Мај е тука за да ја „раздрма“ стабилизирачката енергија која владееше во изминатиот период со стартот на сезоната на ретроградни движења и еклипси.
Повеќе небесни тела ќе патуваат низ близнаци, па ќе го засилиме дружењето и комуникацијата. Ќе се раководиме од девизата „колку повеќе, толку повесело“ и ќе бидеме најсреќни кога ќе сме опкружени со луѓе.
Под влијание на Венера, планетата на љубовта, лесно ќе „паѓаме“ на комплименти и ќе се заљубуваме преку длабоки разговори. Ако некој ви го освои срцето, веројатно ќе биде затоа што прво ве фасцинирал со начинот на размислување и изразување.
Јупитер ќе ни ја засили емпатијата, но и креативноста, а Сатурн, со своето ретроградно движење, ќе ни приреди средби со личности со кои не сме биле во контакт подолго време.
На 26 мај ќе има полна супермесечина, но и целосно затемнување на месечината, со што ќе кулминираат случувања од изминатите шест месеци. Долги флертувања ќе бидат крунисани со нови врски, но од друга страна, врски кои „виселе на конец“ може да стигнат до својот крај. На овој ден можни се нови вработувања, но и давање на откази поради незадоволство. Очекувајте пресврти (позитивни и негативни) и драма.
Најсреќни месецов ќе бидат БИКОВИТЕ и БЛИЗНАЦИТЕ.
| Датум | Случување |
| 4 мај | ☿ Меркур влегува во близнаци |
| 9 мај | ♀ Венера влегува во близнаци |
| 11 мај | ☽ Настапува млада месечина во бик |
| 14 мај | ♃ Јупитер влегува во риби |
| 20 мај | ☉ Сонцето влегува во близнаци |
| 23 мај | ♄ Сатурн преминува во ретроградно движење во водолија |
| 26 мај | ☽ Настапува полна месечина во стрелец (целосно затемнување на месечината) |
| 30 мај | ☿ Меркур преминува во ретроградно движење во близнаци |
Табела: најважните датуми за месец мај и движењето на небесните тела
Кликнете на вашиот хороскопски знак и дознајте како планетите ќе влијаат на вас овој месец:
