Шкорпија (23. X – 21. XI)

Сабота, 22 Февруари 2025

Некој ќе сака да ве одведе на ново место или ќе се впуштите во авантура без воопшто да размислувате на последиците. Па што? И вие имате право да се забавувате и да уживате безгрижно во животот.

Дајте му шанса на додворувач кој сметавте дека не е ваш тип. Ќе се уверите во споротивното.

Февруари, 2025

Љубов

Февруари ви носи моќен микс на страст, интуиција и нови можности. Како знак кој сака длабочина и трансформација, ќе имате шанса да ги поставите темелите за важни љубовни и професионални промени.

Февруари започнува со влегувањето на Венера во овен, вашата 6-та куќа на рутините и секојдневието. По 4 февруари љубовта може да дојде преку работното место, фитнес центарот кој го посетувате, омиленото кафуле или некое место каде што секојдневно се движите. Ако сте во врска, месецов е одличен за создавање нови заеднички навики кои ќе ја зацврстат вашата поврзаност.

На 4 февруари Јупитер конечно преминува во директно движење во близнаци, осветлувајќи ја вашата 8-ма куќа на интимноста и трансформацијата. Љубовните врски ќе станат подлабоки, посериозни и повозбудливи. Можно е да ве изненади неочекувана страст или важен разговор со партнерот кој ќе ја подигне вашата врска на повисоко ниво.

На 12 февруари полната месечина во лав го осветлува вашиот сектор на кариерата и имиџот. Големи се шансите љубовта и професијата да се испреплетат – можеби ќе запознаете некого на работното место или ќе добиете внимание од личност која ве гледа како инспирација.

На 14 февруари, токму за Денот на вљубените, Меркур влегува во риби, односно вашата 5-та куќа на романтиката, флертот и креативноста. Очекувајте забавни разговори, љубовни пораки и моменти исполнети со страст.

На 18 февруари Сонцето започнува едномесечно патување во риби, носејќи дополнителна доза магија во љубовниот живот. Ова е време кога ќе се почувствувате најромантично и најкреативно, а вашата аура ќе биде привлечна за сите околу вас.

Марс на 24 февруари преминува во директно движење во рак, активирајќи ја вашата 9-та куќа на патувањата и новите искуства. Можно е љубовта да ве одведе на далечен пат или да запознаете некого од друга култура.

Младата месечина во риби на 28 февруари ќе означи нови љубовни почетоци. Ова е совршен момент за оние што се во врска да ја освежат сексуалната динамика, а за сингл шкорпиите – да привлечат љубовна магија во својот живот.

Пари и кариера

Февруари е месец кога амбициозноста и интуицијата ќе ви бидат најголеми сојузници – искористете ја оваа енергија мудро.

Со Венера во овен од 4 февруари, вашата 6-та куќа на работата и секојдневните обврски добива позитивна енергија. Ќе бидете полни со мотивација, а вашиот труд ќе биде забележан од претпоставените.

На истиот ден, Јупитер преминува во директно движење во вашата 8-ма куќа на финансиските ресурси и ви носи можности за подобрување на приходите преку партнерства, инвестиции или наследства.

Полната месечина во лав на 12 февруари осветлува голем момент во вашата кариера. Очекувајте значајно признание, промоција или важна деловна можност.

Меркур во риби на 14 февруари ќе ви помогне да ги презентирате вашите идеи на уникатен начин. Ова е одличен момент за оние што работат во креативни индустрии.

Сонцето во риби на 18 февруари ќе ви донесе нова инспирација и можност да работите на проект што ве исполнува.

Младата месечина на 28 февруари ќе означи нови почетоци во кариерата. Најголеми успеси им претстојат на шкорпиите чија работа е поврзана со креативност и иновативност.

Здравје

Со Венера во овен од 4 февруари, ќе имате повеќе енергија и желба да се грижите за себе. Можно е да започнете нова фитнес рутина или да посветите повеќе внимание на вашата исхрана.

