Брз, лесен, вкусен и супер хранлив... Овој домашен специјалитет со тестенини и лосос ќе ве импресионира вас со леснотијата со која се приготвува, а вашите придружници на трпезата ќе ги фасцинира со богатата мешавина на вкусови и текстури.
Кремастите тестенини низ кои е инкорпорирано печено лосос филе се совршен оброк за семејна вечера или за ноќите зачинети со романтика и наздравување со квалитетно вино.
Состојки
| 250 грама | резанци со јајце Zlato Polje |
| 400 грама | лосос |
| 30 грама | путер |
| ½ главица | црвен кромид |
| 2 шолји | павлака за готвење |
| ½ шолја | бело вино |
| 1 лажичка | сок од лимон |
| 50 грама | рендан пармезан |
| 1 шолја | замрзнат грашок |
| маслиново масло | |
| сол | |
| црн пипер | |
| лук |
Подготовка
- Лососот премачкајте го со маслиново масло и посолете го. Печете го 15 минути во загреана рерна на 220°C. Откако ќе го извадите од рерната, зачувајте го топол со прекривање со алуминиумска фолија.
- Сварете ги тестенините согласно инструкциите на пакетчето во длабок сад со солена вода.
- Растопете го путерот во тава ставена на оган на средна температура. Исечкајте го кромидот на мали коцкички и додајте го во путерот заедно со ситно исецкано лукче по вкус или лук во прав. Пржете на тивко додека кромидот не стане проѕирен.
- Додајте ги во тавата павлаката за готвење и белото вино. Зачинете со сол и црн пипер.
- Накратко промешајте, па исцедете една лажичка сок од лимон.
- За крај, ставете го пармезанот и замрзнатиот грашок. Гответе уште 1-2 минути и тргнете ја тавата од оган. Веднаш потурете ги тестенините со кремастата смеса.
- Лососот можете да го раскинете на мали парчиња или да го исечкате на коцки пред да го вклопите во примамливото јадење.
- Задолжително сервирајте додека е топло. Декорирајте ги порциите со магдонос.
