Шкорпија (23. X – 21. XI)
Четврток, 21 Ноември 2024
Машина за заработување пари ќе бидете во претстојните месец дена. Сонцето ќе премине во вашата 2-ра куќа на работата и парите, носејќи ви прекрасни можности за дополнителен приход, кои вие со леснотија ќе ги користите.
Зголемената самодоверба ќе ви помогне да се истакнете на работното место и да се издвоите од конкурентите. Очекувајте нови понуди.
Ноември, 2024
Љубов
Ќе го живеете најубавиот период од годината. Уште на првиот ден од ноември ќе настапи млада месечина во вашиот знак и ќе означи ново поглавје во кое вашата среќа ќе ви биде приоритет.
Сонцето ќе ги помине првите три недели од месецот во вашиот знак, правејќи ве магнетски привлечни и неодоливи. Лесно ќе застанувате во центарот на вниманието за време на вечерните излегувања, без да се грижите што велат другите за вашето однесување. Ќе си бидете себеси најважната личност и ќе уживате во сопствената кожа.
Самодовербата е секси, а во првите десет дена од месецот, неа ќе ви ја зголемува и присуството на убавата Венера во вашата 2-ра куќа. Ако сте во врска, време е за сериозни разговори со партнерот на теми како пари, деца, живеалиште... Добро е да се уверите дека сте на иста фреквенција.
На 4 ноември сексапилниот Марс преминува во вашата 10-та куќа на традицијата и ограничувањата. Некои шкорпии може да бидат спречени од семејството да го следат своето срце или пак ќе се судрат со близок кој ќе ги убедува дека се во врска со погрешна личност. Бидејќи Марс е планета ориентирана кон успех, веројатно жестоко ќе се борите за она што го сакате и ќе победите.
На 11 ноември романтичната Венера ќе премине во вашата 3-та куќа на комуникацијата. Нешто магично ќе се случува кога ќе зборувате што дополнително ќе ги привлекува луѓето кон вас. Можно е да се заљубите во лице од вашето место на живеење кое претходно го немавте ни забележано. Ако сте во врска, зачестете ги излегувањата со партнерот.
Не ги тријте очите во знак на неверување доколку партнерот ве запроси на 15 ноември. Под светлината на полната месечина, многу љубовни врски на шкорпиите ќе преминат на следното ниво. Можна е и бременост. Доколку не сте во врска, можно е да запознаете личност која ќе даде сè од себе за долготрајно да се смести во вашето срце. Дајте ѝ шанса за романса!
За вас нема крај на добрите вести. На 15 ноември Сатурн ќе го прекине ретроградното движење во вашиот сектор на флертувањето и романсата. Втората половина од месецов ќе ви биде незаборавна, исполнета со романтика, страст, љубовни изјави, блиски интимни средби.
На 26 ноември Меркур ќе премине во ретроградно движење во вашиот сектор на парите и работата, зголемувајќи го ризикот за кавги поврзани со финансии и постигнувањето баланс „личен живот – работа“.
Пари и работа
Ставете ги вашите цели на пиедестал. Сонцето ќе ги помине првите три недели во вашиот знак, поттикнувајќи ве максимално да се посветите на реализирање на проектите кои се од ваш личен интерес.
Задоволно потпишете се на 15 ноември, кога полната месечина ќе ја осветли вашата 7-ма куќа на договорите и партнерствата. Тоа ќе го означи крајот на макотрпните преговори кои ги водевте во изминатите шест месеци за да добиете најдобри услови при одредена бизнис зделка. Ќе бидете задоволни со постигнатото.
Пари, пари, пари... Ќе заработувате одлично во последните десетина дена од месецот. На 21 ноември Сонцето ќе премине во вашата 2-ра куќа на работата и парите, развивајќи го вашето сетило за детектирање на најдобрите зделки.
На 26 ноември Меркур ќе стане ретрограден, што значи дека комуникацијата со колегите и соработниците ќе ви биде попроблематична од вообичаено. Исто така, внимавајте повеќе на важните документи, бидејќи зголемен е ризикот од губење на податоци и документација.