Преминувањето на Јупитер во директно движење во вашата 8-ма куќа ќе ви помогне да се ослободите од стресот и да најдете баланс во вашиот животен стил.

Меркур во риби на 14 февруари ќе ви помогне да се поврзете со вашата интуиција и да слушате што ви кажува вашето тело.

Најпроблематична област во февруари ќе ви бидат забите.

2025 година

Љубов

2025-та е година на страст, романса и трансформација за шкорпиите. Под влијанието на Венера, Марс, Јупитер и лунарните еклипси, љубовта ќе блесне со сета своја магија. Вашето срце ќе биде отворено за нови искуства, а ѕвездите ве поддржуваат во создавање на трајни врски кои ќе ве исполнуваат. Од романтични авантури до важни животни одлуки како брак и деца, љубовта ќе биде вашиот водич.

На самиот почеток на годината, поточно на 3 јануари, Венера во риби ја активира вашата 5-та куќа на романтиката и креативноста. Љубовта ќе биде магична и инспиративна. За оние што се во врска, овој период ќе донесе нежност и блискост – ноќите ќе бидат исполнети со шепоти и топли бакнежи. Слободните шкорпии ќе привлечат личност која ќе им го разбуди романтичниот дух, а љубовта може да се роди преку заеднички интереси или креативни активности.

Младата месечина во водолија на 29 јануари ја активира вашата 4-та куќа на домот. Љубовта ќе подразбира создавање на стабилност и хармонија во вашиот дом. За шкорпиите кои се во врска, ова може да значи заедничко живеење или планирање деца. Ќе бидете насочени кон градење на долготрајни романтични сојузи и ако сте сингл, нема да се интересирате за ништо помалку од тоа.

На 4 февруари Венера влегува во овен, носејќи страст и возбуда во вашата 6-та куќа на рутините. За паровите, ова е период кога секојдневните моменти – како пиењето на утринското кафе или заедничките прошетки – ќе станат извори на радост. За слободните шкорпии, постои можност за средба со некого на работното место или преку секојдневните активности.

Ретроградната Венера во овен од 2 до 27 март ќе ве врати кон стари љубовни приказни. Ова е време за рефлексија – можеби ќе се појави поранешен партнер или ќе размислувате за важни љубовни одлуки. Искористете го овој период за да анализирате што ви тлее во срцето и да создадете простор за нови емоции.

Соларната еклипса во овен на 29 март носи нова енергија и можности за љубов. Ако сте во врска, ова е идеален момент за свршувачка или за планирање брак. Страста ќе ве разбуди од зимски сон, а вашата врска ќе блесне со нова светлина. Слободните шкорпии ќе се впуштат во романтични авантури полни со возбуда.

Со Марс кој влегува во лав на 18 април, вашата 10-та куќа на кариерата ќе добие страстен импулс. Ова движење носи можности за романса преку професионалните кругови. Ако сте сингл, љубовта може да дојде преку заеднички проекти или професионални соработки. Ако сте во врска, страста и амбицијата ќе ве зближува со саканиот.

Полната месечина во шкорпија на 12 мај ќе ја осветли вашата 1-ва куќа на личноста. Ќе зрачите со магнетизам и привлечност. Ова е време кога љубовта ќе достигнува нови висини – за оние што се во врска, ова ќе биде период на длабока интимност, а слободните шкорпии ќе привлечат личност која ќе ги остави без здив.

Јупитер од 9 јуни ќе патува низ рак и ќе ви носи можности за романтични патувања и авантури. Љубовта може да се роди на патување или на средба со личност од друга култура. За шкорпиите кои се во врска, ова е време за создавање нови спомени на егзотични локации.

Соларната еклипса во девица на 21 септември ја активира вашата 11-та куќа на социјалните кругови. Љубовта ќе биде инспирирана од вашите пријатели и заедничките активности. За слободните шкорпии, ова е идеално време за запознавање некого преку пријатели или друштвени настани.

