Тејлор Свифт последен пат присуствуваше на доделувањето на музичките награди на Billboard во 2015 година, па многумина беа изненадени кога синоќа таа зачекори на црвениот тепих во Лас Вегас. Ова е нејзино прво појавување на музичко шоу годинава.
28-годишната пејачка шармираше во романтична креација од ателјето на Версаче. Својот изглед Свифт го надополни со обувки од италијанскиот бренд Casadei и накит од Hueb, Fernando Jorge, Sara Weinstock и Maxior Joias.
Тејлор доби две важни награди на музичката манифестација – Најдобар женски изведувач и Најпродаван албум.
Познатата музичка ѕвезда на Instagram сподели неколку фотографии.
