Водолија (20. I – 18. II)

Недела, 26 Јануари 2025

Денешниот ден е идеален за поврзување со пријатели или семејство. Ако имате некои нерешени работи со блиски луѓе, фокусирајте се на искрен разговори и подобрување на односите. Немојте да бидете премногу строги кон себе ако нешто не оди како што сте планирале.

Вистинска среќа ќе почувствувате кога ќе слушнете убава вест вечерва. Наздравете!

Јануари, 2025

Љубов

Јануари за водолиите е месец на лична еволуција, креативност и нови можности. Под влијание на Венера, Марс, Меркур, Сонцето и Уран, ова е време за љубовни пресврти, професионални успеси и освежување на вашата енергија.

На 3 јануари Венера влегува во риби и ја активира вашата 2-ра куќа на самодовербата, стабилноста и сензуалноста. Ќе ја преферирате практичноста во љубовта. Водолиите кои се во врска ќе се стремат да постават цврсти темели за нераскинлив романтичен сојуз. Ова е време за организирање на интимни средби кои ќе ги стимулираат сите ваши сетила – светлина од свеќи, добра музика, квалитетно вино, ароматни деликатеси... Ве очекуваат ноќи за паметење. Слободните водолии ќе бидат привлечени од лица кои зрачат со самоувереност и добро знаат што сакаат во животот. Љубовта ќе биде како тивка река – мирна, но исполнета со длабочина.

На 6 јануари ретроградниот Марс влегува во рак, активирајќи ја вашата 6-та куќа на рутините. Ова движење носи потреба за внатрешна хармонија. Во врска сте? Под влијание на ретроградното движење, ќе бидете склони престрого да го критикувате саканиот за неговите навики. Не претерувајте со анализирање. Слободните водолии ќе бидат инспирирани да ги анализираат своите љубовни потреби и да се фокусираат на тоа што ги исполнува.

Полната месечина во рак на 13 јануари ќе ја осветли вашата 6-та куќа, носејќи емоционално ослободување. Ова е време за искреност и длабока поврзаност со партнерот. За слободните водолии, оваа месечина може да донесе нова перспектива за љубовта и подготвеност за нови врски.

На 19 јануари Сонцето влегува во вашиот знак, активирајќи ја вашата 1-ва куќа на личноста. Љубовта ќе блесне со целата своја сила, а вие ќе бидете во центарот на вниманието. Вашата харизма ќе биде неодолива, а партнерот ќе биде фасциниран од вашата енергија. Слободните водолии ќе имаат можност за незаборавна љубовна авантура.

На 29 јануари младата месечина во вашиот знак ќе отвори нови врати за љубовта. Ова е време за свежа енергија и нови романтични почетоци. Не се изненадувајте ако ви се случи љубов која го трансформира животот. Големи изненадувања ќе ви го разгалуваат срцето!

Пари и кариера

Јануари за водолиите носи енергија на иновација, планирање и финансиска стабилност. Ќе го користите својот интелект и креативноста за да поставите нови темели за успех, па јануари ќе биде одличен почеток на година полна со достигнувања.

Ретроградниот Марс во рак на 6 јануари ја активира вашата 6-та куќа, носејќи потреба за реорганизација на вашите дневни работни обврски. Ова е време за решавање на заостанати проблеми и зголемување на вашата продуктивност. Ќе бидете мотивирани да го организирате професионалниот живот до максимум.

На 8 јануари Меркур влегува во јарец и ја активира вашата 12-та куќа на интуицијата. Ова движење носи подобрени стратегии во вашата кариера и фокус на нови деловни походи. Вашата интуиција ќе биде силна, па следете го внатрешниот глас.

Сонцето во водолија на 19 јануари ја осветлува вашата 1-ва куќа, носејќи можности за нови проекти и голем професионален успех со кој неизмерно ќе се гордеете. Ќе блеснете со вашата уникатна енергија и креативноста. Вашите идеи ќе бидат ценети, а можностите за напредок само ќе се множат. Очекувајте солидна заработка.

