Април доаѓа со свежина што се чувствува длабоко – не само во воздухот, туку и во срцето. Планетарната сцена се смирува, а универзумот ни шепоти: време е да се ослободиме од застои и да зачекориме со самодоверба кон новите можности.
На 7 април Меркур го прекинува своето ретроградно движење во риби, носејќи ментална јасност, подобра комуникација и емоционална интелигенција. Ситуации кои ни беа конфузни сега добиваат нов тек. Интуицијата ни се изострува, а зборовите стануваат потопли.
На 13 април ќе имаме полна месечина која нè повикува на емотивна хармонија, стимулира нови врски и креира романси кои траат вечно. На истиот ден, Венера се буди од ретроградното движење, па соништа поврзани со љубовта, уметноста и задоволствата почнуваат да стануваат реалност.
На 16 април Меркур влегува во овен, носејќи ни импулсивност и одлучност. Време е за директни разговори, брзи одлуки и спонтаност.
Сонцето на 19 април влегува во стабилниот бик, поставувајќи фокус на сигурноста, сензуалноста и практичните аспекти од животот. Ова е време за уживање во малите нешта и за грижа за телото, домот и личните вредности. Ќе се цени стабилната љубов, реалните резултати и естетиката во сè што правиме.
Младата месечина на 27 април отвора прекрасен портал за нови почетоци во финансиите, љубовта и самовреднувањето. Ова е момент да засадиме семе кое со трпение ќе го гледаме како расте – било да е тоа нова врска, нов бизнис или нова доза верба во себе.
Венера го заокружува месецот со љубовна авантура, закачлива енергија и храброст да се направи првиот чекор. Љубовта станува игрива, директна и возбудлива.
Најсреќни ќе бидат ОВНИТЕ, но и БИКОВИТЕ ќе соберат значајни награди од космосот во април.
| Датум | Случување |
| 7 април | ☿ Меркур преминува во директно движење во риби |
| 13 април | ☽ Настапува полна месечина во вага |
| 13 април | ♀ Венера преминува во директно движење во риби |
| 16 април | ☿ Меркур влегува во овен |
| 18 април | ♂ Марс влегува во лав |
| 19 април | ☉ Сонцето влегува во бик |
| 27 април | ☽ Настапува млада месечина во бик |
| 30 април | ♀ Венера влегува во овен |
Табела: најважните датуми за месец февруари и движењето на небесните тела
Кликнете на вашиот хороскопски знак и дознајте како планетите ќе влијаат на вас овој месец: