За деновите кога сакате да паузирате од консумирање на месо и да го зголемите внесот на зеленчуци, ви предлагаме превкусна, сочна лазања.
Состојки
| 3 | тиквички средна големина |
| 3 | моркови средна големина |
| 500 гр | печурки |
| 1 | главица црвен кромид |
| 1 | конзерва домати (400 гр) |
| 100 мл | доматен сок |
| 500 мл | крем за готвење, неутрален |
| 9 | листови за лазања (165 гр) |
| 500 гр | кашкавал |
| 10 гр | путер |
| зачин Vegeta Natur со зеленчуци | |
| сол | |
| црн бибер | |
| босилок | |
| лук во прав |
Подготовка
- Во длабока тава ставете путер и исечканиот кромид. Штом кромидот ќе започне да се карамелизира, додајте ги морковите исечкани на тенки кругови или коцкички. По три минути, додајте ги тиквичките исечкани на коцки со големина од околу 1 сантиметар, а потоа и печурките исечкани на тенки ленти. Зачинете со црн бибер, зачин Vegeta Natur со зеленчуци, сол, босилок и лук во прав и пржете околу 3-4 минути.
- Доматите од конзерва изгмечете ги рачно и раскинете ги на мали парчиња. Во тавата со зеленчуци налејте го доматниот сок и додајте ги изгмечените домати. Гответе додека сосот не се згусти.
- Загрејте ја рерната на 180°C.
- Во сад за печење (20x30 сантиметри), на дното ставете малку од црвениот сос со зеленчуци. Наредете три листови лазања и премачкајте ги со белиот крем за готвење. Ставете половина од црвениот сос со зеленчуци и поросете со кашкавал. Повторете го тоа уште еднаш. Последниот слој кори за лазања премачкајте го со бел сос и дарежливо покријте го со кашкавал.
- Печете 40 минути. Последните 10 минути печете со вклучен вентилатор.
