Во потрага сте по сладок овошен деликатес? Дозволете си да бидете освоени од слатко задоволство со јагоди во форма на мафини.
Состојки
| 2 | јајца |
| 2 лажици | шеќер (или повеќе ако сакате поблаго) |
| 200 мл | јогурт |
| 50 мл | масло |
| 15 лажици | брашно |
| 1 кесичка | ванилин шеќер |
| 1 кесичка | прашок за печиво |
| рендана кора од лимон | |
| овошје по желба | |
| шеќер во прав |
Подготовка
- Разделете ги белките од жолчките на јајцата. Прво се матат белките. Потоа полека се додава шеќерот, па жолчките, јогуртот, маслото, ренданата кора од лимон и ванилиниот шеќер. На крајот, додајте го брашното со прашокот за печиво.
- Смесата насипете ја во калапи за мафини. Наполнете ги до половина, а одозгора ставете овошје по ваша желба.
- Печете во претходно загреана рерна на 180°С.
- Откако мафините ќе се испечат, посипете ги со шеќер во прав.
Рецептот е на форумџиката @Sky-butterfly, која доби најмногу гласови во кулинарскиот натпревар „Фемина готвач – Тема: Мафини“.
