанок, не ставајте лажна маска на лицето. Најпривлечни ќе бидете кога сте свои.

Мај, 2024

Љубов

Возбуда до максимум! Мај ќе ви донесе многу шарм, креативност, страст и флерт во животот, па потиснете ја сериозноста и дозволете да блесне вашето игриво расположение.

Во текот на првите три седмици на мај, Сонцето ќе ја осветлува вашата 5-та куќа на романсата, страста и флертувањето, носејќи ви многу љубовна енергија и желба за повеќе страсни ноќи со саканиот.

Ако сте сингл, никој нема да може да ѝ одолее на вашата заводничка насмевка и пред вас ќе се најдат неколку обожаватели кои нема лесно да се откажат од вас. Бидете подготвени да уживате во големото внимание што ќе го добивате.

Младата месечина на 8 мај исто така е во вашиот сектор на страста и романсата. Ако не сте во врска, ќе покажете авантуристички дух и ќе давате очигледни сигнали кога некој ќе ви се допаѓа. Доколку сте во врска, ќе жалите ако на овој ден не се најдете со вашиот сакан на страстен состанок зад затворени врати.

Убавата Венера до 23 мај ќе престојува во бик. Ќе се облекувате погламурозно, ќе се почестите со нова фризура и ќе се движите со крената глава. Додворувањата и комплиментите кои ќе стигнуваат на ваша сметка ќе придонесат да си ја зголемите самодовербата и да ги подигнете критериумите за избор на партнер. Многу јарци ќе имаат кратки љубовни авантури.

Бик е и вашата куќа на плодноста, па голем број на јарци ќе започнат да планираат создавање на семејство или проширување со нов член.

Полната месечина на 23 мај е во стрелец, вашиот сектор на фантазијата и тајните. Ако сте во врска, можно е на површина да излезе некоја ваша тајна и да предизвика расправии. Голема е веројатноста вие самите ненамерно да се издадете. Доколку не сте во врска, бидете внимателни затоа што некој ќе се обиде да ве прелаже со мили зборови. Луѓето често носат маски, имајте го тоа на ум.

Пари и работа

Првата половина од мај е одличен период за да се занимавате со нешто креативно. Доколку работата не ви го дозволува тоа, насочете се кон ваше хоби и обидете се да профитирате од него.

Во изминатиов период бевте склони да избрзувате со реализација на плановите, но на 2 мај ќе забавите со темпото. Ретроградното движење на Плутон, планетата на структурата и трансформацијата, во вашата 2-ра куќа на работата и парите ќе ве потсети дека прво треба да создадете детална стратегија, а потоа да тргнете во поход.

На 20 мај Сонцето ќе премине во вашиот сектор на организираноста, а набрзо нему ќе му се придружат и Венера и Јупитер. Кон крајот на месецот, ќе успевате да пронајдете време за да ги завршите сите задачи кои ќе ги започнете. Ќе имате доволно трпение за да се занимавате со пополнување на документи и други рутински канцелариски и административни задачи кои отсекогаш ви оделе на нерви.

Јарците кои се на раководна позиција ќе ангажираат свој асистент или посмело ќе делегираат задачи.

Здравје

Во првата половина на мај, ќе ѝ посветите голем дел од своето време на негата на вашето тело. Благодарение на тоа, ќе бидете посреќни и ќе ја избегнете појавата на негативни емоции.

На 20 мај Сонцето ќе влезе во близнаци, вашиот сектор на здравјето и фитнесот, а потоа ќе му се придружат и Венера и Јупитер. Многу јарци ќе ја пронајдат потребната мотивација да започнат здрав живот кој вклучува полесна храна и поредовна и поинтензивна физичка активност.

Во мај можно е да се соочите со проблеми со крвниот притисок.

2024 година

Љубов

Очекувајте еуфоричен и ултра забавен почеток на 2024 година, бидејќи многу небесни тела ќе транзитираат низ вашиот знак. Ќе се чувствувате особено привлечни и ќе се радувате на зголемена самодоверба, а ќе добивате безброј комплименти и покани за нови и нови средби.

На почетокот на годината, ќе бидете како магнет за привлекување на погледи, благодарение на Марс кој од 4 јануари до 13 февруари ќе престојува во вашиот знак. Ќе бидете поотворени со саканиот кога станува збор за вашите желби и потреби, а тоа ќе ве зближи повеќе отсекогаш. Не сте во врска? Ќе ве изненади големото внимание кое ќе го добивате од спротивниот пол и најверојатно ќе одлучите да го задржите статусот сингл, бидејќи многу ќе ви годи комбинацијата од комплименти, љубовни изјави и слобода.

Венера, планетата на љубовта, од 23 јануари до 16 февруари ќе патува низ вашиот знак. Тоа за вас значи дополнителни шанси за љубовни авантури и многубројни романтични ноќи со саканиот.

Романса, страст и гламурозен изглед ќе ви донесе среќната планета Јупитер, која до 26 мај ќе престојува во бик, вашата 5-та куќа на задоволствата. Температурата во вашата врска ќе го достигне максимумот, па страсните моменти во спалната соба често ќе ве тераат да се прашувате дали сонувате. Под влијание на Јупитер, многу јарци ќе се израдуваат на позитивен тест за бременост, бидејќи 5-тата куќа управува и со плодноста.

