ВИДЕО: Нов провокативен спот на Кристина Агилера

Од албумот „Bionic“

Денес, една минута по полноќ, премиерно на Vevo беше пуштен новиот спот на Кристина Агилера за песната „Not Myself Tonight“.

Како што најавуваа фотографиите и „трејлерите“, спотот е провокативен, токму за да го привлече вниманието на обожавателите на поп музиката и да покаже дека 29-годишната пејачка нема намера да се откаже од својата музичка кариера.

„Not Myself Tonight“ е првиот сингл од новиот албум на Кристина „Bionic“, кој треба да се појави на 8-ми јуни. Албумот е резултат од соработката на Агилера со многу звучни имиња, меѓу кои и Линда Пери, авторката на „Back to Basics“, „Hurt“ и „Beautiful“.