Овен (21. III – 19. IV)

Понеделник, 20 Јануари 2025

Многу работи ќе се случуваат во вашиот живот одеднаш и честопати ќе делувате збунето. Ова е еден од оние денови кога нема да можете да функционирате ако не си поставите приоритети. Запрашајте се што ви е најважно.

Некој ќе ви подаде рака во момент кога ќе ви се чини дека не можете да издржите повеќе. Прекрасни луѓе имате на ваша страна. Грижете се за нив.

Јануари, 2025

Љубов

Во јануари љубовта ќе блесне со својата магија. На 3 јануари Венера влегува во риби и ја активира вашата 12-та куќа на интроспекцијата. Ова движење носи тивки моменти, длабоки емоции и размислување за минатите љубовни искуства. Ако сте во врска, ќе се чувствувате поблиски со партнерот, делумно поради тоа што Венера ќе ве поттикне да ги изразите вашите најдлабоки чувства. Периодот до 4 февруари е одличен за разговори што ќе внесат повеќе разбирање во врската. Слободните овни ќе бидат привлечени кон лица со духовна длабочина и мистична харизма.

На 6 јануари, ретроградниот Марс влегува во рак, вашата 4-та куќа на домот и семејството и ќе ве насочи кон градење на стабилна и мирна љубовна основа. Ако сте во врска, може да почувствувате потреба да разговарате со саканиот за идните планови како заеднички дом или проширување на семејството. Ретроградното движење на Марс може да извади стари проблеми за решавање, но и ќе ви даде сила да ги надминете. Сингл сте? Веројатно ќе ве „удри“ бран носталгија за минатото и личностите кои некогаш им значеле многу, но истовремено ќе сфатите дека треба да се ослободите од одредени спомени за да направите простор за нераскинливи врски.

На 13 јануари полната месечина во рак го осветлува вашиот емотивен и семеен свет. Ова е време на искреност, интимност и длабока поврзаност со саканите. Паровите ќе најдат нови начини да ја зајакнат врската преку заеднички активности, додека слободните овни ќе бидат поттикнати да го остават минатото зад себе и да се отворат за нови можности. Љубовта ќе биде емотивна, но и ќе ви дава чувство на олеснување.

Сонцето, кое на 19 јануари влегува во водолија, вашата 11-та куќа на пријателствата, ќе внесе нова свежина во вашиот љубовен живот. Зафатените овни ќе уживаат во заеднички социјални активности со партнерот, а слободните ќе запознаат личност која ќе ги изненади со својата интелигенција и шармот.

На 29 јануари младата месечина во водолија отвора врата за нови љубовни почетоци. Ќе почувствувате нова енергија и ентузијазам во вашиот љубовен живот. Ова е време за авантури, романтични состаноци и слатки разговори кои ќе ве исполнат со радост.

Откако Уран ќе премине во директно движење во близнаци на 30 јануари, во контекст на љубовта, започнува период кога нештата ќе се движат брзо, па ќе бидат возбудливи и малку непредвидливи – токму како што овните го сакаат животот.

Ако сте во врска, ова е време за искреност, отвореност и експериментирање – кажете ги работите кои долго ги чувате во себе и вашиот однос ќе стане поинтимен и посилен.

За слободните овни, Уран носи изненадувачки средби и можности за романса на најнеочекувани места. Можеби ќе запознаете некого преку случаен разговор, патување или дури преку социјалните медиуми. Овој транзит го ослободува вашиот ум и срце, носејќи нова возбуда и авантуристички дух. Не плашете се да направите прв чекор – вашата спонтаност ќе биде вашето најсилно оружје.

Уран исто така поттикнува неконвенционални љубовни приказни. Оние овни кои бараат љубов може да ги привлечат личности со необичен начин на размислување или луѓе кои не се баш нивен „тип“. Ова е време за излегување од комфорната зона и за откривање на нови аспекти на љубовта. Вашата љубовна приказна може да почне со нешто едноставно, како случајна шега, а да прерасне во нешто длабоко и значајно.

Пари и кариера

Јануари е месец кога ќе блеснете во професионалниот свет. На 8 јануари, Меркур влегува во јарец, активирајќи ја вашата 10-та куќа на кариерата. Ова движење ќе ви донесе јасност и решителност во работата. Вашата способност за планирање и организирање ќе биде на највисоко ниво, а вашите идеи ќе бидат ценети од колегите и надредените. Ова е време за поставување амбициозни цели и нивно постигнување.

