Вага (23. IX – 22. X)

Четврток, 30 Јануари 2025

Подгответе се за патувања, меѓународни соработки и едукации. Денес непредвидливиот Уран ќе премине во директно движење во вашата 9-та куќа на експанзијата и учењето, отворајќи ги границите за вас. Ништо не е невозможно.

Вашата способност да учите ќе биде на највисоко ниво. Ова е одлична вест за оние кои допрва сакаат да се вратат во школските клупи.

Јануари, 2025

Љубов

Во јануари вагите ќе најдат инспирација да ги усогласат своите желби со практичните аспекти на секојдневието.

На 3 јануари Венера, вашата планета-владетел, влегува во риби и ја активира вашата 6-та куќа на рутините и секојдневието. Ова движење носи нежен допир и романса во вашиот секојдневен живот. Ако сте во врска, ќе забележите дека малите гестови прераснуваат во моменти за паметење. За слободните ваги, ова е време кога љубовта може да се појави на најнеочекувани места, како на работа или за време на најобична прошетка.

Ретроградниот Марс на 6 јануари влегува во рак, вашата 10-та куќа на кариерата и општествениот статус. Некои ваги може да почувствуваат привлечност кон личност со која соработуваат, а тоа ќе донесе нова динамика. Вагите кои се во врска ќе почувствуваат потреба за искреност и разговор со партнерот за нивните цели.

На 13 јануари полната месечина во рак дополнително ја осветлува вашата 10-та куќа на сериозното обврзување и планирањето. Ако сте во врска, ова е време за разговори за иднината со партнерот. Слободните ваги ќе бидат склони да се фрлат во прегратката на некој којшто знае добро што сака во животот и посветено работи на исполнување на целите. Ќе ве привлекува амбициозноста.

Сонцето, кое влегува во Водолија на 19 јануари, ја активира вашата 5-та куќа на романтиката и креативноста. Ова носи блескава енергија во вашиот љубовен живот. Ќе бидете инспирирани за спонтани состаноци, романтични изненадувања и нови авантури. Љубовта ќе биде полна со забава и возбудувања.

На 29 јануари младата месечина во Водолија ќе донесе нови почетоци. Крајот на месецот е идеално време за внесување свежа енергија во врските. Заведувајте го саканиот одново и одново. Нека ја види во полно светло заводничката која се крие во вас. Сингл сте? На овој ден флерт-игрите брзо ќе прераснуваат во долги бакнежи.

Пари и кариера

Ретроградниот Марс од 6 јануари до 24 февруари ќе активира вашата 10-та куќа, што значи дека ќе почувствувате потреба за ревизија на вашите професионални цели. Ова е време за размислување за тоа што навистина ве исполнува во кариерата и како да постигнете стабилност.

Јануари започнува со Меркур кој на 8 јануари влегува во јарец и ја нагласува вашата 4-та куќа на домот и семејството. Планетата на комуникацијата ќе ве поттикне да размислите за долгорочни планови поврзани со вашиот дом. Некои ваги може да започнат со планирање на инвестиции или уредување на нивниот животен простор.

Сонцето на 19 јануари ќе ја осветли водолија, вашата 5-та куќа, носејќи ви креативност во работата. Ова е време за започнување на проекти што ја поттикнуваат вашата иновативна страна. Способност да ги комбинирате естетиката и практичноста ќе биде клучот за успехот.

На 30 јануари Уран преминува во директно движење во близнаци, вашата 9-та куќа на надградување на знаењето и експанзија. Ова движење носи можности за патувања, едукација или нови деловни соработки со меѓународен карактер.

Здравје

На почетокот на месецот, поточно на 3 јануари, Венера во риби ќе ве инспирира да внесете хармонија во начинот на живот. Ќе почувствувате потреба за активности што ве релаксираат, како прошетки покрај вода.

