Мај изненадува со раздвижување на планетите и еклипса.
На љубовен план, Венера со своето движење низ овен ќе ни покаже дека љубовта може да биде ултра возбудлива и магична. Импулсивноста ќе превладее, а спонтаноста ќе ни донесе моменти за паметење.
На 11 мај и оптимистичкиот Јупитер ќе започне да патува во огнениот овен. Ќе станеме поамбициозни и подиректни. Нов бран енергија ќе внесе посилна динамика во меѓучовечките односи, а тоа ќе ни делува како позитивно будење од зимски сон.
Од 10 мај Меркур, планетата на комуникацијата, ќе премине во ретроградно движење, па очекувајте недоразбирања, одложени патувања и поместени планови. За да избегнеме непотребни конфликти, важно е да ставиме акцент на толеранцијата и да го „вежбаме“ трпението.
Полната месечина на 16 мај е мошне интересен ден кога ќе има и „крвава месечина“, односно целосно затемнување на месечината. Очекувајте изненадувања кои ќе ви ги ококорат очите.
Друштвените средби ќе ни зачестат по 21 мај, под влијание на Сонцето, па веселоста и позитивниот дух ќе станат „заразни“.
Најсреќни овој месец ќе бидат БИКОВИТЕ и БЛИЗНАЦИТЕ.
| Датум | Случување |
| 2 мај | ♀ Венера влегува во овен |
| 10 мај | ☿ Меркур преминува во ретроградно движење во близнаци |
| 11 мај | ♃ Јупитер влегува во овен |
| 16 мај | ☽ Настапува полна месечина во шкорпија (целосно затемнување на месечината) |
| 21 мај | ☉ Сонцето влегува во близнаци |
| 25 мај | ♂ Марс влегува во овен |
| 28 мај | ♀ Венера влегува во бик |
| 30 мај | ☽ Настапува млада месечина во близнаци |
Табела: најважните датуми за месец мај и движењето на небесните тела
Кликнете на вашиот хороскопски знак и дознајте како планетите ќе влијаат на вас овој месец:
