Луисана Лопилато и Мајкл Бубле ги известија своите фанови дека минуваат низ многу лош период. Славниот пар сподели дека на 3-годишното синче му бил дијагностициран рак.
Преку порака на социјалните мрежи, Бубле објави дека се скршени од болка и дека моментално малиот Ноа е на лекување во САД.
„За време на овој тежок период, ве замолуваме да се молите за него и да ја почитувате нашата приватност. Имаме долг пат пред нас и се надеваме дека со поддршката од нашата фамилија, пријателите и фановите низ светот и нашата верба во Бог, ќе победиме во оваа битка“ – пишува во пораката на славниот пејач.
Аргентинската актерка кај нас позната по серијата „Млади бунтовници“ и канадскиот музичар се родители и на 9-месечниот Елијас.
