В сабота 25-годишната Кристал Харис требаше да стане третата сопруга на 85-годишниот Хју Хефнер. Но, само 5 дена пред свадбата русокосата зајачица се премисли и ја раскина свршувачката.
Хју Хефнер и Кристал Харис
„По долго длабоко размислување, решив да ја прекинам мојата свршувачка со Хеф. Имам огромна почит кон Хеф и му посакувам сè најдобро за во иднина. Се надевам дека медиумите ќе ни ја дадат приватноста којашто ја заслужуваме во овој период“ – напиша Кристал на својот веб сајт.
Денес и основачот на Плејбој потврди дека долгоозборуваната свадба нема да се одржи. „Свадбата е откажана. Кристал се премисли“ – напиша тој на Twitter.
Според информациите на веб сајтот RadarOnline, Кристал го оставила Хефнер затоа што е во врска со синот на славниот Д-р. Фил, Џордан МекГро.
„Свадбата е откажана, како и сè останато. Хеф е во шок. Кристал го напушти имотот во 23:00 во неделата. Таа има момче. Се состанува со синот на Д-р Фил, Џордан. Таа мисли дека ќе живее со милионите на Д-р Фил“ – пишува сајтот, цитирајќи анонимен извор.
Џордан со неговиот татко Д-р Фил
Гласините за тајна врска меѓу Џордан и Кристал се појавија уште во март, но веднаш беа демантирани од нејзиниот претставник.
