Риби (19. II – 20. III)

Сабота, 01 Февруари 2025

Денешниот ден ќе ви биде сè само не и досаден. Вашиот авантуристички дух ќе дојде до израз, па прифаќајте ги шансите за нови искуства и ако ве покани на некоја забавна активност или патување, веднаш прифатете го.

Ако сте соло, можно е да имате нов романтичен почеток, а ако сте во врска, ќе направите нешто за првпат со партнерот. Експериментите ќе ви годат.

Јануари, 2025

Љубов

Јануари за рибите е месец на романса, професионална инспирација и балансирање во однос на здравјето. Ќе блеснете со својата креативност и интуицијата, отворајќи нови врати кон среќата.

На 3 јануари Венера влегува во вашиот знак и ја активира вашата 1-ва куќа на личноста, засилувајќи ја вашата харизма и ставајќи ве во центарот на љубовната сцена. Љубовта ќе биде полна со магија и страст. Рибите кои се во врска ќе почувствуваат блискост и ќе уживаат во филмска романса, додека слободните ќе привлекуваат додворувачи како магнет. Заводливоста ќе ви достигнува нови висини, па непрекинато ќе слушате комплименти и љубовни изјави.

На 6 јануари ретроградниот Марс влегува во рак, активирајќи ја вашата 5-та куќа на романтиката и креативноста. Нека не ве изненадува ако одеднаш ве контактира ваш бивши со идеја да ја обновите врската. Ретроградните движења враќаат личности од минатото, па големи се шансите да се сретнете со некој што сте го симпатизирале во минатото.

Полната месечина во рак на 13 јануари дополнително ја осветлува вашата 5-та куќа, носејќи искрени љубовни моменти. Рибите кои се во врска можно е да ја официјализираат со свршувачка или планови за свадба, или пак, да се израдуваат на вест за бременост. Слободните риби ќе бидат инспирирани да ги остават зад себе старите стравови и да ја прифатат љубовта со отворено срце.

На 19 јануари Сонцето влегува во водолија, активирајќи ја вашата 12-та куќа на интроспекцијата. Љубовта ќе стане потивка, но подлабока. Ќе се фокусирате на вашите внатрешни потреби и на тоа како да изградите силни и здрави врски. За слободните риби, ова е период за размислување за тоа што навистина бараат во партнерот.

На 29 јануари младата месечина во водолија отвора врати за нови љубовни почетоци. Ќе бидете инспирирани да внесете свежа енергија во вашите односи со саканиот. Сингл сте? Големи се шансите да се запознаете со личност за која ќе чувствувате како да ја познавате цел живот.

Пари и кариера

Јануари за рибите носи инспирација и нови можности во полето на финансиите и кариерата. Со комбинација на интуиција и решителност, рибите ќе можат да го искористат првиот месец за да постават темели за стабилна и успешна година.

Ретроградниот Марс во рак на 6 јануари ја активира вашата 5-та куќа, поттикнувајќи креативност во вашата работа. Ова е време за завршување на стари проекти и за инспирација за нови идеи. Ќе почувствувате потреба за стабилност, но исто така и желба да истражувате нови патишта за заработка. Можно е да стапите во контакт со поранешен ментор или стар колега за консултација и асистенција за голем деловен потег.

Меркур на 8 јануари влегува во јарец и ја активира вашата 11-та куќа на тимската работа и социјалните кругови. Ова движење носи можности за нови соработки и групни проекти. Ќе ја проширите вашата бизнис мрежа и контактите ќе ви помогнат да скокнете неколку скалила нагоре во кариерата.

Сонцето во водолија на 19 јануари ја осветлува вашата 12-та куќа, носејќи фокус на завршување на претходните обврски. Ова е време за поставување на долгорочни цели што ќе ви донесат стабилност и сигурност.