На 30 ноември Венера во стрелец ќе ја активира вашата 2-ра куќа. Во љубовта ќе почувствувате нови бранови стабилност и хармонија. Оние што се во врска ќе имаат силна желба да создадат заеднички планови за иднината, додека слободните шкорпии ќе бидат привлечени од личности кои носат предвидливост и сигурност.

Марс на 15 декември ќе влезе во јарец, вашата 3-та куќа на комуникацијата. Ова ќе биде период на отворени разговори, емотивни пораки и интензивни изјави на љубов. За паровите, ова е време за зајакнување на довербата, додека слободните шкорпии ќе најдат радост во нови, флертувачки комуникации.

Многу моменти од 2025 година ќе носат љубовна магија за шкорпиите. Љубовта ќе биде длабока, исполнета со страст и авантури, а ѕвездите „навиваат“ за врски кои ќе траат засекогаш.

Пари и кариера

2025-та е година за паметно планирање, инвестирање и преземање иницијатива на деловен план.

На почетокот на годината, поконкретно на 6 јануари ретроградниот Марс ќе ја активира вашата 9-та куќа на визионерството и учењето. Во периодот до 24 февруари ќе се фокусирате на долгорочните професионални цели. Ќе чувствувате потреба да ги завршите заостанатите проекти и да поставите нови, амбициозни цели. Ќе биде важно да размислувате за вашата кариера во глобален контекст – ова е време за размислување за нови стратегии и проширување на вашите вештини.

Младата месечина во водолија на 29 јануари ќе ја активира вашата 4-та куќа на домот и недвижностите. Ова е одличен момент за профит од недвижности – било преку купување, изнајмување или продажба. Финансиските трансакции поврзани со имот ќе бидат особено успешни.

На 4 февруари Јупитер ќе премине во директно движење во близнаци, ставајќи акцент на вашата 8-ма куќа на заедничките ресурси. Ова е одлично време за финансиски инвестиции и партнерства. Вашата способност да управувате со парите ќе ви донесе успех, особено ако се фокусирате на недвижности или инвестициски фондови. Некои шкорпии може да добијат бонуси или финансиска поддршка од семејството или партнерите.

Соларната еклипса во овен на 29 март ќе ја осветли вашата 6-та куќа на работата. Ова е време за значајни промени во кариерата. Ќе почувствувате зголемена енергија и мотивација за прифаќање на нови позиции. Оние што бараат работа, ќе имаат можност да најдат позиција што носи подобри финансиски услови. Постои шанса за покачување на платата или добивање на бонуси за вашата посветеност и труд.

Со влегувањето на Марс во лав на 18 април, вашата 10-та куќа на кариерата ќе добие силен стимул. Ќе бидете подготвени за преземање на лидерска улога и ќе блеснете во вашата професионална средина. Моќната енергија и решителноста ќе ви донесат признанија и финансиски награди. Некои шкорпии ќе добијат понуда за работа што носи значително зголемување на приходите.

Полната месечина во шкорпија на 12 мај ќе донесе важен финансиски пресврт. Оваа месечина ја осветлува вашата 1-ва куќа на личноста, поттикнувајќи ве да го подобрите значително вашиот професионален статус. Ќе добиете награди за вашиот труд и веројатно ќе завршите проект кој носи брзи пари.

Јупитер ќе премине во рак на 9 јуни и ќе ја истакне вашата 9-та куќа на визионерството и експанзијата. Ова е период кога ќе почувствувате желба за инвестирање во вашето професионално знаење. Дополнителна едукација или курсеви ќе ви отворат врати за подобро платени позиции. Финансиската стабилност ќе се зголеми благодарение на вашата визија и трудољубивоста.

Соларната еклипса во девица на 21 септември ќе ја активира вашата 11-та куќа на друштвените кругови. Ова е време за групни проекти и екипни соработки кои носат финансиски добивки. Некои шкорпии ќе добијат нови можности преку познаници или деловни контакти. Ќе почувствувате дека тимската работа е клучна за вашиот успех.

