Елена Ристеска со забавно видео го одбележа својот 39-ти роденден.
Македонската пејачка го следеше забавниот тренд од социјалните мрежи и прво се пошегува дека има 19 години, а подоцна бројката на роденденската торта се промени во 39. За нејзината шминка во двете трансформации се погрижил Даниел Николовски, додека видеото е дело на Мики Трајковски-Манца.
„ВИ БЛАГОДАРАМ ОД СРЦЕ ЗА ЧЕСТИТКИТЕ!!! Јас сум најбогата личност на светот, затоа што ве имам вас најдобрите обожаватели на свет и ги имам најдобрите пријатели, љубов и фамилија на светот! Малку се нашаливме со годините кои ги полнам.“
„Дали 19 или 39 не е важно, важно е дека сум среќна и благодарна за сѐ што имам. П.С. ПОЛНАМ 39, но ПРАЗНО ми е срцето затоа што некои луѓе во мојот живот засекогаш ќе фалат“ – напиша таа.
Елена е родена на 27 април 1986 година во Скопје. Уште од мали нозе покажувала интерес за музика, но најмногу се прослави со победата на музичкото-реалити шоу „M2 Play: Потрага по ѕвезди“. Нејзиниот деби сингл „Она Другото“ веднаш стана хит во Македонија.
