Роби Вилијамс и Ајда Филд го добија своето трето дете со помош на сурогат мајка.
Среќните родители пред еден час ја објавија веста на профилот на Ајда на Instagram.
Тие споделија фотографија од рацете на сите пет члена од нивното семејство, а во описот напишаа:
Гледам со моето мало око уште едно мало раче.
Чувавме многу специјална тајна! Со одушевување споделуваме со вас дека добивме ќеркичка... добредојде на свет Колет (Коко) Џозефин Вилијамс!!
Патот дотука беше долг и тежок и поради тоа го држевме ова во тајност.
Семејството доаѓа во секакви форми, а оваа мала дама, која биолошки е наша, беше носена од неверојатна сурогат-мајка, на која ѝ сме бескрајно благодарни. Пресреќни сме што го добивме ова прекрасно бебенце во нашите животи и благодарни сме што живееме во свет што ни го овозможи ова.
Како и за Теди и Чарли, ве замолуваме да ја почитувате приватноста на Коко и да ни дозволите да се прилагодиме на нашиот нов тим од 5 члена. #ТимВилијамс
44-годишниот пејач и 39-годишната актерка имаат уште две деца, 5-годишната Теодора Роуз Вилијамс и 3-годишниот Чарлтон Валентин Вилијамс. Роби и Ајда се заедно од 2006 година, а стапија во брак во август 2010 година.
