Риби (19. II – 20. III)
Сабота, 21 Декември 2024
Денес Сонцето ќе премине во вашиот сектор на друштвените активности и технологијата, правејќи ве срцето на секоја забава. Ова е период кога ќе ја преземете организаторската улога во друштвото и ќе ги поведете пријателите во незаборавна празнична сезона.
Разумно користете ги социјалните мрежи и испраќајте позитивни пораки преку нив. Ширете љубов и тоа ќе ви биде возвратено.
Декември, 2024
Љубов
Позитивни случувања ќе ви навестат дека ве очекува одличен крај на годината и блескав почеток на следната 2025-та.
Венера, планетата на љубовта, убавината и хармонијата, на 7 декември ќе премине во водолија, вашиот сектор на завршетоците и фантазијата. Некои риби конечно ќе соберат храброст да стават крај на врска која долго време висела на конец, додека други ќе раскрстат со поранешен партнер и најпосле ќе фрлат далеку од себе одредени негативни емоции.
Под влијание на Венера, големи се шансите да сретнете лице кое ќе ви ги разлета пеперутките во стомакот. Имајте на ум дека ќе гледате на љубовта низ розови очила, што значи да не избрзувате, зашто ќе бидете склони да ги гледате само позитивните карактеристики на луѓето.
Полната месечина на 15 декември ќе настапи во вашиот сектор на домот и семејството. Ова е ден кој треба да им го посветите на животниот сопатник и најблиското семејство. Доколку ваша блиска личност физички е далеку од вас, стапете во контакт со видео повик. Некои риби на овој ден ќе одлучат да го прошират семејството со нов член, други пак ќе разговараат сериозно за брак.
На 21 декември ќе ви се разгори желбата за дружење, бидејќи Сонцето ќе започне да се движи низ вашиот сектор на пријателството и групните активности. Ниту една забава нема да започнува, ниту да завршува без вас. Ќе ги одложувате романтичните средби „еден на еден“ за сметка на лудите дружби со многу познаници.
Младата месечина, која на 30 декември ќе настапи во вашата истражувачка куќа, ќе ве натера да излезете од сигурната зона и да се насочите кон освојување на лице кое претходно сте го сметале за недостижно. Кои соништа ги сметате за неостварливи? Токму кон нивно исполнување започнете да се стремите во овој период.
На последниот ден од 2024 година, Месечината ќе се најде во вашиот сектор на пријателството и групните активности. Колку повеќе луѓе има околу вас, толку посреќно ќе се чувствувате. Во идеален случај ќе бидете дел од голема и еуфорична новогодишна прослава.
Пари и работа
На повеќето околу вас мислите ќе им бидат насочени кон празничните забави, но вие фокусирано ќе работите и во секој момент ќе можете да се фалите со зголемена продуктивност. Благодарение на Сонцето, кое ќе патува низ вашата амбициозна куќа на кариерата, ќе кроите големи планови и без одложување ќе ги реализирате. Се разбира, финансиските награди нема да изостанат.
Младата месечина ќе настапи на 1 декември во стрелец, вашиот сектор на кариерата и амбициите, охрабрувајќи ве да ги удрите темелите на голем успех кој ќе ве израдува следната година. Бидете смели, целете високо и ќе добиете многу.
Сонцето до 21 декември ќе патува низ вашиот сектор на кариерата и амбициите. Вашиот мозок нема да знае за пауза и релаксација. Активно ќе размислувате за нови начини на заработка и постигнување на завидни успеси.
Искористете го декември за да го организирате максимално вашиот живот. Енергичниот Марс до 7 декември ќе патува директно низ вашата 6-та куќа на организираноста и добрите навики. Со кого ќе соработувате следната година? Каде сакате да стигнете? Кои се ваши конкуренти? Одговорете си на колку што е можно повеќе прашања.
Откако на 7 декември Марс ќе премине во ретроградно движење, веројатно ќе се навратите на деловни консултации со поранешни ментори/колеги/соработници.
На 15 декември Меркур, планетата на комуникацијата и интелектот, ќе премине во директно движење. Никој нема да може да ве надзборува. Ќе придобивате сојузници и ќе успевате сите преговори да ги завршувате со успеси. Барајте и ќе добиете.