Младата месечина во вашиот знак на 29 јануари отвора врати за нови можности во кариерата. Ќе бидете мотивирани да ги поставите вашите цели високо и да ги остварите со целосна посветеност. Доколку сте во потрага по работа, ова е одличен ден за да испратите CVили да договорите интервју.

На 30 јануари Уран преминува во директно движење во близнаци, активирајќи ја вашата 5-та куќа на креативноста. Ќе почувствувате обновена енергија за работа на проекти што ви носат и исполнетост и финансиски придобивки.

Здравје

Во јануари нема да бидете баш најенергични, во тоа нема да ви го забави темпото со кое живеете.

На 6 јануари Марс со ретроградно движење ќе влезе во вашиот сектор на здравјето и фитнесот, па ќе ги прескокнувате тренинзите и ќе се чувствувате како да функционирате со последните сили. Давајте си повеќе одмор и сон од вообичеаено.

Откако на 19 јануари Сонцето ќе го осветли вашиот знак, ќе се почувствувате како преродени, како да се враќате во живот со полна сила.

На 30 јануари и директниот Уран ќе донесе обновена енергија и мотивација. Ќе бидете инспирирани да започнете нов фитнес режим или да воведете позитивни промени во секојдневието.

2025 година

Љубов

2025 година ќе биде исполнета со љубовни искри, романтични авантури и значајни пресврти за водолиите. Вашиот љубовен живот ќе блесне со нова енергија, носејќи моменти кои ќе ги паметите цел живот. Ова е година за љубовни одлуки, длабоки нови врски, зајакнување на постоечките односи и создавање на романтични спомени кои ќе траат засекогаш.

Годината започнува со Венера во риби, вашата 2-ра куќа на животните вредности и сензуалноста. Романтичната планета ќе се движи тука од 3 јануари до 4 февруари и ќе ви носи стабилност и хармонија во љубовните односи. За водолиите кои се во врска, почетокот на годината ќе биде исполнет со разговори за заеднички планови и јакнење на довербата. Ако сте сингл, љубовта може да дојде преку личност која ги споделува вашите гледишта на животот и го поддржува вашиот уникатен начин на размислување.

На 4 февруари Венера преминува во овен и ја активира вашата 3-та куќа на комуникацијата. Љубовта ќе биде динамична и возбудлива, со спонтани разговори и искрени моменти. Паровите ќе внесат нова енергија во врската преку авантуристички идеи или заеднички патувања. Ако сте сингл, љубовта може да дојде преку неочекувани средби или дури и преку пријателски разговор што ќе се претвори во нешто повеќе.

Ретроградната Венера во овен од 2 до 27 март ќе ве врати кон старите љубовни приказни. Ова е време за размислување за минатите односи и за тоа што навистина сакате во љубовта. Некои водолии може да се сретнат со поранешен партнер или конечно да осознаат каде да ги насочат нивните романтични емоции.

Соларната еклипса во овен на 29 март ќе донесе нови љубовни можности. Ако сте во врска, ова е време за сериозни љубовни одлуки – свршувачка, планирање на заеднички живот или дури и раѓање на дете. За слободните водолии, оваа еклипса носи можност за средба со личност која ќе ги разбуди вашите страсти и ќе ве инспирира за нов почеток.

На 18 април огнениот Марс ќе влезе во вашата 7-ма куќа на партнерствата. Љубовта ќе биде импулсивна и интензивна, а вие ќе бидете подготвени да ја покажете вашата страст и посветеност. За паровите, ова ќе биде време на експлозивна страст од која ќе им трепери телото. Ако сте сингл, ќе се почувствувате магнетски привлечни и подготвени да ја пронајдете љубовта. Марс ќе ви донесе голем број на обожаватели, а некои од нив тешко ќе се откажуваат од борбата за освојување на вашето срце.

Полната месечина во шкорпија на 12 мај ќе ја осветли вашата 10-та куќа на кариерата. Љубовта може да дојде преку професионалните кругови или личност која споделува слични амбиции со вас. Паровите ќе најдат нов баланс помеѓу кариерата и љубовта, што ќе го зајакне нивниот однос.

