Луѓето кои се благословени со убав изглед најчесто можат да се пофалат и со повисока интелигенција од просечната, а тоа особено важи за мажите.
Истражување на британски научници открило дека мажите кои се физички привлечни имаат за 13,5 бода повисок коефициент на интелигенција од просечниот. Атрактивните жени пак имаат IQ кое е за 11,4 бода повисоко од просечното.
Физички атрактивните луѓе имаат повисок коефициент на интелигенција од просечниот
За да дојдат до овие резултати, научниците ги зеле во предвид податоците за академскиот развој и интелигенцијата на 52 000 луѓе од САД и Велика Британија. Исто така, бил оценуван и нивниот надворешен изглед.
Со друго истражување било утврдено дека девојките од средната класа имаат повисок коефициент на интелигенција од девојките од работничката класа.
Сатоши Каназава, кој го предводел истражувањето, објаснил дека нивниот заклучок е само од научна природа и дека не треба да се користи како основа за оценување на луѓето.
