Рак (21. VI – 22. VII)

Четврток, 16 Мај 2024

И најмалите камчиња прават бранови. Престанете да си мислите дека не можете сами да го промените светот и да го користите тоа како изговор за да не правите ништо. Денес од вас започнете ги промените кои сакате да ги видите околу себе.

Многумина ќе учат од вас и ќе ве следат. Не ги разочарувајте оние кои се огледуваат на вас.

Мај, 2024

Љубов

Во мај ќе се чувствувате живи и ултра позитивни кога ќе бидете опкружени со многу луѓе. Неколку планети ќе престојуваат во вашиот сектор на пријателството и групните активности, па ќе бидете зависни од пријателите. Тоа ќе се одрази и на вашиот љубовен живот. Повеќе ќе претпочитате со партнерот да излегувате во друштво, отколку да сте сами зад затворени врати.

Невозможно е минатото да не ви се помеша со сегашноста откако Плутон ќе започне да се движи ретроградно на 2 мај. Ако сте во врска, можно е со партнерот да се навратите на проблем кој некогаш ве поттикнувал на жестоки расправии, но овој пат ќе ги „искорнете“ неговите корени, оставајќи го зад себе засекогаш.

Многу ракови ќе се навратат на мината врска за да извлечат скапоцени љубовни лекции од неа, додека други ќе ги обноват контактите со бивши партнер. Тие контакти или ќе доведат до обновување на врската или до трајна разделба. Вие го имате последниот збор.

До 20 мај Сонцето ќе престојува во бик, вашиот сектор на групите и групните активности, па речиси и нема да се задржувате дома. Под влијание на пролетната треска, ќе ѝ дозволите на спонтаноста да надвладее и да ве води во нови авантури.

Венера, планетата на љубовта, во првите три недели од мај ќе престојува во вашиот сектор на пријателството. Ако не сте во врска, дружењето со пријателите може да ви донесе пред нос интересна личност со која веднаш ќе се поврзете. Некои ракови ќе добијат изјави на љубов од личност која ја сметале само за пријател.

Откако на 20 мај Сонцето ќе влезе во вашата 12-та поспана куќа, ќе ги намалите секојдневните излегувања и ќе ги замените со повеќе одмор. Фокусирајте се на себе и на своите потреби и желби.

Романтичната Венера на 23 мај ќе премине во близнаци, вашата 12-та куќа на завршетоците и лекувањето, а три дена подоцна таму ќе ѝ се придружи и Јупитер. Крајно време е да оставите одредени чувства и личности во минатото и гордо да продолжите напред. Венера и Јупитер може да извадат на површина информации кои требало да останат сокриени. Тајните може да родат конфликти.

Сексапилниот Марс цел месец ќе престојува во вашиот сектор на мажите. Ќе се зближите со личност од спротивниот пол со која ќе се чувствувате супер специјално.

Пари и работа

Во текот на мај неколку планети ќе престојуваат во вашиот визионерски сектор, па вие секогаш ќе бидете еден чекор пред другите. Ако во фиоката имате проект за кој се потребни интересни креативни идеи, извадете го сега.

Младата месечина на 8 мај е идеален ден за да стапите во контакт со авторитетна личност која ќе ви помогне да се искачите барем едно скалило нагоре кон успехот.

Нема да сте по цел ден врзани за вашето работно биро, затоа што Сонцето до 20 мај ќе патува низ вашиот сектор на групите и групните активности. Многу ракови ќе сфатат дека напредувањето во кариерата нема да им дојде само поради трудољубивоста, туку дека ќе треба да поработат на воспоставувањето на контакти со колку што е можно повеќе луѓе.

На 15 мај планетата на комуникацијата Меркур ќе го посети бик, вашата куќа на групите и групните активности. Не седете со скрстени раце. Разговарајте со луѓето наоколу. Сигурно ќе соберете барем неколку информации кои ќе ви овозможат да си направите подобра стратегија за просперитет.

Периодот до 23 мај е поволен за работа поврзана со технологија, интернет или друштвени мрежи.

Полната месечина на 23 мај ќе биде во стрелец, вашиот сектор на административните задачи и организираноста. Ќе имате трпение да се занимавате со здодевна документација и работни задачи кои дотогаш сте ги избегнувале.

