Џилијан Андерсон и Дејвид Духовни се обединија и споделија фотографии од нивната средба, враќајќи ги во минатото фановите на „Досиеја Икс“.
Ѕвездите од научно-фантастичната серија, познати по улогите на агентите Дејна Скали и Фокс Молдер, позираа заедно со кучето на Џилијан, Стела. Фотографиите на Instagram ги сподели 52-годишната актерка и напиша: „Стела запозна нов пријател денес“.
Андерсон и Духовни ги снимаа првите девет сезони од серијата „Досиеја Икс“ од 1993 до 2002 година. Десеттата сезона се прикажуваше во 2016 година, а по нејзиниот успех, тие снимија уште една сезона од 11 епизоди кои се прикажуваа од јануари до март 2018 година.
Двајцата актери останаа пријатели и по снимањето на серијата.
