Џастин Трудо освои втор мандат како премиер на Канада.
47-годишниот политичар синоќа ја прослави победата покрај сопругата Софи и неговите поддржувачи. 44-годишната поранешна водителка носеше жолт фустан додека со бакнеж му ја честиташе победата на својот сакан.
Парот има три деца. Целото семејство беше фотографирано на гласање.
Џастин е на чело на Либералната партија од 2013 година, а во 2015 година беше избран за премиер. Тој постојано се бори за заштита на животната средина, се залага за правата на жените и на лицата од ЛГБТ заедницата, силно се спротивставува на ограничувањата за имигрантите и за време на првиот мандат ја легализираше употребата на канабис.
Забавниот политичар честопати носи впечатливи чорапи кои привлекуваат големо внимание на собирите на светските лидери. Најчесто, преку чорапите тој се обидува да пренесе некаква порака.