Доколку поседувате семеен бизнис, полната месечина на 13 јануари ќе ви донесе голем успех.

Сонцето во водолија од 19 јануари ја активира вашата 11-та куќа на тимската работа. Тогаш започнува едномесечен период во кој ќе се фокусирате на групни проекти и соработка. Вашата способност да го инспирирате тимот и да најдете иновативни решенија ќе ви донесе професионален успех. Некои овни може да добијат понуда за унапредување или нова позиција што носи поголема одговорност.

Кон крајот на месецот, поточно на 30 јануари, Уран преминува во директно движење во близнаци, активирајќи ја вашата 3-та куќа на комуникацијата. Ова носи можности за нови деловни договори, проекти или инвестиции што ќе ги зајакнат вашите финансии. Ако сте размислувале за проширување на вашиот професионален опсег, ова е идеално време за тоа.

Здравје

На здравствен план, јануари ќе биде месец на балансирање. Венера во риби на почетокот на месецот ќе ве поттикне да се грижите за менталното здравје. Медитацијата, времето за себе и релаксирачките активности ќе ви помогнат да се ослободите од стресот. Ова е време кога треба да ги слушате вашите емоции и да се грижите за вашата внатрешна благосостојба.

На 6 јануари, ретроградниот Марс во рак ќе побара од вас да внимавате на физичките активности и на вашата исхрана. Домашната атмосфера ќе биде важна за вашето здравје, па осигурете се дека вашиот простор е уреден и пријатен. Малите промени, како додавање растенија или релаксирачка музика, ќе направат чуда за вашиот дух.

Полната месечина во рак на 13 јануари ќе ви донесе можност за ослободување од стари емоционални блокади. Ова е време кога ќе почувствувате олеснување и нова енергија. Кон крајот на месецот, младата месечина и директниот Уран ќе ви донесат нова виталност и елан. Ќе бидете подготвени за нови предизвици и за воведување здрави навики.

2025 година

Љубов

2025 година ќе биде година на трансформации, храбри одлуки и длабоки врски. Ѕвездите ве поттикнуваат да бидете искрени со себе и со партнерот, носејќи нова искра во постоечките односи и отворајќи врати за нови љубови. Ретроградните движење ќе ве натераат да се соочите со стари љубовни приказни и да го расчистите минатото, додека еклипсите ќе ве водат кон нови почетоци полни со страст и авантура. Со Венера и Сатурн, кои играат значајна улога оваа година, љубовниот живот ќе бара комбинација од посветеност и слобода, создавајќи цврста основа за врски кои се стабилни, но и возбудливи.

Почетокот на годината за овните ќе носи интензивна внатрешна рефлексија и ќе ги извади емотивните теми на површина. Поради ретроградниот Марс во рак, сè до 24 февруари ќе се чувствувате како да балансирате на тенка линија меѓу вашите лични потреби и очекувањата на најблиските. Ова движење на вашата планета-владетел ќе се фокусира на вашата 4-та куќа на домот и семејството, па оние што се во врска ќе мора да се соочат со стари прашања за живеалиштето, плановите за заедничка иднина или недоразбирања кои веќе подолго време тлеат. Овните кои се сингл ќе почувствуваат носталгија за минатото и личностите кои некогаш им значеле многу, но истовремено ќе сфатат дека треба да се ослободат од некои спомени за да направат простор за нови врски.

Кога Венера на 4 февруари ќе влезе во вашиот знак, сè ќе се промени. Ќе почувствувате како самодовербата ви се враќа со полна сила, а шармот ќе ви биде на максимум. Каде и да се појавите, ќе оставате силен впечаток, а можностите за нови познанства и љубовни искуства ќе се појавуваат од сите страни. Ова е идеален период да ризикувате, да ги изразите вашите чувства и да се препуштите на врски исполнети со возбуда. Доколку сте во врска, вашата страст ќе се разбуди со полна сила, а партнерот ќе го доживее тој ентузијазам како посакувана ренесанса во односите.

Со Нептун во Овен на 30 март, ќе бидете романтични како никогаш досега, но внимавајте да не дозволите идеализам да ве одведе на погрешен пат. Оваа енергија ќе ве поттикне да ја пронајдете љубовта што ја посакувате, но ќе треба да останете реални и свесни за вашите граници.

