Откако беше строго критикувана дека ѝ дозволува на својата тригодишна ќерка да носи чевли со мала штикла, Кејти Холмс застана во своја одбрана.
„Тие се всушност детски чевли за танцување на валцер. Ги најдов за неа и таа ги обожава.“ – изјави Кејти.
Малата Сури во последниот месец беше забележана неколку пати како носи чевли со високи потпетици и тоа ги предизвика реакциите на педијатрите, кои сметаат дека штиклите на таа возраст може лошо да влијаат врз оформувањето на нозете.
Сури е ќерка на познатите Том Круз и Кејти Холмс и како дете на славни родители ужива во сите привилегии. Се проценува дека досега таа поседува облека од познати дизајнери во вредност од 2 милиони фунти.
Очигледно малата Сури сака прерано да порасне, но чудното е што нејзините родители ѝ го дозволуваат тоа.