Проверете си ја сметката на 30 ноември. Можно е првата голема заработка да е веќе пристигната.
Здравје
Грижата за себе ќе ви биде приоритет во првите три недели од ноември. Сонцето ќе патува во вашиот знак, вртејќи го вашиот фокус кон себе. Што е она што сакавте да го направите, а немавте време во изминатиот период?
На 19 ноември Плутон ќе премине во водолија, па можно е да се појави тензија во вашиот живот поради тоа што сте премолчувале премногу работи. Надминете ја таа напнатост со релаксација во друштво на позитивни луѓе.
Ноември за шкорпиите носи зголемен ризик од кожни проблеми.
2024 година
Љубов
Во 2024 ќе се чувствувате извонредно во својата кожа, ќе го обожавате животот и ќе креирате спомени вредни за овековечување.
Во првата половина на годината, Јупитер, планетата на среќата, ќе патува низ вашата 7-ма куќа на сериозните партнерства. Ќе копнеете по партнер кој исто така мечтае за сериозна врска. Во врска сте? Јупитер ќе ви донесе љубовни изненадувања со кои ќе си потврдите дека ја имате вистинската личност покрај себе.
Автентичниот Уран ќе патува низ бик, вашиот сектор на сериозните врски и обврзувањето. Огромни се шансите да започнете романса со лице кое сте биле убедени дека не е ваш тип. Љубовта ќе ве изненадува, а тоа е неверојатно, нели? Исто така, Уран ќе ве поттикне повеќе да си ја цените слободата, па нема да можете да ги поднесувате оние кои сакаат да ги контролираат другите или да ве ограничуваат на каков и да било начин.
На 29 април Венера ќе влезе во бик, вашиот сектор на сериозните врски. Шкорпиите кои не се во врска сега ќе копнеат да го изгубат статусот сингл и ќе имаат одлична шанса да го сторат тоа. Ќе ве привлекуваат само личности кои ја сфаќаат љубовта сериозно и кои не се расположени за кратки љубовни авантури. Доколку сте во врска, во периодот до 23 мај ќе комуницирате на иста фреквенција со саканиот. Некои шкорпии може токму тогаш да прослават свршувачка или да ја крунисаат својата љубов со брак.
Драги шкорпии, вие сте индивидуалисти по природа и ја обожавате слободата, но во 2024 година ќе ја увидите моќта на силните сојузи. Јупитер на 26 мај ќе влезе во близнаци, вашиот сектор на зближувањето и интимноста и ќе остане таму во директно движење до 9 октомври. Резултатот? Брак, свршувачка, бебе, купување заеднички имот со саканиот... Близнаци е и вашиот сектор на сексот што значи дека ве очекуваат еротски авантури кои ќе ви го растреперуваат целото тело.
Мистичниот Нептун во текот на годината ќе се движи низ риби, вашиот сектор на страста и флертувањето. Можно е да влезете во кратка врска со личност со многу тајни, а некои од нив ќе станат причина да се разделите засекогаш. Голема е веројатноста да започнете да се сомневате во верноста на партнерот. Јасно разграничете што е фантазија, а што реалност.
Поради ретроградното движење на Нептун, можно е помеѓу 2 јули и 8 декември да се сретнете со ваш поранешен партнер или тој неочекувано да ве контактира.
Откако Јупитер ќе стане ретрограден на 9 октомври, ќе се чувствувате како сексуалниот живот да ви е во застој. Внесете експерименти во спалната соба за да ја разбиете монотонијата. Со малку труд и креативност можете да ја одржите љубовната магија.
Сатурн, нарекуван и планета-учител, ќе патува низ риби, вашиот сектор на страста, романсата и флертувањето. Тој ќе ви подари важни љубовни лекции кои нема да сакате да ги заборавите. Воопшто нема да избрзувате со одлуките на љубовен план и ќе ги избегнувате личностите кои бараат кратка авантура. Под влијание на Сатурн, ќе научите да ги цените лицата со посериозни намери, дури и во случаите кога станува збор за додворувач кој не е ваш тип.