Со полната месечина на 12 април во вага, вашата 7-ма куќа на партнерствата, љубовните односи ќе достигнат критична точка. Ќе се најдете во ситуација да преиспитувате каде стоите во врската и дали вашите потреби се исполнети. Потребата за компромис ќе биде клучна, но нема да дозволите да се жртвувате повеќе отколку што е потребно. Ова е вистински момент за сериозни разговори со партнерот, но и за јасно дефинирање на границите. Овните со статус сингл може да привлечат личност која ќе ги предизвика да размислат за долгорочна врска, нешто што можеби не го планирале, а ќе биде вистинско изненадување.

На 29 март ќе настапи млада месечина во вашиот знак, а ќе има и делумно затемнување на Сонцето, што значи да очекувате пресврт во љубовниот живот. Ова ќе биде момент кога ќе ја имате целата моќ во ваши раце. Ќе се ослободите од старите несигурности и ќе ги „држите конците“ кога станува збор за љубовта. Ако сте во врска, или ќе ги преземете неопходните чекори за да ја претворите врската во нераскинлив сојуз или ќе ставите крај да започнете ново поглавје. Ако сте сингл, нема да се плашите од иницијативи – една случајна средба или познанство може да се претвори во филмска љубов што ќе ви го промени животот.

За време на полната месечина на 12 мај, емоциите ќе ви бидат супер интензивни, а потребата да ги продлабочите врските ќе биде огромна. Ќе чувствувате дека не можете да продолжите ако не ги расчистите сите скриени прашања што ви тежат на срцето. Можно е да откриете нешто ново за партнерот. За некои овни, ова ќе биде период кога ќе мора да одлучат дали врската вреди да се спаси или е подобро да се ослободат од неа.

Со Венера во рак од 31 јули, ќе почувствувате поголема поврзаност со партнерот и ќе бидете повеќе фокусирани на заедничкиот живот и домот. Оваа енергија во вашата 4-та куќа ќе ве поттикне да внесете хармонија во љубовниот живот преку мали гестови кои покажуваат грижа и внимание. Овните со статус сингл ќе сретнат личност која ќе ги фасцинира со емпатијата, топлината и посветеноста на фамилијата. Во периодот до од 31 јули до 25 август многу овни ќе стапат во брак, ќе прослават за свршувачка или ќе се израдуваат на вест за бременост.

Меркур ќе се движи ретроградно во лав од 18 јули до 11 август и може да предизвика љубовни недоразбирања и конфликти. Ќе ви биде потребно многу трпение за да не дозволите да настане траен белег во односите со саканиот. Внимавајте на своите зборови и избегнувајте импулсивни реакции кои можат да направат повеќе штета отколку корист. Овој период е идеален да ги преиспитате вашите приоритети и да се фокусирате на тоа како сакате да изгледа вашиот љубовен живот.

На 7 септември полната месечина во риби доаѓа заедно со целосно затемнување на Месечината, помагајќи ви да се ослободите од минатото и да ги исцелите старите емоционални рани. Оваа енергија ќе биде моќна и трансформативна, особено за оние кои носат товар од претходни врски. Еклипсата ќе ви помогне да прифатите дека некои љубовни приказни треба да останат зад вас за да продолжите кон поубава иднина.

Крајот на годината ќе донесе нова возбуда со Венера во стрелец од 30 ноември. Ќе ја активирате вашата 9-та куќа на авантурите и патувањата, внесувајќи динамика и нови искуства во љубовниот живот. Многу овни ќе ја „освежат“ љубовната искра преку патувања или заеднички проекти. Сингл сте? Крајот на 2025 година ќе ви донесе во животот некој кој ќе ви покаже дека адреналинот делува како афродизијак и со кој секоја помината минута е возбудлива.

Пари и кариера

2025 година ќе биде период на значајни промени и можности за овните во професионалниот свет.

Почетокот на годината веројатно ќе биде монотон поради ретроградниот Марс во рак. До 24 февруари можно е да се соочите со предизвици при донесувањето одлуки за нови проекти, па ќе биде потребно да ги преиспитате вашите стратегии и да избегнувате импулсивни потези.

Откако Јупитер ќе премине во директно движење во близнаци на 4 февруари, вашата 3-та куќа на комуникацијата ќе блесне во полн сјај. Ова ќе ви донесе можности за нови соработки, преговори и договори што ќе го подобрат вашиот професионален статус. Ќе имате шанса да се истакнете во пишување, говорење или работа со медиуми, па искористете го вашиот интелектуален потенцијал за брз напредок.