Јупитер во рак од 9 јуни ќе ја активира вашата 6-та куќа на секојдневието. За паровите, ова е време за создавање заеднички ритуали и активности. Слободните водолии ќе најдат љубов преку секојдневните интеракции или преку заеднички хобија со идниот партнер.

Соларната еклипса во девица на 21 септември ја активира вашата 8-ма куќа на интимноста. Ова е момент за длабоки емоции и зајакнување на врските. За паровите, ова е време за разговори за заедничка иднина и финансиски планови. Слободните водолии ќе бидат привлечени кон личности кои носат сигурност и длабока емоционална поврзаност.

На 30 ноември Венера влегува во стрелец и ја активира вашата 11-та куќа на пријателствата. Љубовта ќе доаѓа преку друштвени настани или заеднички пријатели.

Марс на 15 декември ќе премине во јарец, вашата 12-та куќа на интроспекцијата. Љубовта ќе добие подлабока, духовна димензија. Ова е време за простување, покажување разбирање и зајакнување на интимноста. За слободните водолии, ова е период на самоподобрување кое ќе ве подготви за нови љубовни можности.

2025 година ќе ја финиширате со чувство дека љубовта солидно ве наградила, но и дека најдоброто допрва ви претстои.

Пари и кариера

Во 2025 година вашата кариера ќе добие нова димензија, а вашите финансии ќе бидат стабилизирани со паметни одлуки и енергични потези. Ѕвездите ви носат моменти на значаен успех, нови можности за вработување, бонуси и финансиска сигурност.

Годината започнува со Јупитер во близнаци, кој од 4 февруари ќе се движи директно и ќе ја активира вашата 5-та куќа на креативноста и иновациите. Ова движење носи инспирација и енергија за започнување на нови проекти. Ако работите во креативна или технолошка индустрија, вашите идеи ќе бидат вреднувани, а успехот ќе дојде преку иновативен пристап. Оние што бараат нова работа може да добијат понуда која вклучува креативни или невообичаени задачи.

Соларната еклипса во овен на 29 март ја активира вашата 3-та куќа на комуникацијата и мрежите. Ова движење отвора врати за нови деловни контакти и договори. Ако размислувате за промена на кариерата или започнување на нов проект, ова е одличен ден за потпишување договори. Вашата способност да комуницирате јасно и уверливо ќе ве стави во центарот на вниманието, што може да доведе до брза заработка или унапредување.

Марс на 18 април влегува во лав, вашата 7-ма куќа на партнерствата, каде ќе остане до 17 јуни. Ова движење ќе донесе нови соработки или деловни партнерства. Ако сте размислувале за тимска работа или заеднички проект, овој период ќе биде полн со можности. Вашата енергија и мотивација ќе ви помогнат да ги остварите вашите цели, носејќи финансиски придобивки.

На 30 април Венера ќе влезе во овен, носејќи можности за заработка преку мрежи и комуникација. Ќе почувствувате дека вашиот труд конечно е вреднуван. Некои водолии може да добијат бонус или финансиска награда за успешно завршени проекти. Ако вашата работа е поврзана со продажба, маркетинг или пишување, ова ќе биде особено профитабилен период.

Полната месечина во шкорпија на 12 мај ја осветлува вашата 10-та куќа на кариерата. Ова е период кога ќе добиете признание за вашата работа. Оние што работат на важен проект може да очекуваат финансиски награди или покачување на платата. Ова движење носи достигнување на нов врв во вашата кариера, со зголемено чувство на стабилност и сигурност.

Јупитер на 9 јуни влегува во вашата 6-та куќа на рутините, носејќи стабилност и зголемување на приходите преку посветеност и дисциплинираност. Ако сте размислувале за промена на работното место или за дополнителна обука, ова е одлично време да ги реализирате тие планови. Ќе почувствувате дека вашиот труд и организираноста конечно даваат резултати.

Соларната еклипса во девица на 21 септември ја осветлува вашата 8-ма куќа на заедничките ресурси и инвестициите. Ова е одлично време за финансиски трансакции или инвестирање. Ќе се појават можности за профит од недвижности или деловни вложувања. Некои водолии може да добијат наследство или финансиска поддршка која ќе го трансформира нивниот буџет.

На 5 ноември полната месечина ќе ја осветлува вашата 4-та куќа на домот и недвижностите. Ова е идеално време за профит од недвижности, било преку купување, продажба или изнајмување.

На 30 ноември Венера влегува во стрелец, активирајќи ја вашата 11-та куќа на социјалните кругови. Очекувајте деловен успех преку групни активности или соработки. Ќе се најдете во позиција каде што вашата мрежа од контакти ќе ви донесе финансиски и професионални придобивки.

Марс на 15 декември влегува во јарец, вашата 12-та куќа на подготовките. Ова движење носи енергија за завршување на стари проекти и поставување на нови цели. Вашата работа „зад сцената“ ќе биде клучна за вашиот успех. Ќе се подготвувате за голем успех кој ќе дојде кон крајот на годината.

Во 2025 година ќе се најдете во позиција да преземете лидерство, да заработите повеќе и да ги реализирате вашите амбиции. Ѕвездите ве водат кон блескава иднина.

Здравје

2025 година носи значителни можности за подобрување на физичкото, менталното и емоционалното здравје на водолиите. Очекувајте значајни промени што ќе ви помогнат да се чувствувате поенергично и подготвени за сите животни предизвици.

Од 6 јануари до 24 февруари ретроградниот Марс ја активира вашата 6-та куќа на здравјето и рутините. Ќе почувствувате потреба за воведување ред во вашето секојдневие. Ова е време за размислување за вашите физички и ментални потреби, воведување на редовни превентивни прегледи и подобрување на начинот на исхрана.

Младата месечина во водолија на 29 јануари ја активира вашата 1-ва куќа на личноста, носејќи свежа енергија и мотивација. Ќе почувствувате дека е вистинско време за започнување на нов фитнес режим или активности кои ве исполнуваат со радост. Ова е одлично време за вежби на отворено или нови спортови кои ќе го зголемат вашиот ентузијазам.

Соларната еклипса во овен на 29 март ја осветлува вашата 3-та куќа на движењето и комуникацијата. Ќе бидете инспирирани да ја зголемите вашата физичка активност преку редовни прошетки, велосипедизам или други активности кои го стимулираат здравје.

Марс во лав од 18 април ќе ја активира вашата 7-ма куќа на партнерствата, а тоа носи можности за воведување заеднички активности со партнерот или пријателите, како танц, јога или други групни активности. Фокусирањето на заедничките цели ќе ви помогне да останете мотивирани и посветени на вашите навики за подобро здравје.

Јупитер во рак од 9 јуни ќе стави акцент на вашата 6-та куќа на здравјето и рутините, па ќе се посветите на долгорочни промени. Ќе почувствувате дека редовноста и стабилноста во рутините ви носат чувство на хармонија. Ако сте размислувале за промена на исхраната, воведување органски намирници или започнување нова програма за вежбање, ова е идеално време.

Соларната еклипса во девица на 21 септември ја осветлува вашата 8-ма куќа на трансформацијата. Ова е совршен ден за длабоки промени во вашиот животен стил. Ќе се фокусирате на емоционалното здравје, а медитацијата, терапијата или групните сесии ќе ви помогнат да постигнете внатрешен мир.

Венера на 30 ноември ќе ја активира вашата 11-та куќа на социјалните кругови. Ќе се најдете инспирирани од активности со пријателите кои го поттикнуваат здравјето, како заеднички тренинзи или излети. Социјалната поддршка ќе биде клучна за вашата мотивација да останете активни.

На 15 декември Марс влегува во Јарец и ја активира вашата 12-та куќа на интроспекцијата. Ќе почувствувате потреба за издвојување на повеќе време за себе. Ова е одличен период за активности што го стимулираат вашиот духовен раст, како медитација, пишување дневник или мирни прошетки во природа. Ќе успеете да ја зајакнете врската помеѓу вашиот ум и тело.

На крајот на годината, ќе се чувствувате физички силни, ментално смирени и емоционално стабилни.