Надолго и нашироко се пишуваше дека Анџелина Џоли и нејзиниот славен партнер Бред Пит наскоро ќе стапат во брак на тајна церемонија. Потоа се пишуваше дека Џоли планира ново посвојување. Сите тие гласини сега се негирани од 36-годишната актерка, која за списанието Vanity Fair призна дека „нема тајна свадба“.
„Не сум бремена. Не посвојувам во моментов“ – изјавила таа.
За списанието Џоли позираше и со две од нејзините шест деца, Захара и Вивиен, а исто така и зборуваше за нејзиниот филм „In the Land of Blood and Honey“.
Анџелина со Захара и Вивиен
Убавата актерка објаснила дека идејата за сценариото ја добила додека била болна од грип и изолирана од своето семејство. „Имав грип. Мораше да бидам во карантин, подалеку од децата два дена. Бев на таван во куќата во Франција. Не гледам телевизија и не читав ништо, па почнав да пишувам. Отидов од почетокот до крајот. Јас не познавам друг начин“ – раскажала таа.
Во текот на тој период Бред целосно ја поддржувал и бил нејзин критичар. „Ќе дојдеше и ќе кажеше што му се допаѓа или што не разбира. Како и секоја друга жена, ќе го ислушав во поголем дел и ќе му се спротивставев за некои работи. Тој многу ме поддржуваше“ – додала Џоли.
