Анџелина Џоли не крие колку се гордее со своите деца и им дава поддршка во секој нивни проект.
49-годишната актерка беше дел од настанот за мајки и ќерки организиран од „Women in Training“ во Алабама, каде Захара беше еден од клучните говорници.
Џоли гордо ја гледаше и ја слушаше 20-годишната студентка како зборува за менструалната сиромаштија, термин кој се однесува на девојки и жени кои немаат достап до менструални производи и едукација.
И Анџелина и Захара беа облечени во бело.
@vanessatresjolie Angelina Jolie and Zahara attend the 4th Annual Women In training WIT to celebrate the women's history month and to end period poverty. Zahara is one of the featured speakers in the event in Montgomery #AngelinaJolie ♬ sonido original - sosahoo
„Навистина сме почестени што Захара Џоли-Пит ќе зборува на четвртиот годишен бранч за мајки и ќерки за нејзината страст да стави крај на менструалната сиромаштија, што е и мисија на ‘Women in Training’“ – рече претседателката на организацијата.
„Наша цел е да се осигуриме дека секоја девојка и млада жена ќе ги има продуктите кои ѝ се потребни за да го живее животот во целост“ – додаде таа.
Захара е едно од шесте деца кои Џоли ги има со Бред Пит, од кого се раздели во 2016 година. Џоли ја посвои Захара во јули 2005 година од сиропиталиште во Етиопија. Пораснатата девојка сега честопати ја придружува мајка си на големите настани.
