Кога за кампања за најпопуларниот парфем на сите времиња се ангажирани најплатениот модел на светот и еден од најталентираните режисери, очекувањата се огромни.
Француската модна куќа Шанел денес го објави новиот краток филм за култниот парфем Chanel N°5. Жизел Бундхен е ѕвездата во филмот „The One That I Want“, снимен под режисерската палка на Баз Лурман.
Во мај годинава стана јасно дека Жизел е новото заштитно лице на Chanel N°5. Тогаш од престижниот бренд соопштија дека изборот паднал токму на Жизел поради „нејзината природна убавина и модерна женственост“.
Жизел на свечената вечера по повод премиерното прикажување на филмот
Жизел со Баз Лурман
Ана Винтур и Карл Лагерфелд
Претходно заштитни лица на Chanel N°5 беа Мерилин Монро, Никол Кидман и Одри Тоту, а Бред Пит беше првиот маж кој го рекламираше легендарниот парфем.
