Кристен Стјуарт со јавно извинување кон Роберт Патинсон се обидува да ја поправи штетата која ја направи со неверството. Денес беше објавено дека 22-годишната актерка имала кратка љубовна афера со женетиот режисер на филмот „Snow White and the Huntsman“, Руперт Сандерс.
Роберт и Кристен
„Длабоко жалам за болката и срамот што им ги нанесов на луѓето кои ми се блиски и сите оние кои се засегнати. Таа моментална индискреција го загрози најважното нешто во мојот живот, личноста која ја сакам и почитувам најмногу, Роб. Го сакам, го сакам, жал ми е“ – пишува „People“, цитирајќи го соопштението за јавноста на Кристен.
Списанието „Us Weekly“ ја обелодени аферата на ѕвездата од „Twilight“ и 41-годишниот режисер, кој е во брак со моделот Либерти Рос.
Кристен и Руперт
Руперт Сандерс исто така упати јавно извинување до својата сопруга. „Целосно сум избезумен од болката која му ја предизвикав на моето семејство. Мојата убава сопруга и ангелските деца ми се сè што имам на овој свет. Ги сакам со целото мое срце. Се молам за да поминеме низ ова заедно“ – пишува Сандерс во своето соопштение.
Либерти и Руперт
Кристен и Руперт се зближиле на снимањето на „Snow White and the Huntsman“, во кој исто така се појавува и Либерти.
