Малата Нина Нинковиќ ги собра потребните средства за патувањето и прегледите на нејзиниот татко во Москва.
11-годишното девојче од Србија со денови продава крофни по цена од 100 динари (50 денари). Иако првиот ден продала само 7 крофни, Нина не се откажа и набрзо го освои Балканот со својата приказна. Луѓе од целиот регион се обединија за да ги соберат парите потребни за лекување на Зоран.
„Знаев дека мама и тато во тоа нема да успеат сами, па сакав да им помогнам. Баба ми даде идеја дека можам да продавам крофни“ – вели слатката Нина.
Татко ѝ, Зоран Нинковиќ, го изгубил видот и едното око во 2016 година поради аблација на ретината.
Во 2022 година, повторно му се појавила аблација и сега може да го изгуби и другото око. Освен што можел целосно да ослепи, имало ризик и да го изгуби животот. Но, сега, благодарение на ќеркичката со големо срце, тој е на пат да го добие потребното лекување.