Здравје

Во текот на првите три седмици од мај, ќе бидете многу активни и енергични, па не се плашете да ја трошите енергијата. Запишете се на крос фит, зумба, Тае Бо, кик-бокс... нешто што е динамично и што ќе ви биде интересно.

На 20 мај Сонцето ќе се премести во вашата 12-та куќа на одморот и фантазијата. Нивото на енергија ќе ви опадне и често ќе се проѕевате и ќе си фантазирате за одмор на далечна плажа.

На крајот на месецот пазете се од емотивното хранење. Запомнете дека не можете да се ослободите од проблемите со помош на храната.

2024 година

Љубов

Во 2024 година ќе тргнете на трансформативно патување под влијание на небесниот танц на планетите.

Венера, планетата на љубовта, убавината и хармонијата, ќе биде заслужна за исполнување на многу ваши желби. Таа по двапати (на почетокот и на крајот на годината) ќе ги посети јарец и водолија, вашите сектори на партнерствата и интимноста. Венера ќе ве направи посклони кон започнување на нова љубовна врска, приредувајќи ви средби кои разгоруваат фантазии и го растреперуваат срцето. Најголема е веројатноста да сретнете специјална личност пред стартот на студената сезона. Најладните месеци ќе бидат најромантични, најжешки и највозбудливи за вас.

Од 13 февруари до 23 март Венера ќе танцува низ вашиот сектор на интимноста и интензивните емоции, па ќе копнеете за неконвенционална романса. Ќе експериментирате со нови начини за поврзување со партнерот и ќе ја истакнете сензуалноста повеќе отсекогаш. Ако сте сингл, ќе привлечете некој кој ќе ве натера да ги ставит под знак прашалник вашите традиционални сфаќања за љубовта.

Сонцето од 19 април ќе започне едномесечно патување во вашиот сектор на кариерата, па веројатно ќе се соочите со потешкотии со балансирањето помеѓу работата и личниот живот. Сонцето ќе ве поттикне да пронајдете хармонија помеѓу вашите професионални амбиции и емотивните потреби.

Не планирајте ништо во љубовта во втората половина од годинава, затоа што најубавите случки ќе доаѓаат спонтано. Јупитер, планетата на среќата и оптимизмот, од 26 мај ќе патува во вашата 12-та куќа на фантазиите и сродните души. Оваа планета ќе ве натера да престанете да ги оценувате додворувачите според деталната слика која ја имате во вашата глава за тоа како треба да изгледа совршениот партнер. Јупитер ќе ви покаже дека вашиот идеален сопатник не е лице со кое сте слични, туку лице со кое сте доволно различни за да можете да се мотивирате еден со друг да станете најдобра верзија.

Некои ракови кои се во врска ќе најдат внатрешна сила да му простат на својот партнер за грешка која им ги нарушила односите, други одлучно ќе речат „крај“, додека трети ќе ги сместуваат своите фантазии во реалноста. Не грижете се, Јупитер е во вашата 12-та куќа за да ве подготви за крајот на едно поглавје, но и за почеток на ново, многукратно подобро.

Венера ќе патува низ вашиот знак од 17 јуни до 11 јули, носејќи ви љубовни мигови за паметење. Ќе доживеете многу жешки летни ноќи со личност која ќе ви се протне под кожа.

Младата месечина на 6 јули ќе настапи во вашиот знак и за некои ракови ќе означи почеток на возбудлива врска која ќе се развива со брзо темпо.

Од 20 јуни до 22 јули ставете се себеси на врвот од листата со приоритети додека Сонцето го осветлува вашиот знак.

Од 29 август до 23 септември, Венера, планетата на љубовта, ќе патува во вашиот сектор на домот и семејството. Раковите кои се во брак најмногу ќе го почувствуваат позитивното влијание на Венера и ќе негуваат врска на која сите ќе им завидуваат.

Младата месечина на 1 ноември ќе настапи во вашиот сектор на страста и флертувањето. Ќе освојувате срца со молскавична брзина и ќе оставате силен впечаток каде и да се појавите. Ова е ден кога сексуалната возбуда ќе достигнува кулминација.

Во последните три недели од 2024 година, односно по 7 декември, Венера ќе го акцентира вашиот сектор на интимноста, интензивирајќи ги вашите љубовни чувства. Ќе се чувствувате како да не можете да живеете без саканиот и неговите допири. Не сте во врска? Веројатноста да ја завршите 2024-та сами е минимална. Некој ќе успее набрзина да продре во вашето срце.

Пари и работа

2024 година ќе ви донесе огромна динамика на бизнис фронтот. Марс од 4 јануари до 13 февруари ќе остане во јарец, вашиот сектор на партнерствата. Некои ракови ќе се здружат со доверлив соработник за побрзо да си го наполнат паричникот. Марс е голем „мотиватор“, што значи дека ќе ги држите очите широко отворени и ќе ја зграпчувате секоја можност да се докажете.

Проверете ја својата банкарска сметка на 25 јануари. Под светлината на полната месечина во вашиот сектор на работата и парите, ќе финиширате проект кој ќе ви донесе голем прилив на пари.

Сатурн, планетата на структурата, ќе ја помине првата половина на 2024 година во директно движење во вашата 9-та куќа, учејќи ве дека треба да ризикувате за да бидете успешни, но Јупитер постојано ќе ве потсетува дека ризиците треба да бидат пресметани и поддржани со добар план. Можно е да ви се пружи можност да заминете на работа или студии во друга држава, а ако имате свој бизнис, да го проширите зад граница. Сатурн е за бавен, но сигурен напредок, па не очекувајте резултати преку ноќ. Успехот ќе доаѓа за вас во повеќе бранови, бидете трпеливи.

Работата и задоволството ќе се мешаат во периодот од 29 април до 23 мај, кога Венера ќе престојува во бик, вашата 11-та куќа на групните активности. Во ваш интерес ќе биде да се зближувате со колегите и бизнис соработниците надвор од работното место.

Од 17 јуни до 2 јули Меркур, планетата на комуникацијата, ќе патува низ вашиот знак, па ќе бидете безгрешни на преговарачка маса. Во секој момент ќе знаете што да кажете за да извлечете повеќе за себе. Ова е одличен период за потпишување долгорочни договори и спогодби за партнерство.

Доколку сакате да започнете нов проект, направете го тоа на 6 јули. Тогаш настапува млада месечина во рак, маркирајќи идеален ден за започнување на профитабилни проекти.

На 15 август Меркур, планетата на комуникацијата, ќе влезе со ретроградно движење во вашиот сектор на работата и парите. Во периодот до 28 август можно е да почувствувате дополнителна тензија на работното место поради недоразбирања со клиентите. Доколку работите со компјутер, во овој период задолжително копирајте ги важните податоци на две различни места.

Во периодот од 2 септември до 12 октомври Плутон ќе се движи ретроградно во јарец. Ќе сфатите дека за да можете вие да се истакнете, неопходно е да прекинете да заштитувате одредена личност и да си ја трошите целата енергија напразно.

Од 26 ноември до 15 декември Меркур ќе се движи ретроградно во вашиот сектор на организираноста. Можно е да се соочите со недоразбирања со колегите предизвикани од хаотичната комуникација на работното место.

Здравје

Не очекувајте големи промени во здравјето во 2024 година. Акцентот е ставен на менталното здравје и одржувањето на баланс и внатрешна хармонија. Фокусирајте се на длабоките емоции кои вообичаено ги игнорирате.

Од 20 мај до 20 јуни ќе ве мачи недостиг на енергија и често ќе заминувате порано во спалната соба. Одморот ќе ви помогне да ги наполните батериите пред да настапи вашиот период од годината. На 20 јуни Сонцето ќе го осветли вашиот знак, давајќи ви енергија како ретко кога дотогаш.

Во периодот по 9 октомври Јупитер ќе се движи ретроградно во вашиот сектор на одморот, што значи дека ќе ви биде потребен дополнителен сон. На крајот на 2024 година, мозокот ќе ви работи прекувремено и препорачливо е почесто да му обезбедувате паузи преку спиење.

Комуникативниот Меркур од 26 ноември до 15 декември ќе се движи ретроградно во вашиот сектор на здравјето, зголемувајќи го ризикот од респираторни проблеми. Избегнувајте гужви и лица кои имаат симптоми на настинка или грип.