Ретроградниот Марс во рак на 6 јануари бара посветеност на вашиот емоционален баланс. Можеби ќе почувствувате потреба за одмор од секојдневниот стрес. Важно е да слушате што ви кажува телото и да ги почитувате вашите граници.

Полната месечина во рак на 13 јануари ќе ви донесе можност за емотивна преродба. Ова е идеално време да се ослободите од стресот и да се фокусирате на активности што носат радост и смиреност.

Сонцето во водолија на 19 јануари ќе ве поттикне да експериментирате со нови режими. Ќе бидете инспирирани да започнете со физичка активност или да воведете промени во исхраната што ќе ви ја зголемат енергијата.

На 30 јануари директниот Уран ќе донесе обновена виталност. Ќе се чувствувате подготвени за нови предизвици.

2025 година

Љубов

Драги ваги, вие сте познати по вашата желба за убавина и еквилибриум, па сега ќе имате шанса да го зацврстите животниот баланс и да блеснете во сите сфери.

2025-та ќе биде година на љубовна магија, страсни бакнежи и романтични пресврти. Љубовта ќе ви покаже колку може да биде трансформативна и инспиративна. Независно дали сте во стабилна врска или го барате вашиот идеален партнер, ќе почувствувате нова енергија која ќе ја разбуди вашата страст и романтичниот дух. Љубовта ќе ве охрабри да преземете храбри чекори, да истражувате нови димензии на интимност и да уживате во секој момент што ѕвездите ви го подаруваат.

На почетокот на годината, поточно на 3 јануари, Венера ќе влезе во риби, вашата 6-та куќа на рутините и секојдневните активности. Љубовта ќе ве пронајде додека извршувате секојдневни обврски – пазарување, работна средба или тренинг. Ќе ја зачините врската со мали, но значајни гестови, како романтични појадоци или вечерни прошетки.

На 4 февруари Венера влегува во овен, активирајќи ја вашата 7-ма куќа на партнерствата. Ова движење ќе донесе огнена страст и нови љубовни можности. Ако сте во врска, ќе почувствувате дека љубовта се разгорува со интензитет. Страсните допири и бакнежи ќе ја разбудат вашата романтична страна. За вагите со статус сингл, ова е време кога ќе бидете магнет за внимание – вашата харизма и шармот ќе привлекуваат нови љубовни авантури.

Младата месечина во водолија на 29 јануари ја потенцира вашата 5-та куќа на романтиката и забавата. Ова е ден за нови почетоци во љубовта. Ако сте сами, ќе почувствувате силна желба да се впуштите во нова врска или да запознаете некој што ќе го разбуди вашиот дух. Флерт-игрите ќе бидат на максимум, а секоја интеракција ќе носи наелектризирана енергија.

Ретроградната Венера во овен од 2 до 27 март ќе ве натера да размислите за минатите љубовни приказни. Можно е да се појави поранешен партнер, што ќе ве поттикне да преиспитате што сакате во љубовта.

Соларната еклипса во овен на 29 март ќе ја донесе љубовта во прв план и ќе ве поттикне да донесете големи одлуки – дали да ја официјализирате врската, да се обврзете на нова љубов или да ги освежите вашите односи со саканиот. Страста ќе биде силна, а интимните моменти ќе ве исполнуваат со возбуда.

Марс влегува во лав на 18 април, активирајќи ја вашата 11-та куќа на социјалните кругови. Ова движење носи љубов преку пријателства и социјални настани. Ќе бидете привлечени кон личности кои ја споделуваат вашата страст за животот. Љубовта ќе биде исполнета со возбудливи и спонтани моменти – долги разговори под ѕвездите, неочекувани бакнежи и смели љубовни гестови.

Полната месечина во шкорпија на 12 мај ќе ја осветли вашата 2-ра куќа на самодовербата и сензуалноста, носејќи интензитет во љубовта. Ќе бидете фокусирани на емоционалната сигурност и длабочината на врската. Ова е ден за незаборавни интимни средби.