Благодарение на Јупитер, кој од 26 мај па до крајот на 2024 година ќе патува во вашата 6-та куќа на аналитичкото размислување, ќе бидете попретпазливи на љубовен план и внимателно ќе го анализирате секој детаљ пред да донесете одредена одлука. Некои сингл јарци ќе одлучат да влезат во врска, но без премногу да се обврзуваат, додека други ќе издејствуваат повисоко мислење за нив од спротивниот пол глумејќи недостижност.

Најдобриот период за љубов започнува на 29 април и ќе трае до 23 мај. Тогаш Венера, планетата на љубовта и убавината, ќе се движи низ бик, вашиот сектор на страста и флертувањето. Ќе бидете како магнет за спротивниот пол. Венера ви подарува шарм со кој лесно ќе освојувате. Јарците што се во врска ќе уживаат во романтични мигови со партнерот кои никогаш нема да сакаат да ги заборават.

Зрелиот Сатурн цела година ќе патува во риби, вашата 3-та куќа на комуникацијата, учејќи ве дека вашиот партнер не умее да чита мисли. Ако нешто посакувате, потребно е да си го побарате директно. Благодарение на Сатурн, ќе им се радувате на долгите мирни разговори со љубовта на вашиот живот. Доколку сте сингл, заведувајте со зборови во 2024 година. Да, погледот ќе ви биде моќен, но интелектот ќе ви биде далеку помоќен.

Од 11 ноември до 7 декември Венера повторно се враќа во вашиот знак за да ви обезбеди романтичен крај на годината. Ќе останете изненадени зашто многу брзо ќе бидете маѓепсани од нечија харизма. Јарците кои се во врска можно е да ја завршат годината со свршувачка, брак или планови за потомство.

Пари и работа

Ви претстои блескава финансиска иднина, стабилни приходи и бројни прилики за напредок.

Оптимистичкиот Јупитер до 26 мај ќе патува во вашата 5-та куќа, ставајќи неверојатни идеи во вашата глава, кои доколку соберете храброст да ги реализирате, ќе ви донесат огромна заработка.

Младата месечина на 9 февруари е во вашиот сектор на парите и работата. Таа ќе ви донесе радосни вести кои ќе ве мотивираат да работите понапорно. Некој јарци токму на почетокот на 2024 година ќе ја пронајдат работата по којашто копнееле.

До 2 мај Плутон, планетата на трансформацијата, ќе патува директно низ вашиот сектор на работата и ќе ве охрабри да повлечете големи смели потези со кои ќе се гордеете. Нема да се задоволувате со малку и парите ќе ве мотивираат да бидете многу одговорна личност.

Јупитер ќе се движи директно во вашата куќа на организираноста од 26 мај до 9 октомври, поттикнувајќи ве да си го направите животот колку што е можно поедноставен и поорганизиран. Оптимистичката планета постојано ќе ви помага да ги разединувате невозможните проекти на мали, лесно достижни задачи, кои ќе ви носат задоволство.

Младата месечина на 2 октомври е во вашиот сектор на кариерата и долгорочното планирање, а тогаш ќе има и прстенесто затемнување на Сонцето. Ова е одличен ден за кандидирање за нова работа или за покачување на платата или унапредување.

Во текот на 2024 година Сатурн ќе престојува во риби, вашиот сектор на комуникацијата. Вашите зборови лесно ќе допираат до луѓето и ќе имаат моќ да им го менуваат животот. Јарците кои работат во сферата на образованието или кои пишуваат, ќе доживеат голем успех. Имајте на ум дека Сатурн ќе се движи ретроградно од 29 јуни до 15 ноември, па во овој период успесите ќе доаѓаат одложено, но сигурно.

Здравје

Нема да имате некои поголеми промени во здравјето во 2024 година, што е добра вест.

Од 4 јануари до 13 февруари Марс ќе патува низ вашиот знак, давајќи ви енергија и желба да бидете што поактивни. Сепак, треба да имате на ум дека Марс носи и повеќе стрес, па ослободувајте се од тензијата преку поинтензивни тренинзи.

Оптимистичкиот Јупитер ќе биде директен во вашата 6-та куќа на здравјето и фитнесот од 26 мај до 9 октомври, поттикнувајќи ве да ги прифаќате и најамбициозните планови за вежбање и режимите на исхрана кои отсекогаш ве плашеле. Под влијание на оваа планета, постојано ќе бидете мотивирани да бидете во топ форма. Ќе живеете здраво и ќе се храните уште поздраво.

Доколку сте имале проблем кој досега го игнориравте, Јупитер ќе ви го сврти вниманието кон него и ќе ве поттикне да побарате стручна помош. Избегнувајте ја желбата да ги проверувате симптомите на интернет, зашто претставниците на вашиот знак често знаат да бидат хипохондрици.

Најголемиот ризик од здравствени проблеми е поврзан со кожата. Редовно анализирајте ги промените по овој најголем орган на човечкото тело.