Заедно со новиот албум ARTPOP, Лејди Гага промовира и нов имиџ. Ексцентричната пејачка, која ги обожава трансформациите во надворешниот изглед, ја остави во минатото „тешката“ шминка, додаде пирс на носот, ги осветли веѓите и се одлучи за нова црна боја на косата.
Марина Абрамовиќ и Лејди Гага во Њујорк
27-годишната поп-ѕвезда планира големо враќање на музичката сцена по неколкумесечното отсуство поради операција на колкот.
Првиот сингл од албумот ARTPOP ќе биде објавен на 19 август, а веќе е познато дека е насловен „Applause“.
Каверот за „Applause“
Фановите на Гага ќе имаат можност да го проследат нејзиниот прв настап по паузата на 25 август, за време на доделувањето на MTV видео музичките награди.
