Џенифер Анистон мисли дека е дебела и е очајна да има супер слабо тело како Анџелина Џоли. Тоа го пишува популарното американско списание National Enquirer, потпирајќи се на извор близок до 40-годишната ѕвезда на серијата „Пријатели“.
Прекрасната актерка била многу загрижена за својот изглед, откако во медиумите излегоа нејзини фотографии, на кои е по бикини, сликани додека била на одмор во Мексико.
„Џенифер отсекогаш беше несигурна за нејзиниот изглед, но нешто од тие слики многу ја вознемири. Таа е опседната со секој дел од нејзиното тело. Некои денови е задоволна, а други пак – не. Иако изгледа прекрасно за своите години, откако ги виде сликите од Мексико, рече дека е грда и дебела и почна да плаче.“ - изјавил близок на Анистон.
Очигледно Џенифер прави сè што е во нејзина моќ за да го импресионира својот бивши, Бред Пит.
„Џен знае колку Бред размислува да ја напушти Анџелина, па прави сè за да изгледа најдобро што може. Нејзиното однесување е според принципот: сè што прави Енџи, таа може да го направи подобро.“ – додаде анонимниот извор во интервју за National Enquirer.
Останува да видиме како ќе заврши овој љубовен триаголник, кој веќе долго време ги полни насловните страници на медиумите.
