Сè повеќе славни личности се залагаат за подигнување на свеста кај луѓето за важноста на носењето заштитни маски.
Џенифер Анистон сподели фотографија на која позира со нејзината маска и испрати важна порака за коронавирусот до сите:
Разбирам дека маските се непријатни и некомфорни. Но, не мислите ли дека е полошо тоа што се затвораат бизниси... што се губат работни места... што здравствените работници се апсолутно истоштени. И тоа што вирусот одзеде толку многу животи затоа што ние не сме доволно добри.
Искрено верувам во вродената добрина на луѓето и знам дека сите го можеме ова. НО, и покрај тоа, има многу луѓе во нашата земја кои одбиваат да ги направат потребните чекори за да ја израмнат кривата и да се чуваат безбедни едни со други. Луѓето се загрижени дека „им се одземени нивните права“ со самото тоа што е побарано од нив да носат маска. Оваа едноставна и ефективна препорака е политизирана за сметка на човечките животи. И навистина тоа не треба да биде предмет на дебата.
Ако се грижите за човечките животи, ве молам... едноставно носете проклета маска и поттикнувајте ги сите околу вас да го прават истото.
Рис Витерспун пред неколку дена исто така сподели фотографија со маска и напиша: „Здраво на сите! Носењето маска не е политичка изјава. Тоа значи дека се грижите за здравјето и безбедноста на другите луѓе. Бидете ЉУБЕЗНИ, носете маска!“.
И други славни личности споделија фотографии со пораки на хаштагот #WearaDamnMask
Патрик Демпси: „Ова е прекрасен ден за спасување животи“.
