Серијата „Беверли Хилс, 90210“ десет години привлекуваше милионска публика пред телевизиските екрани, следејќи го животот на група млади лица и начнувајќи дискусии за љубовта и пријателството, но и обработувајќи посериозни теми како алкохолизам, семејно насилство, дрога, сида, силување, тинејџерска бременост...
Кој не се сеќава на љубовниот триаголник Бренда-Дилан-Кели?
Цели 26 години по емитувањето на првата епизода, ѕвездите од серијата се собраа за панел-дискусија во рамките на „REWind Con“ во Чикаго.
Тори Спелинг (Дона Мартин) сподели фотографија на која позира со Џејсон Присли (Брендон Волш) и Џени Гарт (Кели Тејлор).
На групната фотографија можете да ги видите и Лук Пери (Дилан МекКеј), Габриел Картерис (Андреа Зукерман), Џејмс Екхаус (Џим Волш), Винсент Јанг (Ноа Хантер) и Кристин Елис (Емили Валентајн).
На настанот не присуствуваше Шенон Доерти (Бренда Волш), која се бори со рак на дојка. Сепак, нејзините колеги не дозволија средбата да заврши без да ѝ дадат поддршка.
Џени Гарт сподели фотографија на која пишува „Бори се како Бренда“, а во описот напиша: „За мојата сестра по дух. Најсилната дама која ја познавам. Тогаш и сега. Порано ме плашеше твојот дух, сега ти се восхитувам. Ме научи многу за тоа дека треба да го кажувам она што го мислам и да не се плашам од мојата моќ. Благодарна сум што младата јас беше пријателка со тебе. Но, особено благодарна сум што и старата јас е. Најдоброто допрва претстои на ова лудо патување! Те сакам!“
Лук Пери изјави дека во целата серија омилена му била врската Дилан-Бренда. „Таа има голем удел во успехот на шоуто. Таа ме научи многу“ – рекол тој.
Поради професионални ангажмани, отсутни беа и Брајан Остин Грин (Дејвид Силвер) и Иан Зиринг (Стив Сандерс).
Погледнете и видеа:
