Жизел Бундхен е на ноќна прошетка низ Париз на фотографиите од кампањата пролет/лето 2015 на Chanel.
34-годишната Бразилка позира боса на неколку локации низ градот на светлината и љубовта. Карл Лагерфелд, кој долги години ја држи позицијата креативен директор на престижната модна куќа Chanel, застанал зад објективот.
Кампањата била снимена по зајдувањето на сонцето со цел да дојдат до израз модерните силуети.
Жизел не е нов член на големото семејство Chanel. Таа веќе ја има рекламирано декоративната козметика на брендот, а минатата година беше и заштитно лице на култниот парфем Chanel N°5.