На 30 јануари Уран преминува во директно движење во близнаци, активирајќи ја вашата 4-та куќа на домот и семејството. Ова движење носи можности за финансиска стабилност преку недвижности или семејни инвестиции. Ќе почувствувате обновена енергија и мотивација за работа на проекти што носат финансиска добивка.

Здравје

Очекувајте блескав почеток на годината што се однесува до здравјето. Благодарение на патувањето на Венера во вашиот знак од 3 јануари, одлично ќе балансирате и тоа ќе ви помогне да одржите високо ниво на хармонија. И менталното и физичкото здравје ќе доживеат подобрување, бидејќи Венера ќе ве инспирира максимално да се грижите за себе.

Полната месечина во рак на 13 јануари ќе ви донесе можност за ослободување од старите емоционални блокади. Ќе се почувствувате полесни од пердув.

Откако Сонцето ќе влезе во водолија на 19 јануари, обрнете повеќе внимание на добриот сон и квалитетниот одмор. Енергијата брзо ќе ве напушта, па избегнувајте напорни тренинзи.

2025 година

Љубов

2025 година за рибите ќе биде година на љубовни еуфории, романтични авантури и финансиски добивки. Вашиот шарм и длабока интуиција ќе привлечат луѓе кои ќе ве инспирираат и бодрат. Рибите кои се во врска ќе уживаат во хармонијата со партнерот, зацврстувајќи го односот со гестови кои ќе ги стоплат и најладните срца. Слободните риби ќе се најдат на патеката на љубовни изненадувања, при коишто магнетската привлечност и судбинските средби ќе им донесат незаборавни моменти.

Ако некогаш сте се прашувале кога животот ќе ви наликува на љубовен роман, ова е вашата година.

Годината започнува со Венера во риби, вашата прва куќа на личноста. Ова движење ве прави неодоливи, а вашата магнетска привлечност ќе биде повеќе од очигледна. Ќе привлекувате луѓе како ноќни пеперутки на светло, а рибите кои се во врска ќе почувствуваат како нивниот партнер ги гледа со одново заљубени очи. Ако сте сингл, неочекувана средба може да биде почеток на голема љубовна приказна.

На 4 февруари Венера влегува во овен, активирајќи ја вашата 2-ра куќа на стабилноста и животните вредности. Рибите кои се во врска ќе размислуваат за важни одлуки, како заедничко живеење или финансиско вложување. Ќе почувствувате дека љубовта добива структура и сигурност, а разговорите за иднината ќе станат секојдневие. Сингл сте? Венера ќе ве спои со некој кој бара стабилна врска и сериозно обврзување.

Ретроградната Венера во овен од 2 до 27 март ќе ве натера да размислувате за минатото. Можеби ќе се сетите на стара љубов или ќе посакате да ги расчистите недовршените прашања. Ако сте слободни, ова е шанса да се соочите со старите емоции и да направите простор за нови почетоци. Рибите кои се во врска ќе почувствуваат дека е време за освежување на односите.

Соларната еклипса во овен на 29 март носи љубовни магии од космосот. За паровите, ова е идеално време за значајни одлуки – предлог за брак, планирање свадба или заеднички живот. Слободните риби ќе почувствуваат дека љубовта им доаѓа како судбински дар, преку сродна душа која ги разбира длабоко и потполно.

Марс на 18 април ќе премине во лав, вашата 6-та куќа на рутините. Рибите кои се во врска ќе откријат дека љубовта може да биде забавна, дури и во секојдневието. Романтични вечери дома, спонтани излегувања или заеднички проекти ќе го зајакнат односот. Слободните риби ќе најдат љубов преку активности што носат еуфорија и забава.

Јупитер на 9 јуни ќе премине во рак, вашата 5-та куќа на романтиката. Ова е најмагичното време за љубов во 2025 година! Ако сте во врска, ќе почувствувате дека вашата љубов цвета. Свадбите, свршувачките и приновите ќе бидат во центарот на вниманието. Слободните Риби ќе имаат среќа во љубовта, наоѓајќи партнер кој ќе ги направи среќни како во филмска приказна.

