Хамамат Монтија е мајка на две ќерки, поранешна мисица, модел и сопственик на компанија за убавина. Благодарение на прекрасната кожа и карактеристичната коса, убавата Африканка освојува сè повеќе обожаватели на Instagram.
Хамамат потекнува од сиромашно село во Гана, кое успеа да го прослави со моќта на социјалните мрежи, благодарение на шеа путерот кој се произведува таму.
На 18-годишна возраст, таа била избрана за Мис Малика, а подоцна се омажила и родила две ќерки. За жал, нејзиниот брак не траел долго и заедно со двете деца се вратила во нејзиното село, каде се приклучила во семејниот бизнис на производство на шеа путер.
Откако нејзино видео станало хит на интернет, таа добила идеја да основа компанија и да ја прослави преку социјалните мрежи. Денес, Монтија ја поседува компанијата Hamamat African Beauty, која нуди 100% природни производи кои се рачно изработени во Гана. Исто така, нејзиното село е туристичка дестинација, каде сè е природно.
Хамамат ја следат речиси милион обожаватели на Instagram. Од нејзините фотографии јасно се гледа колку ефикасна е нејзината природна козметика и зошто е толку голем нејзиниот успех.
