Кога Анџелина Џоли стапи во брак со Били Боб Торнтон во 2000 година, очигледно не сакала типична свадба, ниту пак ѝ било важно да облече венчаница.
Daily Mail објави две фотографии од склучувањето на бракот меѓу Џоли, која тогаш имала 24 години и Торнтон, кој имал 44 години. На нив, Анџелина позира облечена во фармерки и сива маица без ракави. Покрај неа се Били Боб и свештеникот Џим Хамилтон, кој го официјализирал нивниот брак.
Анџелина Џоли со Били Боб и свештеникот Хамилтон
Хамилтон открил детали за свадбениот ден на 39-годишната хуманитарка и 59-годишниот актер и ги покажал фотографиите направени во црквата каде тие стапија во брак.
Свештеникот Хамилтон со фотографијата од Џоли и Били Боб
Бракот меѓу Анџелина и Били Боб бил склучен на 5 мај 2000 година, кога парот се враќал дома по снимање на филм во Јута. Претходно славните актери биле во врска само два месеца.
Свештеникот Хамилтон се сеќава дека бил изненаден кога ја видел славната двојка, бидејќи немало претходна најава за нивниот брак. „Влегоа и веднаш ги препознав, таа беше многу позната во тоа време и се разбира сè уште е. Едноставно набрзина влегоа и излегоа, тоа и беше нивната намера. Внатре немаше никој друг освен нашиот фотограф и еден од нивните сниматели, кој им стана кум. Веста се прошири подоцна и следниот ден местото беше преплавено со папараци“ – рекол свештеникот.
„Јас лично не мислам дека нивниот брак беше планиран, туку дека беше спонтана одлука“ – додал свештеникот.
Анџелина Џоли, Били Боб, свештеникот Хамилтон и нивниот кум
Црквата каде Џоли и Били Боб стапиле во брак
Џоли и Боб се разделија две години по стапувањето во брак, а во мај 2003 беше завршена процедурата за развод. Тоа беше втор брак на Анџелина, а петти на Били Боб.
Во август минатата година, Џоли стапи во брак со својот долгогодишен партнер Бред Пит. Пред еден месец стана јасно дека и Били Боб тајно ја крунисал со брак својата долга врска со Кони Англанд.
Били Боб со својата нова сопруга Кони Англанд