Во текот на декември, големи се шансите да наидете на можност која ќе го засегнува и вашиот личен живот. Некои риби ќе добијат одлични понуди, но ќе бидат во недоумица затоа што тие ќе им попречуваат да исполнуваат одредени планови во приватниот живот. Добро размислете дали да ја ставите работата пред врските со блиските.
На 21 декември Сонцето ќе влезе во вашиот сектор на групните активности, зголемувајќи ја вашата желба за забава и дружење. Имајте на ум дека најсилните контакти се прават во релаксирана атмосфера, па искористете ги празничните забави за да се зближите со лица кои имаат моќ да ви помогнат да напредувате на професионален план.
Неочекувани парични средства на крајот на годината ќе ви ја дадат финансиската стабилност по која копнеете.
Здравје
Многу добра вест е што на 8 декември Нептун ќе го прекине ретроградното движење во вашиот знак. Ќе се исполните со позитивна енергија и со леснотија ќе ги бркате песимистичките мисли од својата глава. Внатрешен мир ќе ве обземе пред крајот на годината, па ќе се радувате на одлично психичко здравје.
На 7 декември Марс ќе започне да се движи ретроградно во вашиот сектор на здравјето, па големи се шансите да не ги избегнете сезонските настинки и грипот. Вложете напори за да си го зајакнете имунитетот.
Во овој период честопати нема да се чувствувате задоволни со изгледот и постојано во главата ќе си повторувате кои се вашите маани. Бидете понежни кон себе. Самодовербата се гради во главата, а помалку во теретана.
Комуникативниот Меркур на 15 декември преминува во директно движење во вашата дисциплинирана 10-та куќа и ќе ве поттикне да барате совети и да разговарате како да си го подобрите начинот на живот.
2024 година
Љубов
Сè укажува на тоа дека ве очекува радосна, романтична и просперитетна година! Небесните тела се подготвени да ве опсипат со позитивни случувања, па нетрпеливо чекајте да проделува космичката магија.
Сексапилниот Марс од 4 јануари до 13 февруари ќе се движи низ вашиот сектор на пријателството, бришејќи линии помеѓу љубовта и пријателството. Одненадеж може да пролетаат искри помеѓу вас и личност која подолго време се движи низ вашиот друштвен круг.
На 13 февруари Марс ќе влезе во вашиот сектор на фантазијата и скриените намери, каде ќе остане до 23 март. Можно е да се заљубите во личност која спаѓа во категоријата „забрането овошје“ или со која знаете дека немате иднина. Некои риби може да наидат на проблеми во врската предизвикани од разоткривање на одредени тајни.
Првиот супер романтичен период за вас во текот на 2024 година е од 11 март до 5 април, кога Венера ќе патува низ вашиот знак. Љубовната хармонија која ќе завладее во вашата врска ќе резултира со многу интимни средби со саканиот, брзо решавање на проблемите и заедничко донесување на одлуки. Никој и ништо нема да може да ве сврти еден против друг. Не сте во врска? Купидон ќе ве погоди со љубовна стрела, приближувајќи ве до личност која ве привлекува и физички и интелектуално.
На 23 март сексапилниот Марс влегува во вашиот знак, зголемувајќи ви ги либидото и желбата да поминувате повеќе време под чаршафите со саканиот. Марс ќе го истакне вашиот сексапил, па нема да можете да се пожалите дека ви недостига внимание од спротивниот пол.
Нептун, кој е и ваша планета-владетел, до 2026 година ќе престојува во вашиот знак. Мистериозноста ќе ви стане заштитен знак, а за спротивниот пол ќе бидете неодолива загатка. Под влијание на Нептун, можно е да сретнете личност која ќе ги излекува раните од вашето минато и ќе ви покаже дека љубовта не завршува секогаш со скршено срце. Таа личност ќе ви ја врати вербата во вечната љубов. Во врска сте? Додека Нептун е ретрограден, односно од 2 јули до 8 декември, можно е често да ви се појавуваат неосновани сомнежи кон вашиот сакан, но тој ќе прави сè за да ви докаже дека сте единствената личност во неговиот живот.
Сатурн цела година ќе престојува во вашиот знак и ќе ви даде животни лекции кои никогаш нема да ги заборавите. Под влијание на строгиот Сатурн, ќе бидете екстремно внимателни на љубовен план. Нема да избрзувате со одлуките и ќе бидете многу пребирливи кога станува збор за нов партнер. Ќе имате многу предизвици, но добрата вест е што ќе се гордеете со секоја ваша постапка и со секој ваш избор.
До 26 мај Јупитер ќе патува директно низ вашиот сектор на домот и семејството. Многу риби ќе се израдуваат поради проширувањето на семејството со нов член – некои ќе добијат свое дете, а други пак ќе бидат пресреќни поради бременост на блиска личност. Рибите кои се во брак ќе уживаат во хармонијата која ќе царува во нивниот дом.
Ве очекува жежок почеток на летото. Од 17 јуни до 11 јули Венера ќе се движи низ вашиот сектор на страста и романсата. Со партнерот ќе го искористите овој период за разгорување на сексуалната искра. Некои риби ќе заминат на романтично патување. На рибите кои не се во врска ќе им годи вниманието кое ќе го добиваат од спротивниот пол. Ќе заведувате како неодолива божица, а бројните додворувачи ќе бидат доказ за тоа.
Полната месечина во вашиот знак на 18 септември доаѓа заедно со делумно затемнување на Месечината. Некои риби ќе прослават за свршувачка, брак или вселување во заеднички дом со саканиот. Ова е ден за издигнување на врските на следното ниво. Рибите со статус сингл можно е да спојат усни со лице со кое подолго време флертувале интензивно.
На 15 ноември Сатурн ќе премине во директно движење во вашиот знак, а на 8 декември него ќе го следи и Нептун. Очекувајте хармоничен крај на годината и љубовни моменти кои ќе ве уверуваат дека романтичната иднина ви е многу светла и магична.
Пари и работа
Започнува година во која ќе ја стабилизирате финансиската состојба и спокојно ќе кроите големи планови.
Оптимистичката планета Јупитер до 26 мај од 2024 година ќе престојува во вашата комуникативна 3-та куќа, па во првите 5 месеци од годината ќе бидете во центарот на вниманието на работното место. Нема да ви недостига ниту смелост, ниту креативност, па колегите и соработниците често ќе дотрчуваат до вас за идеи и совети. Некои риби ќе станат инвеститори во сферата на технологијата. Само напред, прифатете го проектот кој никој друг не сака ни да го погледне. Среќата ќе ве прати насекаде.
Од 2 до 24 април Меркур ќе се движи ретроградно во вашиот сектор на парите и работата. Тоа може да доведе до недоразбирања на работното место. Бидете потрпеливи во комуникацијата со колегите и читајте ги по неколкупати договорите кои ги потпишувате. Април не е поволен месец за преговори и важни презентации.
Полната месечина на 23 мај ќе настапи во стрелец, вашиот сектор на кариерата и амбициите. Токму пред почетокот на летото ќе ги ожнеете плодовите од вашиот труд вложен во првата половина на годината. Некои риби токму тогаш ќе се израдуваат со вести за ново работно место.
Уран ќе продолжи да патува низ бик, вашиот сектор на комуникацијата. Ќе ја менувате деловната комуникација и ќе бидете изненадени од позитивните резултати. Проучувајте повеќе за стратегии и тактики за убедување и влијаење врз туѓите одлуки.
Ноември ќе ви биде особено успешен месец во кој ќе реализирате многу од целите што сте си ги зацртале на почетокот од годината.
Здравје
Ќе ги негувате подеднакво и физичкото и менталното здравје. 2024 година ќе ви покаже дека најдобро функционирате кога телото и умот ви се на иста фреквенција, па ќе практикувате медитација или јога за да постигнете внатрешна хармонија.
Од 13 февруари до 23 март, енергичниот Марс ќе патува низ вашиот сектор на одморот. Ќе морате порано да се упатувате кон спалната соба навечер ако сакате да бидете свежи наутро. Под влијание на Марс, можно е да имате проблеми со спиењето.
Откако на 23 март Марс ќе се врати во вашиот знак, ќе добиете нови дози енергија. Но дотогаш, морате да бидете подготвени за мали кризи.
Во текот на 2024 година, мистичниот Нептун, вашата планета владетел, ќе престојува во вашиот знак, насочувајќи ве кон алтернативната медицина, односно кон природни методи за лекување. Од 2 јули до 8 декември Нептун ќе се движи ретроградно, што значи дека ќе ви треба повеќе одмор од обично за да функционирате нормално. Во овој период, не претерувајте со алкохолот.
