Медицинска диета

Медицинската диета е нискокалорична диета која стекна голема популарност поради тоа што ветува брзо слабеење за релативно краток период. Постојат неколку нејзини варијанти, но во главно се базираат на ист метод, т.е. консумирање на малку калории, што несомнено води до намалување на тежината.

Медицинската диета ветува брзи резултати за релативно кратко време

План за оброците

Појадокот секој ден е ист и треба да вклучува:

• 1 овошен плод (може да е портокал, јаболко, праска, круша, но не треба да е банана или грозје)
• 1 парче двопек
• една шолја кафе или чај (без шеќер и без вештачки засладувачи)

Основни правила на диетата

• Треба да се консумираат сите набројани намирници, без прескокнување и по редоследот по кој се дадени. Намирниците треба да се јадат една по друга и не треба се мешаат.
• Во текот на диетата не треба да се консумира алкохол.
• Месото и зеленчуците се консумираат варени во вода зачинета со коцка за супа.

Времетраење и резултати

Првиот циклус на диетата трае пет дена. Шестиот и седмиот ден се прави пауза, а потоа по потреба се започнува нов петдневен циклус. Диетата ветува слабеење со 2-5 килограми во текот на првите пет дена.

За губење на поголема тежина се препорачува диетата да се држи 15 дена, т.е. 3 циклуса. Тоа значи: пет дена диета, два слободни, пет дена диета, два слободни, пет дена диета. Не ја држете оваа диета подолго од 15 дена!

За 15 дена, диетата ветува губење на 10-15 килограми.

По завршувањето на диетата

Во периодот по завршувањето на диетата се препорачува избегнување на мрсна храна, бели печива и шеќер. Освен тоа, еднаш неделно (на пример, во понеделник) треба да се прави прочистување на телото. Менито за тој ден предвидува:

Појадок:

• чаша вода со цеден сок од еден лимон

Ручек:

• 1 јаболко
• 1 двопек

Вечера:

• 1 варено јајце
• 1 домат
• 1 двопек

Негативни страни на диетата

• Предвидува консумирање на премалку калории. За време на диетата секој ден се внесуваат многу помалку од препорачаните 1.200 калории. (1.200 е минималниот број на калории што жените треба да го внесуваат секојдневно). Поради тоа, може да се појави замор, недостиг на енергија и нервоза.
• Препорачува намирниците да се консумираат една по друга, според определен редослед. Тоа предизвикува многу луѓе да се откажуваат од одредени намирници и да не ги внесуваат (на пример, на многумина им е тешко да јадат само домат, па го прескокнуваат).
• Нема никакви ограничувања за двата слободни дена, па некои луѓе за да надоместат, јадат повеќе. Циклусот на гладување во текот на работната седмица, прејадување за време на викендот, па повторно гладување, е шок за организмот.
• Диетата носи ризик од појава на јо-јо ефект. Брзото слабеење може да доведе до уште побрзо дебелеење по диетата, познато како јо-јо ефект. По завршувањето на диетата не треба да се вратите на стариот начин на исхрана, туку треба да го зголемите внесувањето на зеленчук и овошје и да ја сведете на минимум консумацијата на брза мрсна храна за да не си ги вратите изгубените килограми.
• Не препорачува физичка активност.

Позитивни страни на диетата

• ветува брзи резултати;
• два дена во неделата се слободни денови кога можете да се одморите и физички и психички да се подготвите за наредниот циклус, се разбира, доколку имате потреба;
• не е потребно многу време за приготвување на храната;
• не е скапа.

Дополнителни информации

Дознајте повеќе за различните варијации на медицинската диета и прочитајте реални искуства и резултати од држењето на диетата на нашиот форум:

• Медицинска диета
• Диетата на Жан Митрев