Фотографија на млад брачен пар стана интернет хит и стопли илјадници срца. Направена за време на семеен одмор во Ајдахо, фотографијата ја покажува Кели Котл, која го носи на грб својот сопруг кој ги изгубил нозете во Авганистан.
Во 2009 година, 28-годишниот Џеси Котл згазнал на импровизирана експлозивна направа и му биле ампутирани двете нозе. Неколку месеци по страшната несреќа, додека сè уште се привикнувал на протезите на нозете, тој ја запознал 24-годишната Кели. Пред 10 дена тие ја прославија првата годишнина од бракот.
„Таа ме носи физички, но има времиња кога таа ме носи и емоционално... Ако не згазнев на таа експлозивна направа, немаше да ја сретнам. Не би го променил тоа никогаш“ – изјавил Џеси.
Фотографијата била направена спонтано за време на фамилијарна средба со семејството на Кели. „Некој предложи да направиме неколку фотографии во водата. Го носев Џеси назад кај неговите нозе и фотографот предложи да направи неколку фотографии од нас“ – раскажала Кели.
Кели, Џеси и нејзиното семејство
Откако фотографијата била објавена на Facebook, веднаш привлекла огромно внимание и позитивни коментари исполнети со комплименти, восхит и почит.
„Фотографијата кажува сè. Јас всушност ја гледам како симбол на нашата врска. Таа совршено покажува која е Кели“ – рекол Џеси.