Општи карактеристики за риби
Рибите се управувани од две планети – Јупитер и Нептун. Во римската митологија Јупитер е цар на боговите, а Нептун - владетел на морињата. Јупитер исто така управува со стрелец, но додека рибите ја претставуваат женската страна, стрелецот ја претставува машката. Нептун е претставник на сè што е мистично, на соништата, заблудите, фантазијата.
Родените во овој знак се идеалисти и во повеќето случаи нивните желби се нејасни. Симболот на овој знак се две риби, кои пливаат во различна насока. Едната риба ја симболизира реалноста, а другата мечтите. Ако вашиот знак е риби, вие имате силно развиена интуиција и секогаш знаете што се случува околу вас. Еден дел од вас секогаш сака да „исплива“ и да избега од реалноста.
Вие сте многу креативни, а вашата фантазија е идеалното скривалиште во моментите кога сакате да избегате од реалноста. Љубител сте на танцувањето, филмовите, поезијата и музиката. Секој претставник на овој знак треба да има дневник покрај својот кревет, затоа што најдобрите идеи кај рибите идат додека тие спијат.
Никогаш не сте агресивни, лесно наоѓате лидер кој што ќе ве води и сте задоволни кога судбината ве води, независно дали во познат или во непознат правец.
Риби е знак спротивен на девица, знакот на здравјето. Додека девиците се интересираат за конретните аспекти од животот, рибите се сврзуваат со потсвеста, со емоционалниот и менталниот живот. Претставниците и на двата знаци се посветуваат премногу на другите, но рибите понекогаш премногу влегуваат во улогата на жртви.
Елементот на рибите е водата и како воден знак вие сте многу емоционални и одговарате на предизвиците преку чувствата, а не преку физички, практични и интелектуални дејствија. Во љубовните односи сте нежни, верни и романтични, но само додека партнерот чува во себе си некаква таинственост. Кога таинственоста исчезне веднаш се разочарувате и тргнувате во потрага по нов партнер - идеалниот.
Поради фактот што рибите се последниот знак во хороскопот, вие имате можност да учите од првите единаесет знаци. Родени сте за да му помогнете на човештвото да ги достигне највисоките нивоа на духовност. Иако понекогаш се чувствувате беспомошни, вие сте многу посилни отколку што можете да си претставите. Најдобриот начин за да ја почувствувате вашата сила е да им помогнете на луѓето, кои имаат потреба од помош.
Луѓето околу вас имаат многу големо влијание на вас и многу лесно можат да направат да се чувствувате виновни. Поради тоа треба да стоите настрана од „пријатели“, кои ве искористуваат или прават да се сомневате во самите себе. Оставете ги околу вас само оние ваши пријатели, кои имаат добро срце!
Симбол:
Риба
Симболизира:
Океани, промени, гостопримство, пороци, зависност, болници, затвори, филантропија, добротворни организации, заштита на животните, предавство, тајни науки, шпионажа, бегство од обврски, самоубиства.
Елемент:
Вода
Планета:
Јупитер и Нептун – планетата на фантазијата и соништата.
Ден од седмицата:
Четврток
Боја:
Морско сина
Број:
2
Скапоцени камења:
Сафир
Најдобри професии:
Поети, пророци, лекари, писатели, илузионисти, балерини, актери, фотографи, рибари, хипнотизери, монаси, свештеници, медицински сестри, уметници.
За да се спријателите со нив:
Учествувајте во дејностите кои ги извршуваат и помагајте им кога имаат проблеми.
Дел од телото:
Стапало
Добри карактеристики:
Романтични, интуитивни, мистични, услужливи, мудри, спокојни, креативни, ведри, скромни, љубезни, мечтатели, прекрасни партнери, многу романтични, нежни, чувствителни.
Лоши карактеристики:
Наивни, самосожалувачки и самоуништувачки настроени, надвор од реалноста, расеани, песимисти, неуверени, неорганизирани, нерешителни, порочни, зависни, лицемери, предавници, страшливци.
Карактеристики по кои ќе ги познаете:
Слатка насмевка, ненадејни движења.
Омилени работи:
Танцување, романтични средби, смеење и плачење, прошетки на плажа, долги поетски писма.
Работи кои ги мразат:
Реалноста, фрлањето на новогодишната елка, дневна светлина, лош дизајн и гласна музика.
Можете да ги најдете:
Како им помагаат на стари лица, како мечтаат во ноќните клубови, како се држат за раце под масата во романтичен ресторан.
Скриена желба:
Да најдат безусловна љубов!
