Почестете се самите и израдувајте ги најмилите со вкусни, меки и лесни солени мафини. Мафините со сирење се добредојдени во сечија чинија и се идеални за брз и неодолив појадок или забава во домашна атмосфера.
Еве како со еден рецепт можете да станете експерт за правење мафини, кои ќе ги примамуваат вашите гости да посегнат барем по уште едно парче:
Состојки
| 3 | јајца |
| 1 шолја | јогурт |
| ½ шолја | масло |
| 2 шолји | брашно |
| 1 | прашок за пециво |
| 200 гр | сирење |
| ½ лажичка | сол |
| сусам |
Подготовка
- Потпечете 4-5 лажици сусам на тивок оган и оставете го настрана.
- Во длабок сад ставете ги јајцата и изматете со миксер. Додавајте ги постепено останатите состојки по следниов редослед: јогурт, масло, брашно, пециво, сол. Добро изматете.
- Наведената количина сирење изрендајте ја на крупната страна од рендето во претходно приготвената смеса.
- Наполнете ги формите за мафини со добиената смеса и поросете со сусам.
- Печете на 200°С околу половина час.