Соларната еклипса во девица на 21 септември ја активира вашата 7-ма куќа на партнерствата. Ова е време за љубовни ветувања и зацврстување на врските. Рибите кои се во врска ќе размислуваат за иднина исполнета со хармонија, додека слободните риби ќе запознаат додворувач кој ќе биде подготвен за сериозна врска.

На 30 ноември Венера влегува во стрелец и ја активира вашата 10-та куќа на кариерата. Љубовта и професионалниот живот ќе се вкрстат на начин што ќе ве изненади. Можеби ќе запознаете партнер преку работа или ќе откриете ново ниво на поддршка и разбирање од вашиот сакан.

На 15 декември Марс влегува во јарец и носи страст и интензитет во вашата 11-та куќа на социјалните кругови. Љубовта ќе биде динамична и исполнета со спонтани моменти. Ако сте во врска, ќе откриете нова искра во вашиот однос преку авантуристички активности. Ако сте слободни, неочекуван флерт во вашето социјално опкружување може да прерасне во нешто специјално.

Во 2025 година, со романтични гестови, значајни одлуки и моменти на страст, ќе почувствувате дека срцето ви блеска со светлината на ѕвездите. Подготвени сте за љубов која трае вечно?

Пари и кариера

Ѕвездите ве охрабруваат да ја искористите секоја шанса, бидејќи ова е година на големи можности за заработка, унапредување и постигнување финансиска стабилност.

Годината започнува со Венера во вашиот знак од 3 јануари до 4 февруари. Вашата харизма и самодоверба ќе ве направат магнет за нови деловни можности. Оние што бараат нова работа може да очекуваат позитивни интервјуа и понуди, особено во индустрии поврзани со креативност, уметност или човечки ресурси.

На 4 февруари Венера влегува во овен, активирајќи ја вашата 2-ра куќа на приходите. Ова движење носи можности за зголемување на заработката. Ако сте вработени, може да добиете покачување или бонус како признание за вашиот труд. Оние што се занимаваат со сопствен бизнис ќе видат зголемени приходи преку нови клиенти или успешни продажби.

Соларната еклипса во овен на 29 март ја осветлува вашата 2-ра куќа, носејќи значајни пресврти во вашите финансии. Ова е време кога можете да очекувате брзи пари преку неочекувани извори, како бонус, добивка или профит од претходни вложувања. Ќе се отвори можност за нова работа или проект што носи финансиска стабилност.

На 18 април Марс влегува во лав, вашата 6-та куќа на рутините и секојдневната работа. Ова движење носи зголемена енергија и мотивација да се посветите на вашите професионални цели. Вашата посветеност и дисциплина ќе бидат наградени со унапредување или признание од вашите претпоставени. Ќе почувствувате дека кариерата ви се движи во вистинската насока.

На 9 јуни Јупитер ќе премине во рак, вашата 5-та куќа на креативноста и иновациите. Ова е идеално време за започнување нови проекти или вложување во вашиот талент. Вашите идеи ќе бидат вреднувани, а финансиските добивки ќе доаѓаат како резултат на вашата оригиналност и способност за решавање на проблеми.

Соларната еклипса во девица на 21 септември ја активира вашата 7-ма куќа на партнерствата. Ова движење носи можности за профитабилни деловни соработки и договори. Ако сте размислувале за започнување заеднички проект, ова е време кога ќе најдете совршен партнер. Вашата способност да преговарате ќе ви донесе финансиски успех.

На 30 ноември Венера влегува во стрелец и ја потенцира вашата 10-та куќа на кариерата. Ова е време кога вашите напори ќе бидат препознаени, а вие ќе добиете можности за унапредување или преземање на лидерска позиција. Ако сте размислувале за промена на кариерата, ова движење ќе ви донесе понуди кои носат стабилност и поголема заработка.

