Колоритна, сочна и исполнета со свежина. Оваа туна салата ќе ја подготвувате секогаш кога ќе сакате здрав оброк кој заситува, ве полни со енергија и го зајакнува имунитетот.
Состојки
| 5 | поголеми листа марула |
| 1 | краставица |
| 1 | домат или 6-7 чери домати |
| 1 | зелена пиперка |
| 2 | ротквици |
| 1 | морков |
| 1 | младо кромитче |
| 10 | маслинки |
| 150 грама | тестенини Zlato Polje |
| 2 конзерви | EVA туна во растително масло |
| 1 ќесичка | кубети |
| маслиново масло | |
| балсамико | |
| сол | |
| сенф по вкус | |
| тартар сос по вкус |
Подготовка
- Марулата, краставицата, доматот, зелената пиперка, ротквиците, морковот и кромитчето се мијат, лупат и сецкаат во длабок сад и се зачинуваат со маслиново масло, сол и балсамико.
- Во меѓувреме, се варат макароните во веќе зовриена вода со малку сол.
- Двете конзерви EVA туна се ставаат во посебен сад откако претходно ќе бидат исцедени од маслото. На туната се додава сенф и тартар сос, по вкус.
- Сварените, исцедени и изладени макарони, заедно со туната, се ставаат во веќе подготвената салата и се мешаат додека туната се распредели подеднакво во салатата.
- За декорација и посебен вкус се додаваат исецканите маслинки и кубетите.
Рецептот е на Благица Тасеска, која победи во наградниот предизвик на EVA.
