Јарец (22. XII – 19. I)

Петок, 21 Февруари 2025

Како можете да го прекршите даденото ветување и да изневерите личност која смета на вас? Па се разбира дека не можете, верни јарци. Денес размислете дали сте дале збор дека ќе направите нешто и сè уште не сте го направиле.

Крајот на денот ќе ве одведе на голема забава. Токму на такво место ќе ја запознаете вашата сродна душа.

Февруари, 2025

Љубов

Февруари ви носи моќни трансформации, нови можности и позитивни промени. Како еден од најамбициозните знаци, вие секогаш знаете каде сакате да стигнете, а овој месец ѕвездите ви даваат зелено светло за големи чекори напред. Подгответе се за денови исполнети со динамика, успех и личен раст.

Февруари започнува со влегувањето на Венера, планетата на љубовта, во овен, осветлувајќи ја вашата 4-та куќа на домот, семејството и емоционалната сигурност. По 4 февруари ќе бидете насочени кон градење стабилни љубовни односи. Можно е да се изненадите на предлог за брак, преселување со саканиот под ист покрив или ветување за вечна љубов. Некои јарци ќе иницираат разговори за принова или ќе кројат планови за подалечната иднина. Сингл сте? Венера нема да ве остави без мноштво додворувачи со сериозни намери. Отворете го срцето.

На 4 февруари Јупитер преминува во директно движење во близнаци, вашата 6-та куќа на рутините и секојдневието. Ова значи дека љубовниот живот може да се испреплете со работата или секојдневните обврски.

Полната месечина во лав на 12 февруари ја осветлува вашата 8-ма куќа на длабоките емоции, трансформацијата и интимноста. Ова ќе биде момент на страст, но и на ослободување од стари емотивни товари. Ако сте во врска, ќе почувствувате зголемена поврзаност со партнерот, додека ако сте сингл, ова може да биде момент за нова љубов со силна хемија.

На 14 февруари, Меркур влегува во риби, активирајќи ја вашата 3-та куќа на комуникацијата. Љубовните разговори ќе бидат длабоки, инспиративни и полни со емоции. Ако сте во врска, ќе имате можност да ги разјасните сите недоразбирања, а ако сте сингл, можеби ќе започнете интересна комуникација со некој што инстантно ќе ви го привлече вниманието.

На 18 февруари Сонцето влегува во риби, дополнително осветлувајќи ја вашата 3-та куќа. Ќе ви биде полесно да ги изразите вашите чувства и да се поврзете на поинаков начин со саканата личност.

Марс на 24 февруари преминува во директно движење во рак, вашата 7-ма куќа на партнерствата. Очекувајте страст и динамика во љубовните односи. Ако вашата врска била во застој, сега конечно ќе добие нова енергија.

Младата месечина во риби на 28 февруари носи нови љубовни можности во вашето место на живеење. Ќе ве изненади ли ако дознаете дека вашата следна голема љубов е многу поблиску до вас одошто си замислувате?

Пари и кариера

Ви претстои месец кога вашата упорност и стратешкото размислување ќе ви донесат финансиска сигурност и професионален напредок.

Со Венера во овен од 4 февруари, вашата 4-та куќа на недвижностите и домот ќе биде во фокусот. Можно е да инвестирате во домот или да размислувате за работа од дома.

Јупитер, кој од 4 февруари конечно ќе се движи директно во вашата 6-та куќа на работата и рутините, ќе ви донесе нова енергија и можности за раст во кариерата. Ова е време кога ќе бидете препознаени за вашата посветеност и трудот.

На 12 февруари полната месечина во лав ја осветлува вашата 8-ма куќа на финансиите, заедничките ресурси и инвестициите. Можно е да добиете финансиска поддршка или да направите важна инвестиција.

Меркур во риби на 14 февруари ќе ви помогне да ги подобрите вашите комуникациски вештини. Ако сте во деловна преговарачка фаза, вашите зборови ќе бидат убедливи и ќе ви донесат успех.

Сонцето во риби на 18 февруари ќе донесе нови можности за учење и проширување на вашите професионални вештини. Можно е да започнете соработка со личност што ќе ви помогне да го зголемите вашиот месечен приход.

Младата месечина во риби на 28 февруари е одлична за започнување нови проекти, инвестиции или финансиски планови што ќе ви донесат долгорочен успех.

Здравје

Хармоничната Венера со патувањето во овен ќе ве поттикне да направите промени во домот што ќе влијаат позитивно на вашето здравје – можеби нов режим на исхрана, ново место за вежбање или почеток на утринска рутина што ќе ви даде повеќе енергија.

Полната месечина во лав на 12 февруари ќе ви помогне да се ослободите од стресот. Ако сте се чувствувале како под наплив на емоции, ова е момент да направите нешто за своето ментално здравје.

Марс, со директното движење во рак од 24 февруари, ќе ви донесе поголема потреба за физичка активност. Ако долго време сте одложувале почеток на спортска активност, ова е моментот да се активирате.

Младата месечина во риби на 28 февруари е одлична за почеток на нов план, било да е поврзан со исхраната, движењето или менталното здравје.

2025 година

Љубов

2025-та ќе биде година на љубовна хармонија и остварување на вашите најскриени желби. Срцето ќе биде водич, а љубовта ќе биде сцената на којашто ќе блеснете.

Почетокот на годината ќе биде под влијание на Венера во риби. Од 3 јануари Венера ќе се движи низ вашата 3-та куќа на комуникацијата, па за јарците кои се во врска периодот до 4 февруари ќе биде време за блиски и искрени разговори кои ве поврзуваат на едно ново ниво со партнерот. Ако сте сингл, љубовта може да дојде преку онлајн пораки, допишувања или неочекувани средби. Венера ќе донесе романтична магија во секој збор, а искреноста ќе ви биде најсилен адут.

Младата месечина во водолија на 29 јануари ја осветлува вашата 2-ра куќа на вредностите. Ќе размислувате за долгорочни планови со партнерот, а вашата посветеност ќе носи хармонија во врската. За слободните јарци, ова е време за средба со личност која ги споделува вашите вредности, амбиции и соништа.

На 4 февруари, Венера влегува во овен, активирајќи ја вашата 4-та куќа на домот и стабилноста. Љубовта ќе добие практична и топла димензија. Оние што се во врска ќе почувствуваат желба за заедничко живеење или реновирање на домот. Слободните јарци ќе ги привлекуваат личности кои носат чувство на сигурност и стабилност. Ова е време за создавање љубов која трае.

Соларната еклипса во овен на 29 март ќе донесе големи љубовни пресврти. За паровите, ова е момент за значајни одлуки – свршувачка, планирање брак или дури и проширување на семејството. Ќе се чувствувате подготвени за чекор напред. Ако сте сингл, ова е ден кога љубовта може да дојде од неочекувано место.

Со Марс кој влегува во лав на 18 април, вашата 8-ма куќа на интимноста ќе блесне со страст. Интимните моменти ќе го зајакнат вашиот однос со партнерот, носејќи чувство на длабока поврзаност. Ако сте слободни, ова е период кога ќе почувствувате силна привлечност кон некого кој ќе го разбуди вашиот авантуристички дух. Љубовта ќе биде исполнета со искри и возбуда.

Полната месечина во шкорпија на 12 мај ја активира вашата 11-та куќа на пријателствата. Љубовта може да се роди преку пријателски кругови или заеднички активности. Ќе откриете дека љубовта е скриена во мали моменти и неочекувани средби. За паровите, ова е период за зајакнување на врската преку поддршка и кроење на заеднички планови.

Јупитер на 9 јуни влегува во рак, вашата 7-ма куќа на партнерствата. Ова е едно од најпозитивните влијанија во љубовниот сектор. За паровите, ќе има нова хармонија и зацврстување на односот. Ќе размислувате за иднина исполнета со радост, заеднички авантури и сигурност. За слободните јарци, Јупитер носи шанса за средба со личност која ќе направи да се чувствуваат незаменливо и бескрајно сакано.

Соларната еклипса во девица на 21 септември ја осветлува вашата 9-та куќа на патувањата. Големи се шансите за раѓање на нова љубов додека патувате или се забавувате на ново место каде не сте биле досега. Слободните јарци ќе бидат инспирирани да се впуштат во авантура што ќе им го растрепери срцето. За јарците кои се во пар, ова е време за создавање спомени на далечни дестинации.

Полната месечина во бик на 5 ноември ја осветлува вашата 5-та куќа на романтиката, страста и креативноста. Ова е момент кога љубовта ќе достигнува кулминација. Ќе почувствувате интензивни емоции и ќе бидете подготвени да ги споделите со некој специјален. Паровите ќе уживаат во романтични вечери и страсни моменти, додека слободните јарци ќе имаат шанса за возбудливи љубовни средби. Оваа Месечина носи енергија за важни љубовни одлуки – свршувачка, планови за заедничко живеење или изразување на чувства кон некого што многу ви значи.

На 30 ноември Венера влегува во стрелец и ја активира вашата 12-та куќа на интроспекцијата. Ова е време за љубовна рефлексија и духовна поврзаност. Ќе почувствувате дека љубовта носи длабоко значење и дека е време за простување и градење нови мостови. За паровите, ова е период на обновување на врската, додека јарците со статус сингл ќе најдат љубов што е трансформативна.

Марс влегува во јарец на 15 декември, активирајќи ја вашата 1-ва куќа на личноста. Ова движење носи зголемена самодоверба и мотивација да преземете иницијатива во љубовниот живот. Ќе бидете привлечни, решителни и подготвени да ги покажете своите чувства. Ако сте во врска, ова е период кога ќе ја зајакнете динамиката со партнерот преку искрени разговори и посветеност. Ќе бидете магнет за внимание, па ако сте сингл, вашата харизма ќе привлече личност која ќе ве изненади со многу возбуда и страст.

Кон крајот на годината, поточно на 24 декември, Венера ќе започне да танцува во вашиот знак, па љубовта ќе биде исполнета со романтични авантури и позитивни моменти. Срцето ќе ви биде полно со радост, а љубовта ќе блесне како најсветла ѕвезда на вашиот хоризонт.

Пари и кариера

Во 2025 година ќе бидете во позиција да го искористите максимумот од вашата амбициозност и трудољубивост. Ова е година кога ќе видите резултати од вашата дисциплинираност и посветеност, а ѕвездите ќе ви отвораат врати за унапредување, заработка и финансиска стабилност.

Јануари започнува со ретроградниот Марс во рак, кој од 6 јануари до 24 февруари ќе ја активира вашата 7-ма куќа на партнерствата. Ова движење ќе ве поттикне да ги преиспитате вашите деловни соработки. Ќе биде важно да се фокусирате на решавање на стари прашања и завршување на недовршените проекти. Оние што се занимаваат со работа поврзана со клиенти или тимски задачи ќе постават цврсти основи за идни успеси.

На 4 февруари Јупитер преминува во директно движење во близнаци, вашата 6-та куќа на рутините и професионалните обврски. Оваа планета на среќата и богатството носи значителни можности за унапредување, особено за оние кои се посветени на деталите и организираноста. Ќе почувствувате нова енергија за справување со комплексни задачи, а вашиот труд ќе биде препознаен. Ако сте во потрага по нова работа, ова е идеално време за добивање на позиција која носи финансиска стабилност и професионално задоволство.

Соларната еклипса во овен на 29 март ќе ја активира вашата 4-та куќа на домот и недвижностите. Ова е ден за финансиски трансакции поврзани со недвижности – купување, продавање или реновирање на имот. Ако работите во индустрија поврзана со недвижности или градежништво, ова движење ќе ви донесе зголемен профит. Останатите јарци препорачливо е да размислуваат за инвестиции кои носат долгорочна стабилност.

Марс на 18 април влегува во лав, вашата 8-ма куќа на заедничките ресурси и трансформацијата. Периодот до 17 јуни е идеален за финансиски добивки преку партнерства, наследства или долгорочни инвестиции. Вашата способност да преговарате и да преземате иницијатива ќе ви донесе финансиски успех. Некои јарци може да се израдуваат на значителен прилив на средства преку дивиденди или исплата на стари долгови.

Полната месечина во шкорпија на 12 мај ја осветлува вашата 11-та куќа на социјалните кругови и тимските проекти. Ова е време кога ќе добиете признание за вашата работа во групен контекст. Ако сте работеле на екипен проект, ова е момент кога ќе добиете бонус или награда за вашиот придонес.

На 9 јуни Јупитер влегува во рак, вашата 7-ма куќа на партнерствата. Ова е одлично време за создавање нови деловни соработки или зајакнување на постоечките. Вашата способност да градите долгорочни односи ќе носи стабилност и финансиски напредок. Некои јарци може да добијат понуда за работа која вклучува тимска динамика или меѓународна соработка.

