Џеф Безос и Лорен Санчез снимија фотосесија за декемвриското издание на „Вог“.
59-годишниот основач на Amazon и неговата сакана вљубено позираа пред фотоапаратот на Ени Либовиц.
53-годишната поранешна ТВ водителка, која сега е и пилотка, го истакна сексапилот во креации од Victoria Beckham, Valentino, Dolce & Gabbana, Ferragamo и Ralph Lauren.
Во интервјуто за модното списание, тие зборуваа за моментот кога се верија и за плановите за свадба.
„Сè уште размислуваме за свадбата и каква ќе биде. Дали ќе биде голема? Дали ќе биде во странство? Сè уште не знаеме. Верени сме само 5 месеци“ – рекла таа.
Џеф ѝ предложи брак на Лорен изминатото лето, криејќи го огромниот дијамантски прстен под нејзината перница по романтична вечера.
„Кога тој ја отвори кутијата, мислам дека се онесвестив малку“ – рече Санчез.
Лорен не крие дека е возбудена што ќе биде сопруга на третиот најбогат човек на светот. Запрашана дали ќе го земе неговото презиме, таа одговори: „Да, сто проценти. Со нетрпение чекам да станам госпоѓа Безос“.
Џеф и Лорен ја започнаа врската уште додека и двајцата беа во брак. Веста за нивната афера одекна во медиумите само неколку дена откако тој и неговата поранешна сопруга Мекензи објавија дека се разделуваат. Тие беа заедно 25 години.
