Анџелина Џоли ќе добие втор Оскар, но не заради актерските способности, туку за хуманоста.
38-годишната холивудска ѕвезда ќе ја добие награда за хуманост „Џин Хершолт“, наречена по данскиот актер кој беше еден од најактивните филантропи во Холивуд.
Џоли, која го доби првиот Оскар за најдобра актерка во споредна улога за филмот „Girl, Interrupted“ од 1999 година, ќе ја добие специјалната награда за својата блиска соработка со многу хуманитарни организации, како и со Обединетите Нации.
Џоли на мисија во Конго во улога на амбасадор на канцеларијата на високиот комесаријат за бегалци на Обединетите нации (УНХЦР)
Џоли држи говор на самитот Women in the World во Њујорк во чест на младата активистка Малала Јусафзаи
На свечената церемонија Governors Awards, која ќе се одржи на 16 ноември, ќе бидат доделени уште три почесни награди. Актерите Стив Мартин и Анџела Лансбери и костимографот Пјеро Този ќе добијат награди за своите достигнувања во филмската индустрија.