Полната месечина на 15 декември е во вашиот сектор на интимноста. Очекувајте жешка зимска ноќ со саканиот. Ќе почувствувате силна желба да потонете во нечија прегратка, па можно е да имате љубовна авантура за која нема да очекувате да прерасне во нешто сериозно.
Пари и работа
Вашето професионално развивање нема да знае за пауза во 2024 година. Ќе еволуирате во експерт кој ќе биде ценет и баран, а вашата финансиска состојба ќе го рефлектира тоа.
Сериозниот Сатурн ќе ја помине цела година во вашата креативна 5-та куќа на самоизразувањето. Ќе добивате огромна поддршка од колегите при презентирањето на вашите идеи. Сатурн ќе ве зближи со искусно лице кое ќе стане ваш ментор и кое ќе ве научи на скапоцени деловни лекции.
Авантуристичкиот Јупитер до 26 мај ќе престојува во вашиот сектор на партнерствата. Ќе ја почитувате моќта на силните сојузи и стратешки ќе се здружувате со амбициозни соработници за да постигнете големи финансиски цели.
Полната месечина на 23 мај е во стрелец, вашиот сектор на работата и парите. Тогаш ќе чуете добри вести поврзани со проект кој сте го започнале шест месеци претходно. Доколку подолго време сте биле во потрага по работа, на овој ден ќе добиете вести кои ќе ве израдуваат и ќе ве отстранат од списокот на невработени.
Од 4 ноември до 7 декември мотиваторот Марс ќе патува низ вашата куќа на работата и парите. Никој нема да може да ве запре кога ќе одлучите да постигнете зацртана цел. Само напред, трчајте по златото и успесите се гарантирани.
Фантастичен ден за големи бизнис потези е 1 декември кога ќе има млада месечина во вашиот сектор на работата и парите.
Во последните три месеци од 2024 година, можно е да ви се пружи одлична можност да отпатувате во странство или да создадете контакти со лице од друга држава кои ќе ви помогнат да го проширите вашиот бизнис зад граница.
Здравје
Стабилно и добро здравје ве очекува во 2024 година.
Од 13 февруари до 23 март Марс ќе престојува во вашиот сектор на домот и семејството. Можно е да се изненадите поради вести за бременост или пак да започнете да планирате проширување на семејството.
Ќе започнете интензивно да вежбате или ќе фрлите огромен емоционален товар кој ви го крадел оптимизмот на 8 април. Тогаш ќе се случи целосно затемнување на Сонцето во вашата 6-та куќа на здравјето и фитнесот. Целото ваше внимание ќе се сврти кон здравјето. Можно е да донесете одлука да престанете да пушите или да ги направите лекарските прегледи кои долго време сте ги одложувале.
Огромен наплив на енергија ќе имате од 23 октомври до 21 ноември, односно кога Сонцето ќе го осветли вашиот знак.
На 17 октомври полната месечина е во овен, што значи дека ве очекуваат големи промени. Некои шкорпии ќе треба да се прилагодат на новите инструкции од својот доктор и да направат промени во начинот на живот за да си ја подобрат крвната слика.
Општи карактеристики за шкорпија
Силните шкорпии се управувани од две планети Плутон – планетата на моќта и контролата и Марс – планетата на војната и енергијата. Плутон е извор на власт и влијание, но и на мистерија (во митологијата Плутон е Бог на подземниот свет). Многу шкорпии се „дават во темнината“ и многу често носат црно или шокираат со бои, како црвената и розовата. Мистериозните Шкорпии се најнеразбирливиот знак во хороскопот.
И шкорпијата и овенот се управувани од Марс. Во древната митологија, Марс е бог на војната. Под влијание на Марс шкорпиите се стратезите во хороскопот, тајните агенти, кои планираат, додека овните се на чело на битката.