Младата месечина на 27 мај ќе ве инспирира да преземете иницијатива во љубовта. Ќе сакате да изразите што чувствувате, да направите чекори што ја носат љубовта на следното ниво или да започнете нешто сосема ново. Љубовните авантури ќе ве поттикнат да излезете од комфорната зона.

Соларната еклипса во девица на 21 септември ќе ја активира вашата 12-та куќа на интроспекцијата. Ова е време за длабока љубов кон себе и подготовка за нови почетоци. Ќе почувствувате дека љубовта започнува со внатрешен мир и стабилност, што ќе ви помогне да внесете хармонија во сите ваши врски.

На 30 ноември Венера ќе премине во стрелец, вашата 9-та куќа на патувањата и визиите. Љубовта ќе стане авантуристичка и забавна. Романтичните патувања, долгите бакнежи на нови места и флертувањето ќе внесат свежина во вашиот љубовен живот. Слободните ваги може да запознаат личност која ќе ги инспирира да размислуваат неконвенционално.

Марс во јарец од 15 декември ќе ја потенцира вашата 4-та куќа на домот, носејќи силна посветеност кога се во прашање најблиските. Некои ваги импулсивно ќе влезат во брачните води, а други пак ќе прослават за свршувачка.

На 24 декември и Венера ќе му се придружи на Марс во јарец, што значи дека љубовта ќе ја фокусираме на оние со кои живееме. Крајот на годината за некои ваги ќе донесе вселување под ист покрив со саканиот или купување на нов дом.

Пари и кариера

Започнува година на професионален раст и финансиски напредок за вагите. Вашиот фокус ќе биде насочен кон големи успеси и долгорочни инвестиции.

На почетокот на годината, поконкретно од 6 јануари ретроградниот Марс во рак ја активира вашата 10-та куќа на кариерата. Ова е период кога ќе размислувате за долгорочните цели и ќе ги завршите сите заостанати проекти. Иако можеби ќе почувствувате мал застој, тоа ќе ви даде време да поставите јасна стратегија за професионален прогрес. Избегнувајте ризични финансиски потези и фокусирајте се на планирање.

Младата месечина во водолија на 29 јануари ќе ја активира вашата 5-та куќа на креативноста и ризиците. Ова е одлично време за финансиски потези кои вклучуваат креативност или иновации. Ако сте размислувале за сопствен бизнис, ова е моментот за започнување. Вашите идеи ќе имаат потенцијал за големи профити.

На 4 февруари, Јупитер преминува во директно движење во близнаци, активирајќи ја вашата 9-та куќа на надградување на знаењето и визионерството. Ова е одличен период за професионално усовршување преку обуки, курсеви или студии. Вашето ново знаење ќе ви отвори врати за повисоки позиции и подобри финансиски услови. Ако размислувате за работа во странство или работа која вклучува патувања, ова е идеално време за преземање на конкретни чекори.

Соларната еклипса во овен на 29 март ја осветлува вашата 7-ма куќа на соработките. Ќе се појават нови деловни партнерства кои носат финансиски добивки. Ова е ден за преговарање и склучување договори кои ќе ви донесат брзи пари или нови можности за вработување. Ако работите во тимска средина, вашиот придонес ќе биде забележан и награден.

На 18 април Марс влегува во лав, активирајќи ја вашата 11-та куќа на вмрежувањето и групните проекти. Ќе се чувствувате инспирирани да преземете лидерска улога во вашата професионална средина. Ова е време кога ќе блеснете со вашите идеи и ќе го привлечете вниманието на претпоставените. Вашата решителност и енергија ќе ви донесат значителни финансиски награди.

На 9 јуни Јупитер влегува во рак, потенцирајќи ја вашата 10-та куќа на кариерата. Периодот до 11 ноември е еден од најповолните за напредок и финансиски успех. Вашите напори ќе бидат препознаени, што ќе доведе до покачување на платата, бонуси или профит од проекти. Ако сте размислувале за промена на работното место, ова е време кога ќе добиете понуда која значително ќе го подобри вашиот финансиски статус.