Соларната еклипса во девица на 21 септември ја активира вашата 9-та куќа на експанзијата и патувањата. Ова движење носи можности за работа на проекти кои вклучуваат меѓународни клиенти или проширување на вашиот професионален опсег. Ако сте размислувале за дополнителна едукација или курсеви, ова е време кога ќе видите како вашето знаење се претвора во финансиска добивка.

На 15 декември Марс влегува во јарец и ја активира вашата 1-ва куќа на личноста. Ова движење носи зголемена амбициозност и решителност. Ќе бидете подготвени да преземете лидерска улога и да се истакнете во вашата професионална област. Постои можност за зголемување на платата или добивање бонус за вашата посветеност.

Венера во стрелец од 30 ноември ќе ја активира вашата 12-та куќа на подготовките и работењето „зад сцената“. Ова е време кога вашите напори ќе бидат наградени со финансиски резултати. Ако работите на проект што бара дискреција, ќе видите значителен успех кон крајот на годината.

Во 2025 година ѕвездите ќе ве поддржуваат во секој чекор, водејќи ве кон изобилство и успех.

Здравје

2025 година ќе биде година на баланс, обновување и виталност за јарците. Ѕвездите ве охрабруваат да се фокусирате на превенција, воведување нови рутини и грижа за себе.

На почетокот на годината, ретроградниот Марс од 6 јануари до 24 февруари ќе активира вашата 7-ма куќа на партнерствата, што може да донесе зголемен стрес или потреба за балансирање на работата и личниот живот. Ќе почувствувате потреба да посветите повеќе време на менталното здравје. Медитацијата, релаксациските техники и времето поминато со саканите ќе ви помогнат да го намалите притисокот.

Младата месечина во водолија на 29 јануари ќе ја осветлува вашата 2-ра куќа на рутините. Ќе бидете инспирирани да воведете нови навики, како утринско вежбање, здрава исхрана или редовно пешачење. Ова е одлично време за започнување активности кои носат долгорочни бенефиции за вашето тело.

Соларната еклипса во овен на 29 март ја активира вашата 4-та куќа на домот. Ова движење ќе ве поттикне да создадете мирна и спокојна домашна атмосфера, која ќе оди во прилог на вашето здравје. Ќе бидете инспирирани да воведете релаксирачки ритуали, како ароматерапија, топли бањи или техники за длабоко опуштање.

Со Марс во лав од 18 април, ќе биде нагласена вашата 8-ма куќа на трансформацијата. Ќе почувствувате зголемена енергија и мотивација да се посветите на активности кои го зајакнуваат телото. Ова е идеално време за интензивни вежби, спорт или активности кои ги стимулираат силата и издржливоста.

Соларната еклипса во девица на 21 септември ја активира вашата 9-та куќа на експанзијата. Ова е период кога ќе размислувате за долгорочни здравствени цели. Ќе бидете инспирирани да го подобрите вашето знаење за здравјето, преку читање, учење или консултации со експерти. Ќе почувствувате дека малите, но редовни промени, имаат огромно влијание врз вашето целокупно здравје.

Полната месечина во бик на 5 ноември ќе ја осветли вашата 5-та куќа на радоста и креативноста. Ова е момент за активности кои комбинираат забава и физичка активност, како танц, игри на отворено или прошетки во природа. Ова движење ќе ви донесе чувство на обновена енергија и виталност.

На 30 ноември Венера влегува во стрелец, вашата 12-та куќа на интроспекцијата. Ова е време за емоционално ослободување и размислување. Ќе почувствувате потреба да се повлечете и да се посветите на внатрешната хармонија. Превентивните здравствени мерки и грижа за менталното здравје ќе бидат особено важни.

Марс во јарец од 15 декември ќе ја активира вашата 1-ва куќа на личноста. Очекувајте зголемена енергија, самодоверба и решителност да преземете контрола врз вашето здравје. Ќе бидете подготвени за физички предизвици и воведување нови, поинтензивни вежби. Вашето тело ќе реагира позитивно на напорите, носејќи чувство на сила и виталност.

Како што ќе се ближи 2025 година кон својот крај, вие ќе се чувствувате физички посилни и ментално сè постабилни.