Средбата на Џенифер Анистон и Бред Пит на SAG Awards е тема број еден во светот на шоу-бизнисот. Поранешните брачни партнери победија во различни категории и освоија статуетки, но очигледно нивните фанови се повозбудени за нивната дружба зад сцената.
По манифестацијата, големо внимание привлече и фустанот кој 50-годишната актерка го носеше на свеченоста затоа што доаѓа од нејзиниот плакар.
Вообичаено, актерките на црвениот тепих носат позајмени дизајнерски креации, но Анистон овој пат се одлучи за свилен бел фустан кој веќе го поседувала. Станува збор за долг бел фустан дизајниран од Џон Галијано за Кристијан Диор.
„Ова е винтиџ фустан кој себеси си го дадов како подарок. Ова е инвестиција“ – изјави таа.
Анистон ја освои наградата Најдобра актерка во драмска серија за „The Morning Show“.
