Тејлор Свифт ја доби својата прва насловна во модната библија „Вог“. Ана Винтор ја покани познатата кантри-поп пејачка да биде дел од февруарското издание на легендарното списание.
Тејлор како вистински модел позираше пред објективот на Марио Тестино во креации на Родарте, а направи и интервју во кое зборуваше за својот љубовен живот, славата и кариерата.
За пеењето пред голема публика: „Кога излегуваш на сцена пред 65.000 луѓе, може да се расплачеш. Ако дозволиш да те обземе еуфоријата на крајот на песната и слушнеш толку луѓе како врескаат, тоа ќе те расплаче... Ова сакав да го правам цел мој живот.“
За љубовниот живот: „Ништо не ми се случува во моментов! Некако не сакам да излегувам.“
22-годишната пејачка откри и дека работи на својот нов албум, кој ќе опишува некоја нејзина трагична љубовна разделба.
Тејлор Свифт со својот бенд
Добро е за промена да ја видиме Тејлор со нов стил, кој не вклучува блескав фустан и романтични кадрици.