Со влегувањето на Марс во јарец на 15 декември ќе се активира вашата 11-та куќа на социјалните кругови и групни проекти. Ова движење ќе ве поттикне да се вмрежите со луѓе кои можат да ја стимулираат вашата кариера. Ќе добиете шанса за работа на проект што носи долгорочна финансиска корист.

Полната месечина во близнаци на 5 декември ја активира вашата 4-та куќа на домот и недвижностите. Ова е идеален период за профит од недвижности, било преку купување, продажба или изнајмување.

Во 2025 година, вашата способност да се адаптирате, креативноста и интуицијата ќе ве водат кон достигнувања кои ќе го постават темелот за големи успеси во иднина.

Здравје

2025 година носи можности за ревитализација и зајакнување на здравјето на рибите. Започнува 12-месечен период на ослободување од стари навики и воведување нови ритуали што ќе ве направат посилни, посреќни и поенергични.

Годината започнува со влегувањето на Венера во риби на 3 јануари, носејќи засилено чувство на самодоверба и мотивација да се грижите за себе. Периодот до 4 февруари е одличен да започнете нова рутина за вежбање, да се фокусирате на здрава исхрана и да го поставите здравјето како врвен приоритет. Ќе почувствувате дека малите промени имаат големо влијание врз вашата енергија и расположение.

На 4 февруари Венера преминува во овен и ја активира вашата 2-ра куќа на парите и самоувереноста. Ќе се инспирирате да инвестирате во вашето здравје преку активности што носат радост и виталност. Експериментирајте со нешто ново, како танцување, јога или фитнес програма која ќе ве мотивира да останете активни.

Соларната еклипса во овен на 29 март ќе го осветли вашето здравје, носејќи шанса за позитивна трансформација. Ќе бидете инспирирани да ги отстраните токсичните навики од животот и да се насочите кон активности што ја поддржуваат вашата целокупна благосостојба.

Со влегувањето на Марс во лав на 18 април ќе биде потенцирана вашата 6-та куќа на рутините и здравјето. Ова движење ќе ве поттикне да бидете дисциплинирани и посветени на одржување на вашето тело. Ќе имате зголемена енергија, што ќе ве мотивира да се посветите на физичките активности и редовните медицински прегледи.

Јупитер од 9 јуни ќе ја акцентира вашата 5-та куќа на радоста. Ова е одлично време за активности кои носат задоволство и релаксација. Вашата ментална и емоционална состојба ќе биде подобрена преку креативни хобија, време поминато со саканите и активности што го исполнуваат срцето.

Соларната еклипса во девица на 21 септември ќе ја активира вашата 7-ма куќа на партнерствата. Ова е момент кога ќе почувствувате поддршка од вашите блиски во постигнувањето на целите поврзани со здравјето. Ако сте размислувале за консултација со експерт или започнување терапија, ова е идеално време за тоа. Ќе најдете нови начини да постигнете баланс и хармонија.

Полната месечина во бик на 5 ноември ќе ја осветлува вашата 4-та куќа на домот. Малите промени во домашната средина, како растенија или создавање зона за медитација, ќе донесат големи придобивки.

На 30 ноември Венера влегува во стрелец и ја активира вашата 10-та куќа на кариерата. Ќе најдете баланс помеѓу професионалните обврски и грижата за себе. Вашата енергија ќе биде на високо ниво, а вие ќе се чувствувате подготвени за сите предизвици.

На 15 декември Марс влегува во јарец, вашата 11-та куќа на групните активности. Ќе бидете мотивирани да се зачлените во фитнес клуб, да практикувате групни спортови или да се занимавате со други активности што комбинираат друштвен елемент со физичкото здравје. Ќе уживате во дружењето и во чувството на постигнување.

Во 2025 година ѕвездите ќе ви донесат сила и енергија за живот исполнет со радост и виталност.