Кон крајот на годината, поточно на 30 ноември, Венера ќе премине во стрелец, вашата 2-ра куќа на парите. Ова движење носи финансиска стабилност и можности за зголемување на приходите. Оние што работат на креативни проекти ќе видат значителни резултати, а некои шкорпии може да добијат бонуси за завршени проекти.

Марс ќе влезе во јарец на 15 декември и ќе ја раздрма вашата 3-та куќа на комуникацијата. Ова движење ќе ве мотивира да се вклучите во преговори од кои сте се плашеле, независно дали тоа е за нова зделка, подобри услови на работа или повисоки примања.

Декември ќе биде период на финансиска стабилност и награди. Вашите напори ќе бидат вреднувани, а финансиската состојба ќе ви донесе чувство на сигурност.

Здравје

Во 2025 година ѕвездите ќе ве поттикнуваат да ја зајакнете вашата виталност, да воведете здрави ритуали и да направите долгорочни промени што ќе ви го подобрат здравјето.

На почетокот на годината, од 6 јануари до 24 февруари, ретроградниот Марс во рак ќе ја активира вашата 9-та куќа на визионерството, што може да резултира со чувство на емоционален замор. Ова е време да го приоретизирате менталното здравје и да се посветите на активности кои ви носат мир, како медитација или прошетки во природа. Ќе почувствувате потреба за баланс помеѓу умот и телото.

Младата месечина во водолија на 29 јануари ја активира вашата 4-та куќа на домот и стабилноста, носејќи нови можности за подобрување на вашите домашни рутини. Ова е одлично време за воведување здрави навики, како редовно вежбање или промена на исхраната. Домашната атмосфера ќе биде клучен фактор за вашата благосостојба, па инвестирајте време во создавање релаксирачка средина.

На 18 април Марс влегува во лав, вашата 10-та куќа на кариерата, што ќе ви донесе наплив на енергија. Ќе се чувствувате полни со сила и мотивирани да се движите повеќе. Ова е одлично време за интензивни физички активности или воведување спортски хобија кои ќе ја зголемат вашата издржливост.

Соларната еклипса во овен на 29 март ќе ја истакне вашата 6-та куќа на здравјето и рутините. Ова е клучен момент за воведување значајни лајфстајл промени. Ако сте размислувале за започнување на нов фитнес режим, диета или превентивни прегледи, ова е идеалниот период да скокнете во акција. Ќе почувствувате нова мотивација да се грижите за телото.

Полната месечина во шкорпија на 12 мај ќе донесе позитивен пресврт во вашето физичко здравје. Оваа месечина ја осветлува вашата 1-ва куќа на личноста, носејќи обновена енергија и сила. Ако сте имале здравствени предизвици, ова ќе биде момент кога ќе почувствувате значително подобрување.

Среќниот Јупитер на 9 јуни ќе премине во рак, вашата 9-та куќа на духовното здравје. Ќе бидете инспирирани да работите на вашето ментално и емоционално здравје. Медитацијата, читањето инспиративна литература и патувањата ќе ви помогнат да постигнете мир и хармонија. Вашата интуиција ќе биде засилена, што ќе ви помогне да донесете правилни одлуки што се однесува до здравјето.

Соларната еклипса во девица на 21 септември ќе ја активира вашата 11-та куќа на социјалните кругови. Ова е одлично време за групни активности кои го поддржуваат здравјето, како часови за јога или фитнес. Заедничките активности со пријателите ќе ве мотивираат да се посветите на вашето физичко и ментално здравје.

По влегувањето на Марс во јарец на 15 декември, ќе бидете мотивирани да останете активни, а кратките прошетки, скијањето или велосипедизмот ќе ви помогнат да ја одржите вашата физичка кондиција.

Декември носи стабилност и хармонија. Вашите напори за подобрување на здравјето ќе бидат наградени со зголемена енергија и виталност. Ќе ја завршите 2025 година со чувство на исполнетост и подготвеност за сите предизвици што ги носи иднината.