Разводот на Џони Деп и Амбер Херд станува сè подраматичен.
Амбер побара забрана за приближување и го обвини Деп за семејно насилство, нудејќи како доказ фотографии на кои има модринки на лицето.
30-годишната актерка, преку својата адвокатка Саманта Спектор, приложила на суд фотографии од физичкото насилство и тврди дека Деп во неколку наврати бил насилен кон неа.
Според информациите кои протекоа во медиумите, Деп ја удрил со мобилен телефон, а веднаш по нападот ѝ понудил пари за да молчи за инцидентот.
Херд, со која 52-годишниот актер беше во брак 15 месеци, поднесе документи за развод на 23 мај, само три дена откако почина неговата мајка.
Деп и Херд се запознаа за време на снимањето на нивниот филм „The Rum Diary“, но започнаа да се состануваат две години подоцна во јуни 2012 година, кога актерот се раздели со долгогодишната партнерка Ванеса Паради. Во февруари минатата година познатиот пар заплива во брачните води.
