Како што наближуваме кон пикот на кризата со коронавирусот, имаме сè поголема потреба од медицински кадри кои ќе им помагаат на заболените.
Поранешниот министер за здравство и сегашен вицепремиер за евроинтеграции Бујар Османи несебично застана на располагање на државата за да помогне како лекар онаму каде што тоа ќе биде потребно.
40-годишниот политичар, кој е специјалист по општа хирургија, на својот профил на Facebook напиша: „Денес се пријавив за доброволец за да помогнам како лекар секаде каде што Министерството ќе процени дека има потреба за тоа во било кој крај од државата“.