Делумното затемнување на Сонцето на 29 март ќе резултира со пресвртница во вашиот професионален живот, поттикнувајќи ве да преземете одговорност и иницијатива за сопствената кариера. Можно е да добиете понуда за лидерска позиција или да започнете проект кој ќе има долгорочен успех.

Марс во лав од 18 април до 17 јуни ќе ја раздвижи вашата петта куќа на креативноста и ризикот. Ова планетарно движење ќе ве поттикне да покажете смелост во бизнис преговорите, да промовирате нови проекти и да се издвоите од конкуренцијата.

Со Сатурн во вашиот знак од 24 мај, ќе се соочите со потребата за посериозен пристап кон вашите цели. Ќе чувствувате притисок да вложите повеќе труд и да бидете подисциплинирани, но наградите што ќе дојдат ќе покажат дека навистина вредело сето тоа. Ќе ги удрите темелите на цврста основа за иднината, и кога станува збор за професионални успеси и кога се работи за финансиска стабилност.

Од 9 јуни Јупитер, планетата на среќата и богатството, ќе „танцува“ во вашата 4-та куќа на домот и стабилноста. Ова може да донесе можности за заработка преку недвижности или семеен бизнис. Ќе почувствувате поголема сигурност во финансискиот аспект, особено ако внимателно ги планирате инвестициите и буџетот.

Со Марс во девица од 17 јуни, вашата продуктивност ќе биде на највисоко ниво. Оваа поставеност во вашата 6-та куќа на рутините ќе ве поттикне да бидете ефикасни и да си ги подобрите работните навики. Средината на годината е идеална за завршување на големи проекти или за започнување на нови кои бараат внимание на деталите.

Полната месечина во јарец на 10 јули ќе ги истакне резултатите од вашите напори во првата половина на 2025 година. Вашата 10-та куќа на кариерата ќе блесне, па очекувајте признанија или унапредување. Гордејте се со постигнатото!

Венера од 30 ноември ќе престојува во стрелец, вашата 9-та куќа на визиите и образованието. Ова може да ве инспирира да се посветите на нови обуки или патувања поврзани со вашата кариера. Ќе ја завршите годината со чувство на исполнетост и обновена мотивација за идни деловни подвизи.

Здравје

Почетокот на годината може да биде напорен поради ретроградното движење на вашата планета-владетел Марс во рак до 24 февруари, кое ќе влијае на вашата енергија и ќе го нагласи стресот поврзан со семејството. Ова ќе биде време кога ќе треба да се грижите за дигестивниот систем и да избегнувате обилни оброци.

Со Нептун во овен од 30 март ќе мора да научите да ги разликувате реалните здравствени предизвици од претераната загриженост.

Марс ќе престојува во лав од 18 април до 17 јуни и ќе ви донесе нова енергија во телото и расположението. Петтата куќа симболизира радост и креативност, па во овој период, физичките активности како танц, спорт или рекреативни игри ќе ви помогнат да ја зголемите виталноста и да го разведрите расположението.

Откако Сатурн ќе влезе во овен на 25 мај, ќе ви се засили дисциплинираноста, без разлика дали тоа значи редовно вежбање, подобра исхрана или воведување на навики кои ја намалуваат анксиозноста.

Јупитер ќе престојува во близнаци до 9 јуни и ќе ве поттикне да се движите повеќе и да истражувате нови активности. Ќе чувствувате силна желба за акција, па ова е време да започнете со некој спорт или активности на отворено кои ќе ви помогнат да си го избистрите умот.

Со Венера во рак од 31 јули, ќе почувствувате потреба за емоционална стабилност и релаксација. Посветено ќе се грижите за вашиот ментален мир. Насочете се кон медитација, јога или техники за намалување на стресот.

Полната месечина во риби на 7 септември доаѓа со целосно затемнување на Месечината. Оваа еклипса ќе ве поттикне да обрнете внимание на сонот и менталното здравје. Ќе се потсетите дека квалитетниот одмор е неопходен за продуктивност и благосостојба.

Кон крајот на годината, со Меркур ретрограден од 9 ноември, ќе биде важно да не ги занемарувате превентивните прегледи. Овој период ќе ве потсети дека здравјето бара постојана грижа и внимание.

2025 година ќе биде година на освестување и подобрување на сите аспекти од вашето здравје, подготвувајќи ве за поенергична и хармонична иднина.