Ако сте родени во овој знак, исто како и митолошката шкорпија и вие реагирате остро на сè и не сакате да се потчинувате на заповеди. Понекогаш развивате самоуништувачко поведение и исто како и шкорпијата може да се „самоизедете“ пред некој друг да го направи тоа. Кога еднаш земете решение не го менувате и понекогаш ги постигате дури и оние цели, кои што други би ги нарекле невозможни.
Шкорпијата е еден од најсилните знаци во хороскопот заедно со лав, водолија и јарец. Оние кои што ќе се обидат да го променат карактерот на шкорпијата ќе наидат на проблеми, затоа што никој не знае која е тајната мотивација за нивните постапки.
Шкорпиите имаат многу сложен карактер. Шкорпијата е знак на сексот и смртта, на крајот и почетокот на сè. Како претставник на овој знак вашите идеи ги разгледувате од емоционална гледна точка. Понекогаш знаете да ги потискате емоциите, но внатрешно сте многу чувствителни. Доста аналитични сте и се задлабочувате во дејствата и чувствата.
Во љубовните односи сте верни, исклучително нежни, страсни, но оној кој е до вас го гледате како своја сопственост. Вие сте толку моќни што луѓето го чувствуваат вашето присуство уште пред да кажете нешто, но и вие ги чувствувате сите вибрации. Го гледате секој детаљ и ги читате луѓето како отворена книга. Вашите пријатели ја знаат вашата лојалност и сè што треба да направат е да свикнат на „високиот напон“. Ако некој ве предаде подобро да внимава – како и шкорпиите и вие нанесувате болен убод како одмазда.
Поради тоа што вашиот знак е мистериозен, поработете на тоа да бидете поотворени со луѓето. Тоа ќе ја развие довербата и ќе ги подобри вашите односи со другите луѓе. Моќта за концентрација на шкорпиите е неверојатна, но внимавајте да не се опседнете. Сопрете ги љубомората и посесивноста преку вложување на повеќе енергија во некаков проект.
Симбол:
Шкорпија
Симболизира:
Мистерија, магија, скриени сили, трансформација, борба, предизвик, завист, промена, страсни драми, наследство, разрушување и воздржување.
Елемент:
Вода
Планета:
Плутон – планетата на моќта и регенерацијата.
Ден од седмицата:
Вторник
Боја:
Црвена
Број:
2
Скапоцени камења:
Железо, опал, рубин и обсидијан.
Најдобри професии:
Јасновидци, психијатари, психолози, лекари, хирурзи, полицајци, детективи, шпиони, војници, банкери, вешти лица, нотари, патолози, сопственици на погребални агенции.
За да се спријателите со нив:
Не им се спротивставувајте, дури и кога не се во право!
Дел од телото:
Органи за репродукција, јајници, гениталии.
Добри карактеристики:
Магнетни, таинствени, страсни, лојални, заштитници, смели, добри советници, категорични, интуитивни, со интензивни чувства и емоции, љубопитни, самокритични, енергични, не примаат средна позиција, поседуваат способност за аналитично мислење.
Лоши карактеристики:
Опсесивни, посесивни, љубоморни, манипулатори, сакаат да се одмаздуваат, секогаш незадоволни, деструктивно критични, тирани, брутални, жестоки, завидливи, нетолерантни.
Карактеристики по кои ќе ги познаете:
Очи кои ги изразуваат нивните чувства, орлов поглед, смирени движења.
Омилени работи:
Зачинета храна, рок музика, уникатни предмети, безжични апарати, органска храна.
Работи кои ги мразат:
Неискрено ласкање, лични прашања, да живеат во туѓа куќа, прости луѓе.
Можете да ги најдете:
Како седат на ќошот од масата во некој бар; како ги расклопуваат работите и после тоа се обидуваат да ги вратат таму каде што припаѓаат; јадејќи зачинета храна во некој ресторан.
Скриена желба:
Да имаат целосна и комплетна контрола!
