Хилари Свонк ужива во мајчинството и не жали што го одложи раѓањето на дете за подоцна во животот.
50-годишната актерка, која роди близнаци пред две години, сними фотосесија за Women’s Health, а во интервјуто зборуваше за одлуката да замрзне јајце-клетки на 37 и да роди деца на 48 години.
„Би имала деца и порано. Не велам дека активно чекав до 47 години. Но, тоа беше магично време во мојот живот кога сè кулминираше.“
„Благодарна сум што имав можност да замрзнам јајце-клетки за покасно. Тоа ти намалува дел од притисокот“ – рекла таа.
За мајчинството на крајот од 40-тите години, Свонк рекла:
„Сега сум многу поразличен родител отколку што ќе бев порано, па дури и на почетокот од моите 40-ти години. Многу сум потрпелива. Имам многу повеќе разбирање. Многу повеќе сум заинтересирана на различен начин отколку што би била порано. Многу сум заинтересирана за нивните мозоци. Кариерата ми е веќе изградена, па не сум поделена. Можам да бидам вистински присутна за нив и да бидам вклучен родител“.
Хилари и Филип Шнајдер станаа родители во април 2023 година. Таа ја објави веста со фотографија на која ги држеше близнаците.
„Не беше лесно. Но, вредеше“ – напиша таа.
Ѕвездата од „The Million Dollar Baby“ стапи во брак со Филип во 2018 година.