Полната месечина во шкорпија на 12 мај ќе ја осветли вашата 2-ра куќа на приходите. Ова е момент кога ќе добиете финансиски награди. Можеби ќе добиете бонус или ќе завршите проект кој носи значителна заработка. Ќе почувствувате финансиска сигурност и ќе бидете мотивирани да продолжите со истата енергија.

Соларната еклипса на 21 септември ја истакнува вашата 12-та куќа на подготовките. Ова е ден за работа зад сцената и поставување темели за долгорочни успеси. Ќе почувствувате потреба да размислите за инвестиции, особено во недвижности или хартии од вредност, кои ќе носат стабилност во иднина.

На 24 декември Венера влегува во јарец, вашата 4-та куќа на домот и недвижностите. Ова движење носи можности за профит од недвижности – било да купувате, продавате или изнајмувате имот. Ако размислувате за инвестиции, крајот на годината ќе ви донесе поволни услови.

Со вашата харизма, аналитичките способности и решителноста, ќе успеете да ги искористите сите шанси што ви ги нудат ѕвездите во 2025 година и да ја изградите вашата финансиска иднина на цврста основа.

Здравје

Во 2025 година планетарните движења ќе ве инспирираат да направите позитивни промени кои ќе имаат долгорочно влијание.

Ретроградниот Марс во рак од 6 јануари до 24 февруари ќе стави акцент на вашата 10-та куќа на кариерата, што може да доведе до зголемен стрес и замор. Ова е важно време да ги препознаете вашите граници и да му дадете приоритет на одморот. Медитацијата, релаксациските техники и квалитетниот сон ќе бидат од суштинско значење за одржување на енергијата.

Со Марс кој влегува во лав на 18 април, вашата 11-та куќа на социјалните активности ќе застане под рефлекторите. Ќе се чувствувате мотивирани за физички активности со пријателите, како што се спортови на отворено или групни тренинзи. Овој период носи енергија и виталност што ќе ви помогнат да го подобрите вашето физичко здравје и да внесете радост во вашата рутина.

Јупитер во рак од 9 јуни ќе ја активира вашата 10-та куќа, носејќи емоционална поддршка и можности за намалување на стресот. Овој период ќе ве поттикне да се поврзете со активности што го поддржуваат вашиот емоционален мир, како што се активности во природа, уметност или водење дневник.

Полната месечина во Водолија на 9 август ќе ја активира вашата 5-та куќа на креативноста и радоста, носејќи инспирација за нови начини на грижа за себе. Ова е одлично време за експериментирање со нови хобија или активности кои ги комбинираат физичката и менталната благосостојба, како танцување или часови за јога.

Соларната еклипса во Девица на 21 септември ќе внесе потреба за редовност во вашите здравствени навики. Ќе бидете мотивирани да воведете здрави ритуали, како утринско вежбање, подобрување на исхраната и редовни медицински прегледи. Оваа енергија ќе ве поттикне да се фокусирате на долгорочна грижа за вашето тело и ум.

Марс кој влегува во јарец на 15 декември ќе ја активира вашата 4-та куќа на домот, носејќи фокус на домашните рутини кои го поддржуваат здравјето. Ќе бидете инспирирани да создадете мирна и здрава средина во вашиот дом, што ќе ви помогне да се чувствувате подмладено и подготвено за сите предизвици. Ова е одлично време за воведување техники за релаксација, како топли бањи, ароматерапија или медитација.

Крајот на годината носи чувство на виталност и стабилност, бидејќи вашите напори за здравјето ќе бидат наградени со зголемена енергија и рамнотежа. Ќе влезете во 2026 година со чувство на благодарност за постигнатите промени и со подготвеност да го задржите ова ниво на благосостојба. Здравјето ќе биде вашата најсилна точка во текот на година.